Agri Info

ஏர் இந்தியா வேலை வாய்ப்பு; 148 காலியிடங்கள்; 10-ம் வகுப்பு, டிகிரி படித்தவர்கள் உடனே விண்ணப்பிங்க!

December 12, 2023Employment NewsNo comments

சென்னை, மதுரை, திருச்சி மற்றும் கோயம்புத்தூர் விமான நிலையங்களில் உள்ள ஏர் இந்தியா விமான சேவை நிறுவனத்தில் பல்வேறு பணியிடங்களை நிரப்புவதற்கான அறிவிப்பு வெளியிடப்பட்டுள்ளது. மொத்தம் 148 பணியிடங்கள் நிரப்பப்பட உள்ளன. இந்தப் பணியிடங்கள் தற்காலிக அடிப்படையில் நிரப்பப்பட உள்ளன. தகுதியும் விருப்பமும் உள்ளவர்கள் நேர்முகத் தேர்வில் கொள்ளலாம்.

Duty Manager

காலியிடங்களின் எண்ணிக்கை : 8

கல்வித் தகுதி: அங்கீகரிக்கப்பட்ட பல்கலைக்கழகத்தில் இளங்கலைப் பட்டப்படிப்பை முடித்திருக்க வேண்டும்.
மேலும் 16 வருட அனுபவம் இருக்க வேண்டும்.

சம்பளம் : ரூ. 45,000

Duty Officer

காலியிடங்களின் எண்ணிக்கை : 8

கல்வித் தகுதி: அங்கீகரிக்கப்பட்ட பல்கலைக்கழகத்தில் இளங்கலைப் பட்டப்படிப்பை முடித்திருக்க வேண்டும்.
மேலும் 12 வருட அனுபவம் இருக்க வேண்டும்.

சம்பளம் : ரூ. 32,200

Customer Service Executive

காலியிடங்களின் எண்ணிக்கை : 80

கல்வித் தகுதி: 12 ஆம் வகுப்பு தேர்ச்சி பெற்றிருக்க வேண்டும்.
அல்லது அங்கீகரிக்கப்பட்ட பல்கலைக்கழகத்தில் இளங்கலைப் பட்டப்படிப்பை முடித்திருக்க வேண்டும்.

சம்பளம் : ரூ. 20,130 – 25,980

Utility Agent cum Ramp Driver

காலியிடங்களின் எண்ணிக்கை : 2

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.
கனரக வாகன ஓட்டுநர் உரிமம் வைத்திருக்க வேண்டும்.

சம்பளம் : ரூ. 20,130

Handyman

காலியிடங்களின் எண்ணிக்கை : 50

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம் : ரூ. 17,850

வயதுத் தகுதி: 28 வயதிற்குள் இருக்க வேண்டும். சில பணிகளுக்கு
55 வயது வரை விண்ணப்பிக்கலாம். SC/ST பிரிவினருக்கு
5 ஆண்டுகளும், OBC பிரிவினருக்கு 3 ஆண்டுகளும்
வயது சலுகை உண்டு.

தேர்வு முறை: இந்தப் பணியிடங்களுக்கு நேர்முகத் தேர்வு மூலம் தகுதியானவர்கள் தேர்ந்தெடுக்கப்படுவார்கள்.

நேர்முகத் தேர்வு நடைபெறும் நாள்: 26.12.2023 முதல் 30.12.2023 வரை

நேர்முகத் தேர்வு நடைபெறும் இடம்: Office of the HRD Department,
Air India Unity Complex, Pallavaram Cantonment, Chennai - 600043

இந்த அறிவிப்பு தொடர்பாக மேலும் விவரங்கள் அறிய https://aiasl.in/resources/Advertisement%20-%20CHENNAI,%20MADURAI,%20TRICHY%20AND%20COIMBATORE%20-%20DEC%202023.pdf என்ற இணையதளப் பக்கத்தினைப் பார்வையிடவும்.

ஆவடி கனரக வாகன தொழிற்சாலையில் 320 காலிப்பணியிடங்கள்: உடனே விண்ணப்பியுங்கள்

December 12, 2023Employment NewsNo comments

பொதுத்துறை நிறுவனமான ஆவடி கனரக வாகன தொழிற்சாலை நிர்வாகம் காலியாக உள்ள பல்வேறு துறைகளில் காலியாக உள்ள 320 தொழில்பழகுனர் (Apprentices) பணியிடங்களுக்கான ஆள்சேர்க்கை அறிவிக்கையை வெளியிட்டுள்ளது. தமிழ்நாட்டைச் சார்ந்தவர்கள் மட்டுமே இப்பதவிக்கு விண்ணப்பிக்க முடியும். ஆர்வமும், தகுதியும் உள்ளவர்கள் எதிர்வரும் 16ம் தேதிக்குள் விண்ணப்பிக்குமாறு கேட்டுக் கொள்ளப்படுகின்றனர்.

பணியிடங்கள் பற்றிய விவரங்கள்:

பட்டதாரி தொழிற்பழகுநர் (Graduate Apprentices) பணியின் கீழ் 110 இடங்களும் , பட்டய படிப்பு தொழிற்பழகுநர் (Technician (Diploma) Apprentices) பணியின் கீழ் 110 இடங்களும்,பொறியியல் சாராத பட்டதாரி தொழிற்பழகுநர் (Non Engineering Graduate Apprentices ) பணியின் கீழ் 100 இடங்களும் நிரப்பப்பட உள்ளது.

2019, 2020, 2021, 2022 மற்றும் 2023 ஆகிய வருடங்களில் தொடர்புடைய துறைகளில் பட்டய படிப்பு/ பட்டப்படிப்பு முடித்தவர்கள் இதற்கு விண்ணப்பிக்கலாம் என்று தெரிவிக்கப்பட்டுள்ளது.

தெரிவு செய்யப்படும் முறை: அந்தந்த பதவிகளுக்கு அறிவிக்கப்பட்ட கல்வித் தகுதியில் பெறப்பட்ட மதிப்பெண்கள் அடிப்படையில் உத்தேச இறுதிப் பட்டியல் தயாரிக்கப்படும். எழுத்து, வாய்மொழி போன்ற எந்தவித தேர்வும் நடத்தப்படாது. எனவே, ஆன்லைனில் விண்ணப்பிக்கும் போது விண்ணப்பபதாரர் கல்வி தொடர்பான அனைத்து விபரங்களையும் சமர்ப்பிக்க வேண்டும்.

பயிற்சி காலம்: ஓராண்டு.

அரசு அறிவித்த நெறிமுறைகளின் படி, பயிற்சி பெறுபவர்களுக்கு மாதாந்திர ஊதியம் அளிக்கப்படும்.

விண்ணப்பங்கள் ஆன்லைனில் மட்டுமே சமர்ப்பிக்க வேண்டும். portal.mhrdnats.gov.in , nats.education.gov.in என்ற அதிகாரப்பூர்வ இணையதளங்களில் மட்டுமே விண்ணப்பிக்க முடியும். விண்ணப்பங்கள் சமர்ப்பிப்பதற்குரிய கடைசி நாள் 16/12/2023 ஆகும். ஆள்சேர்க்கை அறிவிக்கையை பதிவிறக்கம் செய்ய இந்த இணைப்பைக் கிளிக் செய்யவும்

🔻🔻🔻

Click here to join WhatsApp group for Daily employment news
Click here for latest employment news

எந்த எழுத்துத் தேர்வும் இல்லை... அஞ்சல் ஆயுள் காப்பீட்டு முகவர்கள் பணி

December 12, 2023Employment NewsNo comments

அஞ்சல் ஆயுள் காப்பீடு / கிராம அஞ்சல் ஆயுள் காப்பீடு (Postal Life Insurance / Rural Postal Life Insurance products) விற்பனைக்காக புதிய நேரடி முகவர்களை (Postal Life Insurance Agents) ஈடுபடுத்தவிருப்பதாக சென்னை முதுநிலை அஞ்சல் கோட்ட கண்காணிப்பாளர் தெரிவித்துள்ளார்.

விருப்பமுள்ளவர்கள் செயின்ட் தாமஸ் மௌன்ட் தலைமை அஞ்சலகம், சென்னை 600016 (ஆலந்தூர் மெட்ரோ அருகில்) உள்ள அலுவலகத்தில் 27.12.2023 அன்று 10.00 மணிக்கு நடைபெற உள்ள நேர்காணலில் கலந்து கொள்ளலாம்.

கல்வி தகுதி: குறைந்தது பத்தாம் வகுப்பில் தேர்ச்சி பெற்றிருக்க வேண்டும்.

வயது வரம்பு: 18-வயதிலிருந்து.

பிரிவுகள்: சுய தொழில் செய்யும் / வேலையில்லா இளைஞர்கள், ஏதேனும் காப்பீட்டு நிறுவனத்தில் பணி புரிந்த முன்னாள் காப்பீட்டு ஆலோசகர்கள்/ முகவர்கள், அங்கன்வாடி மற்றும் மஹிளா மண்டல் பணியாளர்கள், சுய உதவிக்குழு உறுப்பினர்கள், முன்னாள் ராணுவத்தினர், ஓய்வு பெற்ற ஆசிரியர்கள் விண்ணப்பிக்கலாம்.

விரும்பத்தக்க தகுதிகள்: ஆயுள் காப்பீடுகளை விற்பனை செய்வதில் முன் அனுபவம் உள்ளவர்கள், கணினிப் பயிற்சி உள்ளவர்கள் / சொந்தப்பகுதி பற்றி நன்கு அறிந்தவர்கள் மற்றும் சென்னை மாநகராட்சியை சார்ந்தவராக இருத்தல் வேண்டும்.

இதர ஆயுள் காப்பீட்டு அலுவலகத்தில் முகவர்களாக இருப்பவர்கள், அஞ்சல் ஆயுள் காப்பீட்டு முகவர்களாக விண்ணப்பிக்க தகுதியில்லை.

மேற்கண்டதகுதியுடையவர்கள்மூன்றுபுகைப்படத்துடன் (பாஸ்போர்ட் அளவு), அசல் மற்றும் இரண்டு நகல் - வயதுச்சான்று, முகவரிச்சான்று மற்றும் கல்விச்சான்றுடன் அணுகவும். நேர்காணலுக்கு பின் தேர்ந்தெடுக்கப்படுபவர்கள் ஐந்தாயிரம் ரூபாய்க்கு தேசிய சேமிப்பு பத்திரம் [National Savings Certificate] பணப் பாதுகாப்பு பத்திரமாக வழங்க வேண்டும்.

இந்த நேர்காணல் அஞ்சல் ஆயுள் காப்பீட்டு பாலிசிகளை முகவர்கள் மூலம் விற்பனை செய்வதற்காக நடத்தப்படுகிறது. முகவர்களாக தேர்ந்தெடுக்கப்படுபவர்கள் பிடிக்கும் பாலிசியின் பிரீமியம் அடிப்படையில் ஊக்கத்தொகை வழங்கப்படும் என்று தெரிவிக்கப்பட்டுள்ளது.

🔻🔻🔻

Click here to join WhatsApp group for Daily employment news
Click here for latest employment news