சென்னையின் பிரபல திருக்கோயிலில் வேலை: தமிழில் எழுதபடிக்கத் தெரிந்தால் மட்டுமே வாய்ப்பு!

 சென்னை ராயப்பேட்டையில் புகழ்பெற்ற அருள்மிகு சித்தி புத்தி விநாயகர் மற்றும் சுந்தரேஸ்வர் திருக்கோயிலில் பல்வேரு காலிப்பணியிடங்களுக்கு விண்ணப்பங்கள்  வரவேற்கப்படுகின்றன. ஆர்வமும், தகுதியும் உள்ளவர்கள் வரும் 17ம் தேதிக்குள் விண்ணப்பிக்க வேண்டும் என்று தெரிவிக்கப்பட்டுள்ளது.

காலியிடங்கள் விவரம்:

பணி: கணினி இயக்குபவர் - 1

சம்பளம்: மாதம் ரூ.15,300 - 48,700

கல்வித்தகுதி: Diploma in computer science முடித்திருக்க வேண்டும். தமிழ் மற்றும் ஆங்கிலத்தில் தட்டச்சு செய்ய தெரிந்திருக்க வேண்டும்.

பணி: மின் பணியாளர் - 1

சம்பளம்: மாதம் ரூ.12,600 - 39,900

கல்வித்தகுதி: ஐடிஐ சான்றிதழ் பெற்றிருக்க வேண்டும். மின் உரிமம் வாரியத்தின் B- சான்றிதழ் பெற்றிருக்க வேண்டும்.

பணி: அர்ச்சகர் நிலை 2 - 1

சம்பளம்: மாதம் ரூ.13,200 - 39,900

கல்வித்தகுதி: தமிழ் மொழியில எழுதவும், படிக்கவும் தெரிந்திருக்க வேண்டும். ஆகமவிதப்பள்ளி அல்லது வேத பாடச்சாலையில் ஓராண்டு சான்றிதழ் பெற்றிருக்க வேண்டும்.

பணி: ஓதுவார் - 1

சம்பளம்: மாதம் ரூ.12,600 - 39,900

கல்வித்தகுதி: தமிழ் மொழியில எழுதவும், படிக்கவும் தெரிந்திருக்க வேண்டும். தேவார பாடச்சாலையில் அல்லது தொடர்புடைய துறைகளில் 3 ஆண்டு பயிற்சி சான்றிதழ் பெற்றிருக்க வேண்டும்.

பணி: சுயம்பாகி - 1

சம்பளம்: மாதம் ரூ.13,200 - 41,800

கல்வித்தகுதி:தமிழ் மொழியில எழுதவும், படிக்கவும் தெரிந்திருக்க வேண்டும். ஆகமவிதிப்படி கைவைத்தியம் மற்றும் பிரச்சாரம் செய்ய தெரிந்திருக்க வேண்டும்.

பணி: மேளக்குழு நாதஸ்வர பணிக்கும் மட்டும் - 1

சம்பளம்: மாதம் ரூ.15,300 - 48,700

கல்வித்தகுதி: தமிழ் மொழியில எழுதவும், படிக்கவும் தெரிந்திருக்க வேண்டும். இசைப்பள்ளிகளில் சான்றிதழ் பெற்றிருக்க வேண்டும்.

பணி: பகல் காவலர் - 1

சம்பளம்: மாதம் ரூ.11,600 - 36,800

கல்வித்தகுதி:  தமிழ் மொழியில எழுதவும், படிக்கவும் தெரிந்திருக்க வேண்டும். உடல் ஆரோக்கியத்துடன் இருக்க வேண்டும்

பணி: இரவு காவலர் - 1

சம்பளம்: மாதம் ரூ.11,600 - 36,800

கல்வித் தகுதி: தமிழ் மொழியில எழுதவும், படிக்கவும் தெரிந்திருக்க வேண்டும்.உடல் ஆரோக்கியத்துடன் இருக்க வேண்டும்.

விண்ணப்பம் செய்வது எப்படி? 

மேற்படி தகுதிகள் கொண்ட விண்ணப்பதாரர்கள்,  விண்ணப்பபடிவம் மற்றும் நிபந்தனைகளை hrce.tn.gov.in என்ற இணையதளத்தினும் பதிவிறக்கம் செய்து கொள்ளலாம்.

விண்ணப்பங்கள் 17.11.2022 அன்று மாலை 5.45 மணி வரை மட்டுமே பெற்றுக் கொள்ளப்படும். அதன் பின்னர் வரப்பெறும் விண்ணப்பங்கள் ஏற்றுக் கொள்ளப்பட மாட்டாது என்று தெரிவிக்கப்பட்டுள்ளது.

பூர்த்தி செய்யப்பட்ட விண்ணப்பபங்கள் அனுப்ப வேண்டிய முகவரி,

செயல் அலுவலர்,

அருள்மிகு சித்தி புத்தி விநாயகர் மற்றும் சுந்தரேஸ்வரர் திருக்கோயில்,

இராயப்பேட்டை,

சென்னை-14.

விண்ணப்பத்துடன் கல்வித்தகுதி சான்றின் நகல்கள், சாதிச்சான்று நகல், குடும்ப அடையாள அட்டை நகல், முன்னுரிமைக்கான சான்றின் நகல், ஆதார் அட்டை நகல், வேலைவாய்ப்பு பதிவு அட்டை நகல், சுயவிலாசமிட்ட ரூ.25/-க்கான தபால் தலையுடன் கூடிய உறை ஆக்கியவற்றையும் இணைத்து அனுப்ப வேண்டும்.

அருள்மிகு சித்தி புத்தி விநாயகர் மற்றும் சுந்தரேஸ்வர் திருக்கோயிலில்

Click here to join WhatsApp group for Daily employment news  

Read More

ரூ.31,000 வரை உதவித்தொகை.. மத்திய அரசின் டிஆர்டிஓ நிறுவனத்தில் JRF பணி வாய்ப்பு!

 

மத்திய அரசின் பாதுகாப்பு ஆராய்ச்சி & மேம்பாடு அமைப்பு (DRDO) வெளியிட்ட தகவலின் படி Defence institute of Bio - Energy research (DIBER) இல் நிறுவனத்தில் காலியாக உள்ள Junior Research Fellowships (JRF) மற்றும் Young scientists laboratory for smart materials (DYSL-SM) இல் உள்ள JRF பணியிடங்களை நிரப்ப புதிய அறிவிப்பு வெளியாகியுள்ளது

DIBER JRF - க்கு பணிக்கான விவரங்கள்:

பணியின் பெயர்	Junior Research Fellowships (JRF)
காலியாகவுள்ள பணியிடங்கள்	9
பணியிடங்கள்	ஹைதராபாத்
கல்வித்தகுதி	B.E/B.TECH or M.E/M.TECH - Mechanical Engineering / Electronic Engineering & Instrumentation Engineering / Computer EngineeringPost graduate degree in Physics & Chemistry in first division with NET.
வயது வரம்பு	அதிகபட்சம் 28க்குள் இருக்க வேண்டும். OBC விண்ணப்பதார்களுக்கு 3 ஆண்டுகள், SC/ ST/ Ex – Servicemen விண்ணப்பதார்களுக்கு 5 ஆண்டுகள் என வயது வரம்பில் தளர்வு அளிக்கப்பட்டுள்ளது.
உதவித்தொகை விவரம்	தேர்வு செய்யப்படுபவருக்கு மாதம் ரூ.31,000/- உதவித்தொகையாக வழங்கப்படும்.

தேர்வு செயல் முறை:

நேர்காணல் மூலம் தேர்வு செய்யப்படுவர்

விண்ணப்பிக்கும் முறை:

அறிவிப்பில் வழங்கப்பட்டுள்ள விண்ணப்பப் படிவத்தைப் பூர்த்தி செய்து yogi.diber@gov,in என்ற மின்னஞ்சல் முகவரிக்கு 15.11.2022க்குள் அனுப்ப வேண்டும்.

நேர்முகத் தேர்வு நடைபெறும் நாள் : 16.11.2022.

மேலும் தகவலுக்கு இங்கே கிளிக் செய்யவும்.

DYSL-SM JRF பணிக்கான விவரங்கள்:

பணியின் பெயர்	Junior Research Fellowships (JRF)
காலியிடம்	1
பணியிடம்	ஹல்ட்வானி
கல்வித்தகுதி	M.Sc /M.Sc (Tech) / B.Tech /B.E / M.Tech /M.E in Materials Science / Materials Science and Engineering / Materials science and Technology / Metallurgical Engineering and a valid GATE score.
வயது வரம்பு	அதிகபட்சம் 28 வயது.
உதவித்தொகை	31,000/-

தேர்வு செய்யப்படும் முறை :

விண்ணப்பிக்க வேண்டிய முறை :

jrfsm2022@gmail.com

அறிவிப்பு வெளியாகி 21 நாட்களுக்குள் விண்ணப்பிக்க வேண்டும். அறிவிப்பு வெளியான நாள் : 01.11.2022

மேலும் தகவலுக்கு இங்கே கிளிக் செய்யவும்.

Click here to join WhatsApp group for Daily employment news  

Read More

தமிழக மாவட்ட குழந்தைகள்‌ பாதுகாப்பு பிரிவில் வேலை – சம்பளம்: ரூ.18,536/-

 

தமிழக மாவட்ட குழந்தைகள்‌ பாதுகாப்பு பிரிவில் வேலை – சம்பளம்: ரூ.18,536/-

தருமபுரி, மாவட்ட குழந்தைகள்‌ பாதுகாப்பு அலகில் 1 வருட கால ஒப்பந்த அடிப்படையில்‌, பணிபுரிய புதிய வேலைவாய்ப்பு அறிவிப்பு தற்போது வெளியாகி உள்ளது. இந்த அரசு பணிக்கு என ஒரு பணியிடம் காலியாக உள்ளது. எனவே ஆர்வமுள்ளவர்கள் 21.11.2022-க்குள் இப்பணிக்கு விண்ணப்பிக்குமாறு கேட்டுக்கொள்ளப்படுகிறது.

குழந்தைகள்‌ பாதுகாப்பு அலுவலக காலிப்பணியிடங்கள்:

Social Worker எனப்படும் சமூகப்பணியாளர் பதவிக்கு என ஒரு பணியிடம் காலியாக உள்ளது.

வயது வரம்பு:

விண்ணப்பிக்க விரும்பும் விண்ணப்பதாரர்கள் 40 வயதிற்கு மேற்பட்டவராக இருத்தல்‌ கூடாது. மேலும் வயது தளர்வு பற்றிய விவரங்களுக்கு அதிகாரப்பூர்வ அறிவிப்பின் மூலம் அறிந்து கொள்ளலாம்.

Social Worker சம்பள விவரம்:

மேற்கண்ட பணிக்கு தேர்வு செய்யப்படும் தேர்வர்க்கு மாதம் ரூ.18,536/- சம்பளம் வழங்கப்பட உள்ளது.

Social Worker கல்வி தகுதி:

சமூகப்பணியாளர்‌ (Social Worker) பட்டதாரி (10+2+3 மாதிரி) சமூகப்பணி 7 சமூகவியல்‌ / சமூக அறிவியல்‌ பட்டம்‌ பெற்றிருக்க வேண்டும்‌. இப்பணியில்‌ பணிபுரிந்த அனுபவம்‌ உள்ளவர்களுக்கு முன்னுரிமை வழங்கப்படும்‌ மற்றும்‌ கணிணியில்‌ பணிபுரிந்த அனுபவம்‌ இருக்க வேண்டும்‌.

அரசு பணிக்கு விண்ணப்பிக்கும் முறை:

மேற்கண்ட பதவிக்கான தகுதியுள்ள விண்ணப்பதாரர்கள் புகைப்படத்துடன்‌ (Passport Size)கூடிய விண்ணப்பத்தை பூர்த்தி செய்து 21.11.2022 அன்று மாலை 5.45 மணிக்குள்‌ கீழ்கண்ட முகவரியில்‌ வந்து சேரும்‌ வகையில்‌ அனுப்பப்பட வேண்டும்‌.

மாவட்ட குழந்தைகள்‌ பாதுகாப்பு அலுவலர்‌,
மாவட்ட குழந்தைகள்‌ பாதுகாப்பு அலுவலகம்‌,
சமூகப்பாதுகாப்புத்துறை,
மாவட்ட ஆட்சியர்‌ அலுவலக வளாகம்‌,
தருமபுரி.

Download Notification 2022 Pdf

Download Application Form 

Click here to join WhatsApp group for Daily employment news  

Read More

SBI Mutual Fund-ல் Sales Executive காலிப்பணியிடங்கள் – அரிய வாய்ப்பை தவறவிடாதீர்கள்!

 SBI Mutual Fund-ல் Sales Executive காலிப்பணியிடங்கள் – அரிய வாய்ப்பை தவறவிடாதீர்கள்!

Sales Executive பணிக்கான காலியிடங்களை நிரப்புவது குறித்த புதிய அறிவிப்பு ஒன்றை SBI Mutual Fund நிறுவனம் ஆனது தற்போது வெளியிட்டுள்ளது. இப்பணிக்கென தேர்வு செய்யப்படும் விண்ணப்பதாரர்களுக்கு தகுதி, திறன் அடிப்படையில் மாத ஊதியம் வழங்கப்படும் என தெரிவிக்கப்பட்டுள்ளது. ஆர்வமுள்ள மற்றும் தகுதியானவர்களின் விண்ணப்பங்கள் வரவேற்கப்படுகிறது. விருப்பமுள்ளவர்கள் இறுதி நாள் முடிவதற்குள் விண்ணப்பித்து பயனடையுமாறு அறிவுறுத்தப்படுகிறார்கள்.

SBI MF காலிப்பணியிடங்கள்:

தற்போது வெளியாகியுள்ள அறிவிப்பின்படி Sales Executive பணிக்கென ஒரே ஒரு பணியிடம் மட்டுமே ஒதுக்கப்பட்டுள்ளதாக தெரிவிக்கப்பட்டுள்ளது.

Sales Executive கல்வி தகுதி:

இப்பணிக்கு விண்ணப்பிக்க விரும்பும் விண்ணப்பதாரர்கள் அங்கீகாரம் பெற்ற பல்கலைக்கழகத்தில் அல்லது கல்வி நிலையத்தில் Post Graduate தேர்ச்சி பெற்றிருக்க வேண்டும் என தெரிவிக்கப்பட்டுள்ளது.

SBI MF வயது வரம்பு:

விண்ணப்பதாரர்களின் வயது வரம்பு குறித்த விவரங்களுக்கு அதிகாரபூர்வ அறிவிப்பை பார்வையிடவும்.

Sales Executive முன் அனுபவம்:

விண்ணப்பதாரர்கள் சம்பந்தப்பட்ட துறையில் 2 ஆண்டுகள் வரை முன் அனுபவம் கொண்டிருக்க வேண்டும் என தெரிவிக்கப்பட்டுள்ளது.

SBI MF ஊதிய விவரம்:

தேர்வு செய்யப்படும் விண்ணப்பதாரர்களுக்கு தகுதி, திறன் மற்றும் முன் அனுபவத்தின் அடிப்படையில் மாத ஊதியம் வழங்கப்படும் என எதிர்பார்க்கப்படுகிறது.

Sales Executive தேர்வு செய்யப்படும் முறை:

விண்ணப்பதாரர்கள் நேர்காணல் / Skill Test மூலம் தேர்வு செய்யப்படுவார்கள் என தெரிவிக்கப்பட்டுள்ளது. கூடுதல் விவரங்களுக்கு அதிகாரபூர்வ அறிவிப்பை பார்வையிடவும்.

விண்ணப்பிக்கும் முறை:

தகுதியான விண்ணப்பதாரர்கள் அதிகாரபூர்வ தளத்தில் விண்ணப்ப படிவம் பெற்று பூர்த்தி செய்து ஆன்லைன் மூலம் விண்ணப்பிக்குமாறு அறிவுறுத்தப்படுகிறார்கள். இறுதிநாள் முடிந்த பின் பெறப்படும் விண்ணப்பங்கள் ஏற்றுக்கொள்ளப்படாது என தெரிவிக்கப்பட்டுள்ளது.

Download Notification PDF

Click here to join WhatsApp group for Daily employment news  

Read More

தமிழ்நாடு ஊரக வளர்ச்சி துறையில் அலுவலக உதவியாளர் வேலைவாய்ப்பு 2022 – சம்பளம்: ரூ.71,900/-

 

தமிழ்நாடு ஊரக வளர்ச்சி துறையில் அலுவலக உதவியாளர் வேலைவாய்ப்பு 2022 – சம்பளம்: ரூ.71,900/-

சேலம் தமிழ்நாடு ஊரக வளர்ச்சி மற்றும் பஞ்சாயத்து ராஜ் துறையில் காலியாக உள்ள அலுவலக உதவியாளர் மற்றும் ஈப்பு ஓட்டுநர் பணியிடங்களை நிரப்புவதற்கான அறிவிப்பு தற்போது வெளியாகி உள்ளது. இந்த அறிவிப்பின் படி, 2 பணியிடங்கள் காலியாக உள்ளன. எனவே ஆர்வமுள்ளவர்கள் இந்த வாய்ப்பை தவற விடாமல் உடனே 22/11/2022 க்குள் விண்ணப்பிக்குமாறு கேட்டுக்கொள்ளப்படுகிறது.

நிறுவனம்	தமிழ்நாடு ஊரக வளர்ச்சி மற்றும் பஞ்சாயத்து ராஜ் துறை
பணியின் பெயர்	அலுவலக உதவியாளர் மற்றும் ஈப்பு ஓட்டுநர்
பணியிடங்கள்	02
விண்ணப்பிக்க கடைசி தேதி	22/11/2022
விண்ணப்பிக்கும் முறை	Offline

TNRD தமிழ்நாடு ஊரக வளர்ச்சி துறை காலிப்பணியிடங்கள்:

• அலுவலக உதவியாளர் – 01 பணியிடம்
• ஈப்பு ஓட்டுநர் – 01 பணியிடம்

அலுவலக உதவியாளர் கல்வி தகுதி:

• எட்டாம் வகுப்பு தேர்ச்சி பெற்றிருக்க வேண்டும்.
• மிதிவண்டி ஓட்ட தெரிந்திருக்க வேண்டும்.

ஈப்பு ஓட்டுநர் கல்வி தகுதி:

8-ஆம்‌ வகுப்பு தேர்ச்சி பெற்றிருக்க வேண்டும்‌. மோட்டார்‌ வாகனச்‌ சட்டம்‌ 1988 (முத்திய சட்டம்‌ 59/1988)-ன்படி தமிழக அரசின்‌ தகுந்த அதிகாரியால்‌ வழங்கப்பட்ட தகுதியான ஓட்டுநர் உரிமம்‌ பெற்றிருக்க வேண்டும். ஐந்தாண்டுகளுக்கு குறைவில்லாமல்‌ மோட்டார்‌ வாகனங்களை ஒட்டியமைக்கான நடைமுறை அனுபவம்‌ கொண்டவராக இருக்க வேண்டும்‌.

வயது வரம்பு:

தமிழ்நாடு ஊரக வளர்ச்சி மற்றும் பஞ்சாயத்து ராஜ் துறையின் சேலம் ஆட்சேர்ப்பு அறிவிப்பின்படி, விண்ணப்பதாரர் 01-07-2022 தேதியின்படி குறைந்தபட்ச வயது 18 மற்றும் அதிகபட்சம் 42 வயதுக்கு உட்பட்டவராக இருக்க வேண்டும்.

TNRD சேலம் சம்பள விவரம்:

• அலுவலக உதவியாளர் – ரூ.15,700 – 58,100/-
• ஈப்பு ஓட்டுநர் – ரூ.19,500 – 71,900/-

TNRD பணிக்கு விண்ணப்பிக்கும் முறை:

ஆர்வமும் தகுதியும் உள்ள விண்ணப்பதாரர்கள் பரிந்துரைக்கப்பட்ட விண்ணப்ப படிவத்தின் மூலம் விண்ணப்பிக்கலாம். விண்ணப்பதாரர் விண்ணப்பப் படிவத்தை உரிய ஆவணங்களுடன் அறிவிப்பில் உள்ள முகவரிக்கு 22/11/2022-க்குள் அனுப்பி விண்ணப்பிக்க வேண்டும்.

Download Notification 1 Pdf

Download Notification 2 Pdf

Click here to join WhatsApp group for Daily employment news  

Read More

கழிவுகள் இல்லா சமையலறை... நிலையான எதிர்காலத்திற்கு தேவையான டிப்ஸ்!

 காய்கறி, பழங்கள் உள்ளிட்ட உணவுப் பொருட்களை எந்த வகையிலும் வீணடிக்காமல் முடிந்தவரை பயனுள்ளதாக மாற்றிக் கொள்ள வேண்டும். எந்தவொரு சமையல் பொருளையும் வீணடிக்காத வகையில் தான் நம் முன்னோர்களின் சமையல் முறை இருந்தது. ஆனால், காலங்கள் மாற, மாற நமது சமையல் முறையும் வெகுவாக மாற்றம் அடைந்து விட்டது. உணவின் சுவைக்கு நாம் முக்கியத்துவம் கொடுக்கும் அளவுக்கு உணவுப் பொருள்களை வீணாக்காமல் பயன்படுத்தி கொள்ள காட்டுவதில்லை.

ஆனால், விலைவாசி முன்பு போல இல்லை. முன்பெல்லாம் 100 ரூபாய்க்கு 5 கிலோ பட்டானி கிடைத்தது. ஆனால், இப்போது ஒரு கிலோ பட்டானியின் விலையே 100 ரூபாயை தாண்டும். ஆக, நம் சமையல் அறைக்குள் உள்நுழையும் எந்தவொரு பொருளையும் நாம் வீணடிக்காமல் பயன்படுத்திக் கொள்ள வேண்டும்.

நுனி முதல் அடி வரை பயன்பாடு : காய்கறிகளில் அனைத்துப் பகுதிகளையும் பயன்பத்திக் கொள்ளும் சாதூர்யத்தை நாம் வளர்த்துக் கொள்ள வேண்டும். வேர்கள், தண்டுகள், கீரைகள், மலர்கள், மொட்டுகள் என அனைத்தையும் பச்சையாகவோ அல்லது சமைத்தோ சாப்பிடும் பாரம்பரியம் நம் உணவுக் கலாச்சாரத்தில் அடங்கியுள்ளது. அதேபோன்று ஊறுகாய் செய்வது, வத்தல் போடுவது, காய வைத்து பதப்படுத்துவது என பல்வேறு உத்திகளை நம் முன்னோர்கள் பயன்படுத்தி வந்துள்ளனர். மேற்குறிப்பிட்ட வகையில், அனைத்து பாகங்களையும் உணவுப் பொருளாக மாற்றுவது அல்லது அதனை பதப்படுத்தி பிற்கால பயன்பாட்டிற்கு வைத்துக் கொள்வது என இந்த இரண்டு உத்திகளை பயன்படுத்தினாலே நம் சமையல் அறைகள் கழிவு இல்லாத ஒன்றாக மாறும்.

கழிவுகளை தூக்கி எறிய வேண்டாம்:  பெரும்பாலும் காய்கறி மற்றும் பழங்களில் நமக்கு தேவையான பகுதியை வெட்டி எடுத்துக் கொண்டு மற்றவற்றை தூக்கியெறியும் பழக்கத்தை நாம் கடைப்பிடித்து வருகிறோம். அதுபோல செய்யாமல் அவற்றை பயன்படுத்திக் கொள்ள வேண்டும். உதாரணத்திற்கு தண்டுக்கீரை வாங்கி கீரைகளை சமைக்கும் நாம், அந்தத் தண்டுகளை தூக்கியெறிய தேவையில்லை. அதை சிறு துண்டுகளாக வெட்டி சாம்பாரில் சேர்த்துக் கொள்ளலாம். அதேபோல, எலுமிச்சை சாதம் செய்கிறீர்கள் என்று வைத்துக் கொள்ளுங்கள். அதன் தோல்களை பயன்படுத்தி ஊறுகாய் செய்யலாம். சரி பீட்ரூட் தோல், சௌ சௌ தோல் போன்ற எதற்குமே பயன்படுத்த முடியாத கழிவுகளை என்ன செய்வது? அவற்றை உரமாக மாற்றி நமது தோட்டத்தில் உள்ள செடிகள் அல்லது பூந்தொட்டிகளுக்கு உரமிடலாம்.

வத்தல் முறை: வெண்டக்காய், சுண்டக்காய், மாங்காய் போன்ற காய்கறிகள் அதிகம் விளையும் காலங்களில், அதை மலிவான விலையில் வாங்கி வத்தல் போட்டு வைத்துக் கொள்வது மாபெரும் உத்தி ஆகும். பின்னாளில் இவை கிடைக்காத அல்லது விலை உயர்ந்த சமயங்களில் அவற்றை தண்ணீரில் ஊற வைத்து நாம் பயன்படுத்திக் கொள்ளலாம்.

பூக்களை உண்ணும் பழக்கம் : பண்டைய காலங்களில் பூ உண்ணும் பழக்கம் இருந்துள்ளது. காலப்போக்கில் அது மாறிவிட்டது. சாதாரணமாக புளியம்பூ, வாழைப்பூ போன்றவற்றை பச்சையாகவோ, சமைத்தோடு சாப்பிடும் பழக்கம் இன்று மறைந்து வருகிறது. அவற்றிலும் கூட ஊட்டச்சத்துகள் நிறைய இருக்கின்றன. வடகிழக்கு மாநிலங்களில் வேப்பம்பூவை சூப் செய்து அருந்துவார்களாம்.

இதையும் முயற்சி செய்யலாம்: வெங்காயம் விலை ஏறி விட்டதாக கண்ணீர் சிந்த வேண்டாம். வெங்காயம் மற்றும் உருளைக்கிழங்கு போன்றவற்றைக் கூட நறுக்கி காய வைத்து, பிறகு தேவைப்படும் காலங்களில் பயன்படுத்தும் உத்தி சில குடும்பங்களில் உள்ளது. ஆக, மொத்தம் காய்கறிகளை மதிப்பு கூட்டுப் பொருட்களாக மாற்றி விட்டால் மழைக்காலம் அல்லது விலை உயர்ந்த காலங்களில் அவற்றைப் பயன்படுத்திக் கொள்ளலாம்.

 Click here to join whatsapp group for daily health tip

 Click here to join whatsapp group for daily health tip

Read More

வீட்டில் உள்ள லெதர் சோஃபாவை சுத்தம் செய்ய ரொம்ப கஷ்டமா இருக்கா..? ஈசியான 5 வழிகள் இதோ..!

 விலையுயர்ந்த லெதர் சோபாக்களை வைத்திருப்பது வீட்டிற்கு கம்பீரமான லுக்கையும், அழகையும் தரும் என்றாலும், அதனை பராமரிப்பது பெரும் சவாலான காரியமாகும். குறிப்பாக க்காலங்களில் சோபா முழுவதும் பூஞ்சை பிடித்தது போல் பரவ ஆரம்பிக்கும். இதனால் சோபாவை பராமரிப்பது என்பது வீட்டில் உள்ளவர்களுக்கு பெரும் கவலையாக மாறிவிடும். போதாக்குறைக்கு லெதர் சோபாவை சுத்தம் செய்யும் போது கடினமான கிளீனர்கள், ஹார்டான கருவிகளை பயன்படுத்தக்கூடாது என பல கட்டுப்பாடுகள் வேறு உள்ளன. எனவே தான் லெதர் சோபாக்களை சுத்தம் செய்வதற்கான எளிமையான 5 குறிப்புகளை உங்களுக்காக கொண்டு வந்துள்ளோம்...

1. கறைகளை துடைத்தல்: ஆடம்பரமான பிற வகை சோபாக்களைப் போல் அல்லாமல், லெதர் சோபாக்களில் எளிதில் கறை படிவது கிடையாது. இருப்பினும் காபி, டீ, தக்காளி சாஸ் போன்றவை சிந்தினாலோ அல்லது வேறு விதமான கறைகள் ஏற்பட்டாலோ அதனை உடனடியாக மென்மையான, உலர்ந்த துணி கொண்டு சுத்தம் செய்ய வேண்டும். ஏனெனில் இந்த மாதிரியான திரவங்கள் லெதர் சோபாக்களில் எளிதில் ஊடுருவி அதன் நிறத்தை பாதிக்கக்கூடும். லெதர் சோப்பா மீது எண்ணெய் பிசுக்கு அதிகமுள்ள உணவு சிந்தினால், அதனால் உருவாகும் கிரீஸ் போன்ற கறையை அகற்றுவது கடினமானதாக இருக்கும். அதன் மீது டால்கம் பவுடரைப் தூவி ஒரு இரவு முழுவதும் விட்டுவிட்டு, காலையில் மைக்ரோஃபைபர் கிளாத் கொண்டு சுத்தப்படுத்தலாம்.

2. வழக்கமான பராமரிப்பு: லெதர் சோபாக்களின் மடிப்புகளில் அதிகப்படியான தூசுகள் படிவது காலப்போக்கில் அதில் விரிசல் மற்றும் சேதத்தை ஏற்படுத்தும். எனவே வீட்டை தினமும் சுத்தப்படுத்துவது போலவே லெதர் சோபாக்களையும் தினந்தோறும் சுத்தம் செய்ய வேண்டும். ஈரமான துணியால் சோபாவை நன்றாக துடைத்து, பின்னர் அதனை உலர வைக்க வேண்டும். வேக்யூம் கிளினர் வைத்திருப்பவர்கள் தினமும் சோபாவின் மூலை முடுக்களில் படித்திருக்கும் அழுக்குகளை அகற்றலாம். லெதர் சோபா வைத்திருப்போர் 6 மாதத்திற்கு ஒருமுறை ஏதாவது சேதம் ஏற்பட்டுள்ளது, அதன் கண்டிஷன் எப்படி உள்ளது என்பதை ஆராய வேண்டும்.

3. லெதர் சோபா கிளீனர்: லெதர் சோபாவில் அதிக சேதம் ஏற்படுவதை தவிர்க்க கடைகளில் கிடைக்கும் கமர்ஷியல் கிளீனர்களை பயன்படுத்துவதை தவிர்ப்பது நல்லது. அதற்கு பதிலாக லெதர் சோபாக்களுக்கு என்றே பிரத்யேகமாக தயாரிக்கப்பட்ட மென்மையான கிளீனர்களை பயன்படுத்தலாம். சுத்தமான பஞ்சைக் கொண்டு சோபாவை சுத்தப்படுத்திய பிறகு, பின்னர் காட்டன் டவல் கொண்டு துடைத்து அதனை உலர வைக்க வேண்டும்.

4. சேதங்களை சரி செய்தல்: லெதர் சோபாக்கள் மென்மையாக இருப்பதால் சிறிய கீறல்கள் கூட நாளாடைவில் பெரும் சேதங்களை ஏற்படுத்தக்கூடும். லெதர் சோபாவில் ஏற்படும் கீறல்களை அகற்ற பிரத்யேகமாக கடைகளில் கிடைக்கும் லெதர் ஆயில் அல்லது கண்டிஷனை அப்ளே செய்து, வட்ட இயக்கத்தில் தேய்க்கவும். லெதர் சோபாக்களை பளபளப்பாகவும், கீறல்களை மறைக்கவும் மெழுகை பயன்படுத்தலாம்.

5. சூரிய ஒளியில் இருந்து பாதுகாப்பு: லெதர் சோபா மீது அதிகப்படியான சூரிய வெளிச்சம் படுவது நாளாடைவில் விரிசல், நிறமாற்றம் போன்ற பிரச்சனைகளை உண்டாக்கக்கூடும். சூரிய ஒளி லெதர் சோபாவில் இயற்கையாக உள்ள எண்ணெய் வளத்தை உறிஞ்சி, அதற்கு சேதத்தை விளைவிக்கும். எனவே ஜன்னல் அருகே லெதர் சோபாவை வைப்பதை தவிர்க்கலாம் அல்லது ஜன்னலுக்கு திரைச்சீலைகளை அணிவிப்பதும் பாதுகாப்பளிப்பதாக அமையும்.

 Click here to join whatsapp group for daily health tip

Read More

கொழுப்பு நீக்கப்படாத பால் இவ்வளவு ஆரோக்கியமானதா? நிபுணர்கள் விளக்கம்

 பால் அதிக கொழுப்பு நிறைந்தது மற்றும் அதிக கலோரிகள் கொண்டது, எனவே பால் குடிப்பதால் எடை அதிகரிக்கும் என்று பலரும் பாலை தவிக்கிறார்கள். அதற்கு பதிலாக கொழுப்பு நீக்கப்பட்ட அல்லது குறைவான கொழுப்பு கொண்ட பால் வகைகளை பயன்படுத்தி வருகின்றனர். மேலும், எடை குறைக்க வேண்டுமென்ற முயற்சியில் இருப்பவர்கள் குறைவான கொழுப்பு கொண்ட அல்லது கொழுப்பே இல்லாத உணவுகள் மற்றும் பால் வகைகளை சாப்பிடுகிறார்கள்.

இந்தியா முழுவதுமே எடை குறைக்க வேண்டும் என்றால் கொழுப்பு உணவுகளை நீக்க வேண்டும் என்று தவறான வழிமுறையைப் பின்பற்றி வருகிறார்கள். ஆனால் கொழுப்பு நிறைந்த உணவுகளை சாப்பிடுவதால் கிடைக்க கூடிய அத்தியாவசியமான ஆரோக்கியமான கொழுப்பு கிடைக்காமல் போகிறது.

பாலில் உள்ள கொழுப்புஆபத்தானது இல்லை :பல ஆண்டுகளாக அதிக சாச்சுரேட்டட் கொழுப்பு கொண்ட அதாவது கொழுப்பு நீக்கப்படாத பால் சாப்பிடக்கூடாது தவிர்க்க வேண்டும் என்று பலராலும் கூறப்பட்டு வருகிறது. மேலும், இந்த ஆண்டில் அமெரிக்க ஹார்ட் அசோசியேஷன் பால் பொருட்கள் சம்பந்தப்பட்ட உணவுகளுக்கான வழிமுறைகளை வழங்கியுள்ளது. அதன்படி இதய ஆரோக்கியத்தை மேம்படுத்த மற்றும் உடல் பருமனை தவிர்க்க, குறைவான கொழுப்பு அல்லது கொழுப்பில்லாத பால் பொருட்களைப் பயன்படுத்த வேண்டும் என்று பரிந்துரைத்துள்ளது.

ஆனால் சமீபத்தில் நடத்தப்பட்ட ஆய்வுகளின்படி இந்த குறைவான கொழுப்பு கொண்ட உணவுகளை இந்த வழிமுறைகள் தவறானவை. ஸ்கிம்ட் அல்லது டோன்டு மில்க் என்று கூறப்படும் கொழுப்பு நீக்கப்பட்ட பால் ஆரோக்கியமான தேர்வு அல்ல. அதற்கு மாறாக முழு கொழுப்பு நிறைந்த பால் தான் பல்வேறு ஆரோக்கிய நன்மைகளை வழங்குகிறது என்று கண்டறியப்பட்டுள்ளது.

கொழுப்பு நிறைந்த பாலில் உள்ள ஊட்டச்சத்துக்கள் பற்றிய விவரங்கள் :Whole milk எனப்படும் கொழுப்பு நீக்கப்படாத பால், குறைவான கொழுப்பு உள்ள பால் மற்றும் முழுமையாக கொழுப்பு நீக்கப்பட்ட பால் ஆகிய வகைகளில் எந்த அளவுக்கு கொழுப்பு இருக்கிறது அல்லது நீக்கப்பட்டுள்ளது என்ற அடிப்படையிலேயே வகைப்படுத்தப்பட்டுள்ளது. கொழுப்பு நீக்கப்படாத பாலில் 3.25 சதவிகிதம் கொழுப்பு உள்ளது. குறைவான low-fat பாலில் 1 சதவிகிதம் கொழுப்பு உள்ளது. முழுதும் கொழுப்பு நீக்கப்பட்ட பாலில் கொழுப்பு இல்லை. ஆனால் மற்ற இரண்டு வகைகளில் விட அதிக அளவு வைட்டமின் D சேர்க்கப்படுகிறது.

கொழுப்பு நிறைந்த பால் பற்றிய தவறான புரிதல் :1977 ஆம் ஆண்டு வரையறுக்கப்பட்ட ஊட்டச்சத்து வழிமுறைகளின்படி முழுக் கொழுப்புள்ள பாலை தவிர்க்க வேண்டும். அதிக சாச்சுரேட்டட் கொழப்பு இருப்பதால் இதய நோய் பாதிப்பு ஏற்படுவதற்கும் கொலஸ்ட்ராலின் அளவு அதிகரிப்பதற்கும் வாய்ப்பு உள்ளது என்று தெரிவிக்கப்பட்டது. ஆனால் இந்த கைடுலைன்களை உண்மை என்று நம்புவதற்கு எந்த அறிவியல் பூர்வமான சான்றுகளும் இதுவரை வழங்கப்படவில்லை.

இதையொட்டி 21 ஆய்வுகளில் நடத்தப்பட்ட அனாலிசிஸ் படி, பாலில் உள்ள கொழுப்புகளுக்கும் இதய நோய் பாதிப்பு அதிகரிப்பதற்கும் எந்த சம்பந்தமும் இல்லை என்று தெரிய வந்துள்ளது. சாச்சுரேட்டட் கொழுப்பு உணவு வகைகளை சாப்பிடுபவர்களுக்கும் ஹார்ட் அட்டாக், ஸ்ட்ரோக் உள்ளிட்ட பாதிப்புகள் ஏற்படுவது காரணமாக இல்லை என்பதும் தெரிவிக்கப்பட்டுள்ளது.

கொழுப்பு நிறைந்த பால் எடை குறைப்பதற்கு சாதகமாக இருக்கும் :கொழுப்பு உணவுகளை சாப்பிட்டாலே எடை குறைக்க முடியாது, மாறாக எடை அதிகரிக்கத் தான் செய்யும் என்று தவறான கண்ணோட்டத்தில் மக்கள் உள்ளனர். ஆனால் ஆய்வு முடிவுகள் இதற்கு எதிர்மாறான தகவல்களை அறிவித்துள்ளது. அதன்படி 16 ஆய்வுகள் மேற்கொள்ளப்பட்டது. அதில் 11 ஆய்வுகளில் கொழுப்பு நிறைந்த பால் குடிப்பதால் உடல் பருமன் குறையும் என்ற அறிக்கையை வெளியிட்டுள்ளது. மேலும் 18,000 க்கும் மேற்பட்ட பெண்களிடையே நடத்தப்பட்ட ஆய்வுகளின்படி கொழுப்பு நிறைந்த பால் பொருட்களை சாப்பிடுவது உடல் எடை அதிகரிப்புடன் சம்பந்தப்படவில்லை என்பதும் தெரிவிக்கப்பட்டுள்ளது.

அதுமட்டுமின்றி அதிக கொழுப்பு நிறைந்த பால் பொருட்கள் தொப்பை ஏற்படுவதைக் ஆகியவற்றை குறைக்கிறது என்றும் ஆய்வு முடிவுகள் தெரிவித்துள்ளன.

மெட்டபாலிக் சிண்ட்ரோம் ஆபத்து குறைய கொழுப்பு நிறைந்த பால் உதவுகிறது :உடலில் ஏற்படும் வளர்சிதை மாற்றத்தால் பல்வேறு குறைபாடுகள் உண்டாகக்கூடும். உதாரணமாக, இன்சுலின் ரெசஸ்டன்ஸ், உயர் டிரைகிளிசரைடு லெவல், தீவிரமான இதய நோய், உள்ளிட்டவை.கொழுப்பு நீக்கப்படாத பால் சாப்பிடுவதால் மெட்டபாலிக் சிண்ட்ரோம் ஏற்படும் அபாயம் பெருமளவு குறைகிறத. இதனால் பல்வேறு நோய்கள் தாக்காமல் பாதுகாப்பாக இருப்பதற்கும் உதவுகிறது.

 Click here to join whatsapp group for daily health tip

Read More

கொழுப்பு நிறைந்த பால் (Pasteurized Full Cream Milk) என்றால் என்ன..? யாரெல்லாம் குடிக்கலாம்..?

 பால் இல்லாத வாழ்க்கை முறை எப்படி இருக்கும் என்பது நினைத்துக் கூட பார்க்க முடியாத விஷயம். நம் உணவு பழக்கத்தில் பால் இன்றியாத உணவுப்பொருளாக இருப்பதால்தான் அது அத்தியாவசிய உணவுப் பட்டியலில் இடம் பெற்றுள்ளது.

பால் அத்தியாவசியமாக இருக்க என்ன காரணம்..?

பால் கால்சியம் சத்து மற்றும் பல வைட்டமின்கள் மற்றும் மினரல்களை உள்ளடக்கியது என்பதால் உடலின் ஒட்டுமொத்த ஆரோக்கியத்திற்கு இன்றியமையாத உணவாக இருக்கிறது. அதோடு ஆரோக்கியமான கொழுப்பை கொண்டுள்ளதால் அது உடலின் செயல்பாடுகளுக்கு தேவையான ஒன்றாக உள்ளது.

பாலிலும் வகைகள் உள்ளதா..?

அதாவது மாடு கரக்கும் பால் என்பது ஒன்றுதான். அதன் கொழுப்பை பிரிக்கும் அடிப்படையில் பாலின் வகைகள் வேறுபடுகின்றன. அந்த வகையில் முழு பால், டபுள் டோன்ட் பால், டோன்ட் பால், ஸ்கிம்டு மில்க், கொழுப்பு நிறைந்த பால் மற்றும் ஹோமோஜினைஸ்டு பால் என 6 வகைகளில் கிடைக்கின்றன.

இந்த பால் வகைகளில் கொழுப்பு நிறைந்த பால்தான் பெரும்பாலும் பயன்படுத்தப்படுகிறது. ஆவின் பால் விலை உயர்விலும் கொழுப்பு நிறைந்த பால் என விற்கப்படும் ஆரஞ்சு நிற பாலின் விலை லிட்டருக்கு 60 ரூபாய் உயர்த்தியுள்ளது.

அப்படி என்ன இந்த கொழுப்பு நிறைந்த பாலின் ஸ்பெஷல்..?

கொழுப்பு நிறைந்த பால் என்பது அதன் கிரீம் நீக்கப்படாமல் முழுமையாக கொடுப்பதே ஆகும். இதில் 3.5% கொழுப்பு நிறைந்திருக்கும். உடல் வளர்ச்சிக்கு தேவையான அத்தியாவசிய ஊட்டச்சத்துகள் நிறைந்த பாலாக உள்ளது. அதாவது வைட்டமின் டி, ஏ மற்றும் பி1, கால்சியம், பாஸ்பரஸ் மற்றும் ரிபோஃப்ளேவின் ஆகிய சத்துக்கள் நிறைந்துள்ளன.

இந்த கொழுப்பு நிறைந்த பாலிலிருந்து கிடைக்கக்கூடிய பொட்டாசியம் இரத்த அழுத்தத்தை மேம்படுத்தவும் , வைட்டமின் பி12 இரத்த சிவப்பணுக்களின் ஆரோக்கியத்தை மேம்படுத்தவும் உதவுகிறது. அதோடு வைட்டமின் ஏ சரும ஆரோக்கியத்திற்கும் , நோய் எதிர்ப்பு சக்தியை அதிகரிக்கவும் உதவுகிறது.

இந்த கொழுப்பு நிறைந்த பால், வளர்ந்த குழந்தைகள் , இளம் வயதினர், நடுத்தர வயதினர் மற்றும் பாடி பில்டர்ஸ் ஆகியோர் குடிக்கலாம். கர்ப்பிணிப் பெண்கள், தாய்ப்பால் கொடுக்கும் பெண்களுக்கும் இந்த பால் குடிக்க பரிந்துரைக்கப்படுகிறது. 40 வயதுக்கு மேல் உள்ளவர்கள் தவிர்ப்பது நல்லது என்றும் கூறப்படுகிறது.

பேஸ்டுரைஸ்டு ஃபுல் க்ரீம் மில்க் என்றால் என்ன..?

பொதுவாக நாம் வாங்கும் பால் அனைத்தும் குறிப்பிட்ட வெப்பநிலையில் சூடேற்றப்பட்டு அதன் பாடீரியாக்களை நீக்குகிறது. பின் குளிர்விக்கப்பட்டு கொழுப்பை பிரித்து பாக்கெட் செய்யப்படுகிறது. அப்படி ஆவினில் பிரிக்கப்படும் பாக்கெட்டில் நீல நிறம் மற்றும் பச்சை நிற பால் பாக்கெட்டுகளில் கொழுப்பு குறைவாகவும் , ஆரஞ்சு நிற பாலில் நிறைவான கொழுப்பும் உள்ளது.

இந்த கொழுப்பு நிறைந்த பால் 500 டிகிரி செல்சியத்திற்கு மேலான அதிக வெப்பநிலையில் சூடேற்றப்பட்டு தீங்கு விளைவிக்கும் பாக்டீரியாக்களை அழிக்கிறது. இதனால் அதை நீண்ட நாட்களுக்கு கெட்டுபோகாத வண்ணம் சேமித்து வைக்கலாம். இப்படி பேஸ்டுரைஸ் முறையில் பாக்டீரியா நீக்கப்பட்ட பால் என்றால் அது குடிப்பதற்கும் பாதுகாப்பனது.

 Click here to join whatsapp group for daily health tip

Read More

சர்க்கரை நோயாளிகள் இந்த மாவு வகைகளை தினசரி உணவாக எடுத்துக்கொள்வது நல்லது..!

 இந்தியாவில் பெரும்பாலானவர்கள் பாதிக்கப்படும் நோய்களில் முதலிடத்தில் நீரிழிவு நோய்தான் உள்ளது! முறையற்ற உணவுப் பழக்கம், சோம்பேறித்தனமான வாழ்க்கை முறை என்று நீரிழிவு நோய் ஏற்படுவதற்கு பல விதமான காரணங்கள் உள்ளன. நீரிழிவு நோய் ஏற்பட்டால் உடல் சரியான அளவு ஊட்டச்சத்துக்களை கிரகித்துக்கொள்ள முடியாது என்பதால் ஊட்டச்சத்து நிறைந்த உணவுகளை சாப்பிடுவது மிக மிக முக்கியம்.

அதில், அதிக நார்ச்சத்து, சிம்பிள் கார்போஹைட்ரேட் மற்றும் லோ-கிளைகெமிக் இண்டெக்ஸ் கொண்ட உணவுகளை சாப்பிட வேண்டும். பொதுவாகவே இந்தியர்கள் மாவு சத்து நிறைந்த அரிசி கோதுமை ஆகியவற்றை சாப்பிட்டு தான் அதிகமாக பழக்கம் உள்ளது. எனவே அரிசியை குறைத்து அல்லது தவிர்த்து அதற்கு மாறாக வேறு எந்த சத்து நிறைந்த மாவு வகைகளைப் பயன்படுத்தலாம் என்பது பற்றி இங்கே பார்க்கலாம்.

பல தானியங்களின் கலவை (மல்டிகிரைன் மாவு) : பொதுவாகவே, ஏதேனும் ஒரு தானியத்தை சாப்பிடுவதைவிட பல விதமான தானியங்களை சேர்த்து சாப்பிடுவது என்பது நமக்கு தேவையான ஊட்டச்சத்துக்களை கொடுக்கும். தற்போது மல்டிகிரைன் ஃப்ளோர் என்பது ரெடிமேடாகவே கடைகளில் கிடைக்கிறது அல்லது நீங்களாகவே முழு தானியங்களை வாங்கி மாவாக அரைத்துக் கொள்ளலாம். மல்டி க்ரைன் மாவில் உடலுக்கு தேவையான நார்சத்து, வைட்டமின் மற்றும் லோ கிளைகெமிக் கார்போஹைட்ரேட்டுடன் ஆன்டி ஆக்ஸிடன்ட்களும் உள்ளன. இது சர்க்கரை அளவை குறைக்க உதவுவதோடு மட்டுமல்லாமல் எடை குறைப்பதிலும் உதவும்.

கேழ்வரகு / ராகி மாவு : சில ஆண்டுகளுக்கு முன் இருந்ததை விட தற்போது கேழ்வரகு என்று கூறப்படும் ராகி மாவு அதிகமாக பயன்படுத்தப்படுகிறது. நீரிழிவு நோய்க்கு மிகச் சிறந்த உணவாக கேழ்வரகில் செய்த நீங்கள் தினமும் கூட சாப்பிடலாம். கேழ்வரகில் பைட்டோ கெமிக்கல்கள் உள்ளன. இது நேரடியாக நீரிழிவு நோயை எதிர்த்து போராடும். அதுமட்டுமல்லாமல் கேழ்வரகில் மற்ற ஊட்டச்சத்துக்களும் நிறைந்துள்ளன. குளுக்கோஸ் மற்றும் கொலஸ்ட்ரால் அளவு இரண்டையும் குறைக்கும். அதுமட்டுமில்லாமல் ஆரோக்கியமான எடை குறைப்பிற்கும் உதவும். கஞ்சி, கூழ் மட்டுமில்லாமல் கேழ்வரகு மாவைப் பயன்படுத்தி பலவிதமான உணவுகளை சமைக்க முடியும். தற்பொழுது குக்கிஸ், கேக் உள்ளிட்ட பேக்கரி ஐட்டங்கள் கூட கேழ்வரகு மாவை பயன்படுத்தி செய்யலாம்.

கொண்டை கடலை மாவு : கொண்டைக் கடலை புரத சத்து நிறைந்த மிக மிக ஆரோக்கியமான உணவாகும். பலவீனமாக, நோஞ்சானாக இருக்கும் குழந்தைகளுக்கு கொண்டைக்கடலை கொடுப்பதற்கு பரிந்துரைக்கப்படுகிறது. அதேபோல நீரிழிவு நோயாளிகள் கொண்டைக் கடலையை சாப்பிட்டு வந்தால் குளுக்கோஸ் மட்டுமல்லாமல் கொலஸ்ட்ரால் அளவையும் கட்டுக்குள் வைத்திருக்கும்.

ஓட்ஸ் மாவு : ஓட்ஸ் சாப்பிட்டால் எடை குறையும் என்று பல ஆண்டுகளாக கூறப்பட்டு வருகிறது. ஓட்ஸில் நார்சத்து நிறைந்திருக்கிறது அதுமட்டுமல்லாமல் மிக மிக குறைவான கலோரி கொண்ட உணவுகளில் ஓட்சுக்கு தனி இடம் இருக்கிறது. ஓட்ஸ் சாப்பிட்டால் நீண்ட நேரத்திற்கு பசி எடுக்காமல் இருக்கும். இவை அனைத்துமே நீரிழிவு நோயாளிகளுக்கு ஏற்றவை. மேலும், ஓட்சில் இருக்கும் பீட்டா-குளுகான் என்ற ஒரு காம்பவுண்ட் ரத்தத்தில் குளுக்கோஸ் அளவை அதிகரிக்காமல் பார்த்துக்கொள்ளும். ஓட்ஸ் கஞ்சிக்கு மாறாக, ஓட்ஸ் மாவைப் பயன்படுத்தி நீங்கள் விரும்பும் உணவை சமைக்கலாம்.

 Click here to join whatsapp group for daily health tip

Read More

உங்கள் காலை நேரத்தை மகிழ்ச்சியானதாக மாற்ற இந்த விஷயங்களை ஃபாலோ பண்ணுங்க..!

 ‘புத்தம் புது காலை’ என்ற பாடலோடு உங்கள் காலை அமைய வேண்டும் என்ற அவசியம் இல்லை. ஆனால் காலை பொழுதே கவலைகளோடும், புலம்பல்களோடும் தொடங்கினால் பின் இரவில் எப்படி நிம்மதியான உறக்கத்தை எதிர்பார்க்க முடியும்.  எனவே, உங்கள் காலை பொழுதை இனிமையாகவும், ஆரோக்கியமானதாகவும் தொடங்க கற்றுக் கொள்ளுங்கள்.

காலையில் தாமதமாக எழுந்தால் மன அழுத்தம் ஏற்படும்.  காலையில் சீக்கிரம் எழுந்திருப்பது போன்ற எளிய நடைமுறைகள்,  நாள் முழுவதும் ஏற்படும் பதற்றத்தை தடுக்கும்.உங்கள் அலாரம் அடிக்கும் போதே, அணைத்து விட்டு படுக்கையை வி்ட்டு எழுந்து இன்றைய நாளை தொடங்குங்கள்.  காலை எழுந்த உடன்  மொபைலை தேடாதீர்கள். மொபைல் போன் உங்களுக்கான நேரத்தை எடுத்துக்கொள்ளும். மொபைலை அலாரம் வைக்க பயன்படுத்தினால், அலாரத்தை ஆஃப் செய்து விட்டு , அங்கிருந்து எழுந்து விடுங்கள். இது போன்ற எளிமையான நடைமுறையை பழக்கமாக்கி கொண்டால் , நாள் முழுவதும் அமைதியாக அமைவதோடு, அதிக வேலை செய்யும் உத்வேகத்தையும் கொடுக்கும்.

காலையில் எழுந்த உடன் சிறிது தண்ணீர் குடிப்பது உடலுக்கு புத்துணர்ச்சியை அளிக்கும். உடலிலுள்ள நச்சுகளை அவை வெளியேற்றிவிடும். காலை எழுந்தவுடன் காப்பி, டீ குடிப்பது உடலுக்கு தீங்காகும். மேலும் இந்த வகையான அசிட்டிக் வகைகளை தவிர்ப்பது நல்லது. தண்ணீரில் எலுமிச்சை கலந்து குடிப்பதால் , உடல் வலி, இரத்த அழுத்தம், புற்றுநோய், நீரிழிவு, ஆஸ்துமா போன்ற பலவற்றுக்கும் தீர்வு கிடைக்கும்.

அதிகாலையில் வெறும் வயிற்றில் தண்ணீர் குடிப்பதால், உடலில் புது இரத்தம் உற்பத்தியாகும். இப்படி புது இரத்தம் உடலில் உற்பத்தியானால், நோய்களின் தாக்கம் குறைந்து, உடல் பிரச்சனையில்லாமல் இருக்கும். இரத்தத்தில் உள்ள டாக்ஸின்கள் அனைத்தும் வெளியேற்றப்பட்டு, சருமம் பொலிவோடும் ஆரோக்கியமாகவும் காணப்படும். இரத்த வெள்ளையணுக்கள் நோய்த்தொற்றுக்களை எதிர்த்து போராடி, உடலை பாதுகாக்கும். உடலின் மெட்டபாலிசம் அதிகரிக்கப்பட்டு, உடலின் எடை குறையும்.

தண்ணீர் மிகவும் சிறப்பான மற்றும் உடலை சுத்தப்படுத்தும் பொருள். அத்தகைய தண்ணீரை அதிகாலையில் வெறும் வயிற்றில் குடிக்கும் போது, வாந்தி, புற்றுநோய், தொண்டை பிரச்சனைகள், கண் பிரச்சனைகள், சிறுநீராக பிரச்சனைகள், டிபி, வயிற்றுப்போக்கு, தலைவலி மற்றும் நாள்பட்ட மூட்டு வலி போன்ற நோய்கள் குணமாகும். 

க்ரீன் டீ யில் இருக்கும் ஃப்ளேவினாய்ட், ஆன்டி ஆக்ஸிடென்ட் உடலில் எதிர்ப்பு திறனை அதிகரிக்க்சச் செய்து, நச்சுக்களை வெளியேற்றுகிறது. குடல்களில் தங்கும் கழிவுகளை சுத்தமாக வெளியேற்றுகிறது. ஆகவே காலை நேரத்தை பசுமையான க்ரீன் டீ யுடன் தொடங்கலாம். அதன்பிறகு சிறிய அளிவலான உடற்பயிற்சி மிகவும் நல்லது. தசைகளை இளக்கி, நாள் முழுவதற்குமான சுறுசுறுப்பை இந்த உடற்பயிற்சி உருவாக்கும்.

உடற்பயிற்சியை முடித்த கையோடு குளியலறைக்கு ஓடாமல் மொட்டை மாடியிலோ, பால்கனியிலே அமர்ந்து அந்த அற்புதமான காலைப்பொழுதை உள்வாங்குங்கள். மேனியை தழுவிச் செல்லும் பூங்காற்றையும், கண்களை கூசாத காலை உதயத்தையும் ரசியுங்கள். அப்படியே இன்று நாள் முழுவதும் என்னவெல்லாம் செய்யப்போகிறீர்கள் என்பதை முடிவு செய்யுங்கள். ஒரு 5 நிமிடத்தை ஒதுக்கி தியானம் செய்யலாம், இல்லையேல் உங்களுக்குப் பிடித்த ஸ்லோகங்களைக் கூட சொல்லலாம் தவறில்லை. இவை மனதை அமைதிப்படுத்தி அடுத்தக்கட்டத்திற்கு நம்மை நகர்த்த சக்தி தரும்.

காலை நேரத்தில் நாம் தவிர்க்க கூடாத விஷயங்களில் மிகவும் முக்கியமானது காலை உணவு. காலை வேளையில் உணவை தவிர்க்காமல் சாப்பிடுவதால், இதயம், ஜீரண மண்டலம் மற்றும் எலும்பு ஆகியவையும் ஆரோக்கியமாக இருக்கும். காலை உணவில் நார்ச்சத்து நிறைந்த உணவுப் பொருட்கள் மற்றும் பருப்பு வகைகள் ஆகியவற்றை சேர்த்துக் கொள்வது மிகவும் நல்லது, அது ஜீரண சக்தியை அதிகரிக்கும். காலை உணவை முறையாக உட்கொள்பவர்களுக்கு ரத்த சர்க்கரை அளவு இயல்பாக இருப்பதால், இடையில், பசி தோன்றாது. காலையில் அதிக கொழுப்பு நிறைந்த உணவை சாப்பிடும் போது, அவை உடலின் ஆற்றலை அதிகரிப்பதற்கு பதிலாக, மந்த நிலையை உருவாக்கி விடும்.

காலை எழுந்தில் இருந்து இத்தனை விஷயங்களையும் திட்டமிட உங்களுக்கு 8 மணி நேர உறக்கம் அவசியமானது மட்டுமல்ல கட்டாயமானதும் கூட. நாள் முழுக்க கடுமையாக உழைப்பவர்கள் இரவில் எட்டுமணி தூக்கத்தை மேற்கொண்டால் உடலுக்கு போதிய ஓய்வு கிடைக்கிறது.  இதனால் உடல் புத்துணர்ச்சி மற்றும் சுறுசுறுப்பு பெறுகிறது. அதிக  நேரம் மூளைக்கு வேலை கொடுப்பவர்கள் எட்டு மணி நேரம் தூங்கினால் மூளையின் செல்கள் சீரான இடைவெளியில் ஓய்வு பெறுகிறது.  இது உடல் புத்துணர்ச்சி பெறுவதோடு மட்டுமல்லாமல் ஆரோக்கியமாக இருப்பதற்கும் உதவி செய்கிறது.   தினந்தோறும் எட்டு மணி நேரம் தூங்கினால் வாழ்நாளின் அளவு நீடிக்கிறது.

நமது உடலில் லெப்டின் என்னும் ஹார்மோன் உள்ளது.  இந்த ஹார்மோன் தான் நாம் பசியுடன் இருக்கிறோமா, இல்லையா என்பதை நமக்கு உணர்த்துகிறது.  ஒருவர் சரியாக தூங்காவிட்டால் இந்த ஹார்மோனின் அளவு குறைந்துவிடும்.  மற்றும் அதிகப்படியான பசியையும் தூண்டும்.  இதனால் நிறைய உணவை சாப்பிட வைப்பதுடன் பருமனாக்கி விடும்.  இதுவே நல்ல தூக்கத்தை மேற்கொண்டால் லெப்டின் அளவு சீராக இருக்கும். ஒருவர் தினந்தோறும் எட்டுமணி நேரம் தூங்கினால் அவர் மன அழுத்தத்திலிருந்து  விடுபடலாம்.

தூக்கமின்மையால் ஒருவர் துன்பப்பட்டால் அவரால் எந்த ஒரு காரியத்தையும் ஆர்வத்துடனும் கவனத்துடனும் செய்ய முடியாது.  ஒருவரின் செக்ஸ் வாழ்க்கையை தூக்கமின்மை பாதிப்படையச் செய்கிறது.  எப்படியென்றால் சரியான அளவில் தூக்கத்தை மேற்கொள்ளாமல் இருக்கும் ஆண்களுக்கு டெஸ்டோஸ்டிரோன் அளவு பாதிப்படைகிறது.  இதனால் செக்ஸ் வாழ்க்கை தடைபடுகிறது.  எனவே தினந்தோறும் எட்டு மணி நேர தூக்கத்தை மேற்கொண்டு, மனைவியுடன் சந்தோஷமாகவும், ஆரோக்கியமாகவும் இருங்கள்.இது போன்ற சின்னி சின்ன விஷயங்களை பின்பற்றினாலே போதும் உங்களுடைய ஒவ்வொரு நாளும் இனிமையான நாளாக அமையும்.. அப்புறம் என்ன கூலா ஜாலியா வேலையை பாருங்க..

Read More

8ம் வகுப்பு தேர்ச்சி போதும்: மாபெரும் தனியார் வேலைவாய்ப்பு முகாமில் கலந்து கொள்ளலாம்

 சேலம் மாவட்டத்தில் வரும் 26ம் தேதி ஓமலூர் பத்மவாணி மகளிர் கலை மற்றும் அறிவியல் கல்லூரியில் மாபெரும் தனியார் துறை வேலைவாய்ப்பு முகாம் நடத்திட ஏற்பாடு செய்யப்பட்டுள்ளது. இந்த மாபெரும் முகாமினை  சேலம் மாவட்ட நிர்வாகமும், அம்மாவட்ட வேலைவாய்ப்பு மற்றும் தொழில்நெறி வழிகாட்டும் மையமும் இணைந்து நடத்துகின்றன.   

இந்த மாபெரும் தனியார் துறை வேலைவாய்ப்பு முகாமில் சேலத்தின் பல்வேறு பகுதிகளில் உள்ள 300-க்கும் மேற்பட்ட முன்னணி நிறுவனங்கள் கலந்து கொள்ள இருப்பதாக தெரிவிக்கப்பட்டுள்ளது. உற்பத்தி, தகவல் தொழில்நுட்பம், ஜவுளி, வங்கி சேவைகள், காப்பீடு, மருத்துவம், கட்டுமானம் உள்ளிட்ட முக்கிய துறைகளில் உள்ள காலிப்பணியிடங்கள் நிரப்பப்பட உள்ளன. 

8ம் வகுப்பு, 10ம் வகுப்பு, 12ம் வகுப்பு, ஐ.டி.ஐ, டிப்ளமோ, பட்டப்படிப்பு, பொறியியல், செவிலியர், ஆசிரியர், தொழிற்கல்வி போன்ற அனைத்து விதமான கல்வித் தகுதி உள்ளவர்களும் கலந்து கொள்ளலாம் என்று தெரிவிக்கப்பட்டுள்ளது.

முன்னதாக, இந்த வேலைவாய்ப்பு முகாமின் முன்னேற்பாடு பணிகள் குறித்து சேலம் மாவட்ட ஆட்சியர் செ.கார்மேகம் தலைமையில் ஆய்வுக் கூட்டம் நடைபெற்றது.  இவ்வேலைவாய்ப்பு முகாமில் கலந்துகொண்டு வேலைவாய்ப்புகள் அளிக்கவுள்ள தொழில் நிறுவனங்கள் மற்றும் வருகைதரும் வேலைநாடுநர்களுக்குத் தேவையான பேருந்து வசதிகள், அடிப்படை வசதிகள் உள்ளிட்ட அனைத்து வசதிகளையும் வழங்கிட உறுதி செய்யுமாறு தொடர்புடைய அலுவலர்களுக்கு இக்கூட்டத்தில் அறிவுறுத்தப்பட்டதாக மாவட்ட ஆட்சியர் அலுவலகம் தெரிவித்துள்ளது.

Click here to join WhatsApp group for Daily employment news  

Read More

ஆயத்த ஆடை தொழிலில் விருப்பமா? ரூ.3 லட்சம் வரை மானியம்- விண்ணப்பிக்க தகுதிகள் என்ன?

 ஆயத்த ஆடை உற்பத்தி அலகு (Ready-made garment manufacturing)அமைக்க ரூ.3.00 இலட்சம் வரை மானியம் பெற விண்ணப்பங்கள் வரவேற்கப்படுவதாக சென்னை மாவட்ட ஆட்சியர் அலுவலகம் தெரிவித்துள்ளது.

யார் விண்ணப்பிக்கலாம்: ஆயத்த ஆடை உற்பத்தி அலகு தொழிலில் ஈடுப்பட்டு வரும் பிற்படுத்தப்பட்ட வகுப்பினர், மிகவும் பிற்படுத்தப்பட்ட வகுப்பினர், சீர்மரபினர் இதற்கு விண்ணப்பிக்கலாம். 10 நபர்கள் கொண்ட குழுவிடம் இருந்து  மட்டுமே விண்ணப்பபங்கள் பெறப்படும்.

மானியம்:  ஆயத்த ஆடை உற்பத்தி அலகு அமைக்க தேவைப்படும் உபகரணங்கள் வாங்க அதற்கான நிதி பின்வருமாறு வழங்கப்படும்.

Single Needle machine(5)	ரூ.100000/-
Over lock machine -(1)	ரூ. 30000/-
Cutting machine (1)	ரூ. 15000/-
Cutting table (1)	ரூ. 15000/ ,
Industrial ironing table (1)	ரூ.  30000/-,
இடைநிகழ்செலவினம் (Incident ant Charges)	ரூ.  50000/-,
பணி மூலதனம் (Working capital)	ரூ. 50000/-
ஆக மொத்தம் ஒருகுழுவிற்கு	ரூ. 3 லட்சம்

இதர பொது நிபந்தனைகள்: 

• குழு உறுப்பினர்களின் குறைந்தபட்ச வயதுவரம்பு 20 ஆகும்.
• குறு, சிறு மற்றும் நடுத்தர தொழில்நிறுவனங்கள் (Ministry of Micro, small and medium enterprise) துறை மூலம் பயிற்சி பெற்ற நபர்களை கொண்ட குழுவிற்கு முன்னுரிமை வழங்கப்படும்
• விதவை, கணவானால் கைவிடப்பட்ட பெண்கள் மற்றும் ஆதரவற்ற விதவை பெண்கள் அமைந்துள்ள குழுவிற்கு முன்னுரிமைஅளிக்கப்படும்.
• 10 நபர்களை கொண்ட ஒருகு ழுவாக இருத்தல் வேண்டும்.
• 10 நபர்களுக்கும் தையல் தொழில் தெரிந்திருக்க வேண்டும்.
• குழு உறுப்பினர்கள் பிற்படுத்தப்பட்ட வகுப்பினர், மிகவும் பிற்படுத்தப்பட்ட வகுப்பினர், சீர்மரபினர்  சார்ந்தவர்களாக இருத்தல் வேண்டும்.
• குழுவில் உள்ள பயனாளிகளின் ஆண்டு வருமானம் 1 இலட்சத்திற்குமிகாமல் இருத்தல்வேண்டும்.
• 
  
• எனவே, இத்திட்டத்தில் பங்கு கொள்ள ஆர்வமாக உள்ள இத்தொழிலில் முன் அணுபமுள்ள பிற்படுத்தப்பட்டோர், மிகப்பிற்படுத்தப்பட்டோர் (ம) சீர்மரபினர் இனத்தைச் சேர்ந்த மக்கள் தகுதியான குழுக்களை அமைத்து குழுவின் மூலம் சென்னை மாவட்ட ஆட்சியர் அலுவலகத்தில் செயல்படும் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை தொடர்பு கொண்டு விண்ணப்பங்களை பெற்று பயனடைய கேட்டுக்கொள்ளப்படுகிறது.
• 
  

Click here to join WhatsApp group for Daily employment news  

Read More

சுயமாக தொழில் தொடங்க விரும்புகிறீர்களா..? உங்களுக்கான செய்திதான் இது..

 சுயமாக புதிய தொழிலை எவ்வாறு தொடங்குவது என்பது குறித்த விழிப்புணர்வு முகாமினை தமிழ்நாடு அரசின்  தொழில் முனைவோர் மேம்பாடு மற்றும் புத்தாக்க நிறுவனம் (Entrepreneurship Development and Innovation Institute)  வரும் 9ம் தேதி நடத்த இருக்கிறது. ஆர்வமும், தகுதியும் உள்ளவர்கள் இதில் கலந்து கொள்ளலாம் என்று தெரிவிக்கப்பட்டுள்ளது.

யார் கலந்து கொள்ளலாம்: தொழில் தொடங்க விரும்பும்  18 வயதிற்கு மேற்பட்ட அனைவரும் இதில் கலந்து கொள்ளலாம்.

முகாம் நடைபெறும் நாள்: சென்னை தொழில் முனைவோர் மேம்பாட்டு வளாகத்தில் வரும் 9ம் தேதி காலை 9.30 மணி முதல் மதியம் 1.30 மணி வரை நடைபெறும்.

இது, முதற்கட்ட பயிற்சியாகும். சொந்தமாக தொழில் தொடங்குவதில் உள்ள நன்மைகள், தொழில் வாய்ப்புகள், தொழிலை தெரிவு செய்வது எப்படி, தொழில் துவங்கவிருக்கும் முனைவோருக்கு அரசு மற்றும் பிற நிறுவனங்கள் வழங்கும் உதவிகள் மற்றும் திட்டங்கள் ஆகியன பற்றி இம்முகாமில் விவரிக்கப்படும். பயிற்சி முகாமின் இறுதியில் தொழில் தொடங்க விரும்பும் நபர்களின் பெயர்கள் பெறப்பட்டு அவர்கள் அடுத்த கட்ட பயிற்சிக்கு அழைக்கப்படுவார். அடுத்த கட்டமாக 3 நாள் திட்ட அறிக்கை தயாரித்தல் பயிற்சி மற்றும் தொழில் முனைவோர் மேம்பாட்டு பயிற்சி வழங்கப்பட்டு அவர்களுக்கு நிதி உதவிகள் பெற ஆலோசனைகள் வழங்கப்படும்.

மேலும், மாவட்ட தொழில் மையங்களோடு இணைந்து 5 நாள் தொழில் முனைவோர் மேம்பாட்டு பயிற்சிகளும் EDII வழங்கி வருகிறது. இப்பயிற்சி மூலம் நிதி உதவி பெறும் திட்டங்களில் குறிப்பிட்டுள்ள கட்டாய பயிற்சியிலிருந்து தற்போதைய விண்ணப்பதாரர்கள்  விலக்கு பெறலாம். எனவே, அரசு திட்டங்கள் பற்றிய விளக்கங்களும் அதன் மூலம் பயன்பெறும் வழிவகைகளும் ஏற்படுத்தி தரப்படும் என்று சென்னை தொழில் முனைவோர் மேம்பாடு வளாகம் தெரிவித்துள்ளது.

மேலும், விவரங்களை பெற , தொலைபேசி எண்: 044-22252081/82/83

04422252085 .இந்த மையத்தின் மின்னஞ்சல் முகவரி :  asstd@editn.in | admin@editn.in ஆகும்.

Click here to join WhatsApp group for Daily employment news  

Read More