தமிழ்நாடு மோட்டார் வாகன பராமரிப்பு துறையில் பயிற்சி - டிகிரி, டிப்ளமோ படித்தவர்களுக்கு வாய்ப்பு

      Employment News (வேலைவாய்ப்பு செய்திகள்)

மெக்கானிக்கல், ஆட்டோமொபைல் பொறியியலில் பட்டப்படிப்பு, டிப்ளமோ முடித்தவரா நீங்கள்? தமிழ்நாடு அரசின் கீழ் இயங்கும் தமிழ்நாடு மோட்டார் வாகன பராமரிப்பு துறையில் (TNMVMD) 79 தொழிற்பயிற்சி இடங்களுக்கு அறிவிப்பு வெளியாகியுள்ளது. மாத உதவித்தொகையுடன் 1 வருடம் பயிற்சி அளிக்கப்படும் என அறிவிக்கப்பட்டுள்ளது. 2021-ம் ஆண்டு முதல் இருந்து தேர்ச்சி பெற்றவர்கள் இந்த வாய்ப்பைப் பயன்படுத்திக்கொள்ளலாம்.

தொழிற்பயிற்சியின் விவரங்கள்

பதவியின் பெயர்	காலிப்பணியிடங்கள்
பொறியியல் பட்டப்படிப்பு	18
பொறியியல் டிப்ளமோ	61
மொத்தம்	79

வயது வரம்பு
தொழிற்பயிற்சி சட்டம் 1973-ம் ஆண்டின்படியின், வயது வரம்பு பின்பற்றப்படும்.

கல்வித்தகுதி

• தமிழ்நாடு மோட்டார் வாகன பராமரிப்பு துறையில் உள்ள தொழிற்பயிற்சி இடங்களில் மெக்கானிக்கல், ஆட்டோமொபைல் பொறியியலில் இளங்கலை பட்டப்படிப்பு மற்றும் டிப்ளமோ முடித்தவர்கள் விண்ணப்பிக்கலாம்.
• அரசினால் அங்கீகரிக்கப்பட்ட கல்வி நிறுவனத்தில் முழு நேரக் கல்வியில் பயின்றிருக்க வேண்டும்.
• 2021, 2022, 2023, 2024 மற்றும் 2025ஆம் ஆண்டுகளில் பட்டப்படிப்பை முடித்திருக்க வேண்டும்.
• தமிழ்நாடு மோட்டார் வாகன பராமரிப்பு துறை உதவித்தொகை
• மெக்கானிக்கல், ஆட்டோமொபைல் பொறியியல் பட்டதாரிகளுக்கு மாதம் ரூ.9,000 பயிற்சி காலத்தில் வழங்கப்படும்.
• டிப்ளமோ பட்டதாரிகளுக்கு மாதம் ரூ. 8,000 உதவித்தொகையாக வழங்கப்படும்.

தேர்வு செய்யப்படும் முறை
தொழிற்பயிற்சி இடங்களில் எஸ்சி, எஸ்டி, ஒபிசி மற்றும் மாற்றுத்திறனாளிகளுக்கு இட ஒதுக்கீடு பின்பற்றப்படும். விண்ணப்பிக்கும் நபர்களின் கல்வித்தகுதியின் பெற்ற மதிப்பெண்கள் அடிப்படையில் பணியிடங்களுக்கு ஏற்ப தெரிவு செய்யப்படுவார்கள். அவர்களின் இமெயில் முஅக்வரிக்கு சான்றிதழ் சரிபார்ப்பிற்கான அழைப்பு கடிதம் அனுப்பப்படும். சென்னையில் நேரடியாக சான்றிதழ் சரிபார்ப்பு நடைபெறும்.

விண்ணப்பிக்கும் முறை
தமிழ்நாடு மோட்டார் வாகன பராமரிப்பு துறையில் உள்ள இப்பணியிடங்களுக்கு விண்ணப்பிக்க ஆர்வமுள்ள பட்டதாரிகள் https://nats.education.gov.in/ என்ற இணையதளத்தில் பதிவு செய்து விண்ணப்பிக்க வேண்டும். சான்றிதழ் சரிபார்ப்பிற்கு சொந்த செலவில் வர வேண்டும். பயிற்சி காலத்தில் தங்கும் வசதி கிடையாது. விண்ணப்பங்கள் செப்டம்பர் இரண்டாம் வாரம் தொடங்கப்பட்ட நிலையில், அக்டோபர் 16 வரை விண்ணப்பிக்கலாம். தேர்வு செய்யப்பட்டவர்கள் பட்டியல் அக்டோபர் 25-ம் தேதி வெளியிடப்பட்டு, சான்றிதழ் சரிபார்ப்பு நவம்பர் மாதம் நடைபெறும். அறிவிப்பை பார்க்க இங்கே கிளிக் செய்யவும்.

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

(Education news in tamil, Education news in Tamilanadu, News in Tamil, latest education news online in Tamil, kalviseithigal, kalviseithi, School News, Latest news on education in tamil, Kalvi (கல்வி) )