உங்கள் வயதை குறைத்து காட்ட இந்த 5 இயற்கை உணவுகளை கட்டாயம் சேர்த்துக்கோங்க..!

 ஆரோக்கியமான, பளபளப்பான சருமத்தை யார் தான் விரும்ப மாட்டார்கள்? பெரும்பாலும் நடிகர், நடிகைகளைப் பார்த்து நாமும் அவர்களைப் போல அழகான பளபளப்பான சருமத்தைப் பெற விரும்புகிறோம். ஆனால் இன்று நம் வாழ்க்கை முறை, நாம் உண்ணும் உணவு, மாசு போன்ற பல காரணிகள் நம் சருமத்தின் ஆரோக்கியத்தைப் பாதிப்பது மட்டுமல்லாமல், நம்மை முன்கூட்டியே முதுமையாகக் காட்டுகின்றன.

இந்தப் பிரச்சனைகளைக் கருத்தில் கொண்டு, உங்கள் முதுமையைத் தடுக்கும் பல எதிர்ப்புப் பொருட்கள் இன்று சந்தையில் கிடைக்கத் தொடங்கியுள்ளன. அதனால் சில பெண்கள் மாதந்தோறும் ஆயிரக்கணக்கான ஃபேஷியல்களை செய்து, பளபளப்பாக வைத்துள்ளார்கள். ஆனால் உண்மை என்னவென்றால், இந்த பொருட்கள் பெரும் செலவுகளை நமக்கு வைத்துவிடுகிறது. உண்மையில், வெளிப்புறமாக கிரீம் தடவுவதன் மூலம் உங்கள் சருமத்தை இளமையாக மாற்ற முடியாது. ஆனால் வயது கூடினாலும் சருமத்தை இளமையாக வைத்திருக்க ஆயுர்வேதத்தில் பல விஷயங்கள் கூறப்பட்டுள்ளன. அப்படி 5 இயற்கை விஷயங்களைப் பற்றி தான் இந்த கட்டுரையில் நாம் பார்க்கப்போகிறோம்.

1. நெல்லிக்காய் மற்றும் கறிவேப்பிலை தூள்:

நெல்லிக்காய் எவ்வளவு முக்கியமானது மற்றும் நன்மை பயக்கும் என்பது அனைவருக்கும் தெரியும். இந்த பழத்தில் வைட்டமின் சி நிறைந்துள்ளது. இது கொலாஜனை உருவாக்கி, உங்கள் சருமத்தை ஆரோக்கியமாக வைத்திருக்கிறது மற்றும் சருமத்தின் நெகிழ்ச்சித்தன்மையையும் பராமரிக்கிறது. கூடுதலாக, இது உங்கள் தலைமுடியை முன்கூட்டியே நரைப்பதில் இருந்து பாதுகாக்கிறது. அதேசமயம் கறிவேப்பிலையில் இரும்புச்சத்து மற்றும் ஃபோலிக் அமிலம் உள்ளது. இந்த பச்சை இலை முடிக்கு நிறத்தை கொடுக்கும் நிறமியை அதிகரிக்கவும் உங்கள் கண்பார்வையை நன்றாக வைத்திருக்கவும் உதவுகிறது. ஆம்லா பொடி மற்றும் கறிவேப்பிலை பொடி இரண்டையும் கலந்து வெதுவெதுப்பான நீரில் குடிக்கலாம்.

2. விதைகள் மற்றும் நட்ஸ்:

ஒமேகா 3 கொழுப்பு அமிலங்கள் உங்கள் சரும ஆரோக்கியத்திற்கு அதிசயங்களைச் செய்யக்கூடிய கொழுப்பு. இது முன்கூட்டிய வயதான தோற்றத்தை தடுக்கிறது மற்றும் முகத்தில் தடிப்புகள் மற்றும் முகப்பரு ஏற்படுவதை தடுக்கிறது. சியா விதைகள், ஆளி விதைகள் மற்றும் அக்ரூட் பருப்புகளில் ஒமேகா 3 கொழுப்பு அமிலங்கள் காணப்படுகின்றன. நீங்கள் அவற்றை தண்ணீருடன் எடுத்துக் கொள்ளலாம்.

3. எலுமிச்சை தண்ணீர்:எலுமிச்சை நம் உடலுக்கு எவ்வளவு நன்மை பயக்கும் என்பது அனைவருக்கும் தெரியும். உங்கள் உடலுக்கு முதலில் நீர்ச்சத்து தேவைப்படும் போது, ​​காலையில் எலுமிச்சை சாறு மற்றும் தேன் கலந்த வெதுவெதுப்பான நீரில் குடிக்கவும். இது உங்களுக்கு பல நன்மைகளைத் தரும். எலுமிச்சையில் உள்ள வைட்டமின் சி ஆனது கொலாஜன் உற்பத்தியை அதிகரிக்கிறது, சருமத்தை ஆரோக்கியமாக வைத்திருக்கிறது மற்றும் எடை குறைப்புக்கும் உதவுகிறது.

4. பச்சைக் காய்கறிகள்:

பச்சை காய்கறிகள் உங்கள் ஆரோக்கியம் மட்டுமல்ல, உங்கள் சருமத்தின் சிறந்த நண்பரும் கூட. கீரை, ப்ரோக்கோலி, கொத்தமல்லி, புதினா, வெந்தயம், இவை அனைத்தும் உங்கள் உடலுக்கு மிகவும் நல்லது. இவற்றில் வைட்டமின்கள், தாதுக்கள், நார்ச்சத்து மற்றும் ஆக்ஸிஜனேற்றங்கள் உள்ளன. அவை உங்கள் சருமத்திற்கு பளபளப்பைக் கொடுக்கின்றன. அவை உங்கள் குடல் ஆரோக்கியத்தை நன்றாக வைத்திருக்கின்றன. உங்கள் நல்ல குடல் ஆரோக்கியமே உங்கள் சருமம் பொலிவதற்கு காரணம்.

பல ஆரோக்கியமான நன்மைகளை கொண்ட இந்த டார்க் சாக்லேட்டில் 70% வரை கோகோ உள்ளது. இது உங்கள் சரும ஆரோக்கியத்தையும், உங்கள் மனநிலையையும் நன்றாக வைத்திருக்கிறது மற்றும் உங்கள் இதய ஆரோக்கியத்தையும் நன்றாக வைத்திருக்கிறது. ஆனால் டார்க் சாக்லேட்டில் சர்க்கரை சேர்க்கக்கூடாது என்பதை நினைவில் கொள்ளுங்கள். ஒரு நாளைக்கு அதிகபட்சம் 20 முதல் 24 கிராம் டார்க் சாக்லேட் சாப்பிடலாம்.

Click here for more Health Tip

 Click here to join whatsapp group for daily health tip

Read More

இரவு உணவை சாப்பிட சரியான நேரம் எது தெரியுமா..? மருத்துவர் தரும் அறிவுரை..!

 நமது உணவுப் பழக்கத்தைப் பொறுத்தவரை “நேரம்தான் எல்லாமே” என்ற பழமொழி உண்மையாக இருக்கிறது. அன்றைய நாளின் கடைசி உணவை எப்போது சாப்பிடுவது என்பது ஒரு முக்கியமான முடிவாகும்.

சரியான நேரத்தில் சாப்பிட வேண்டும் என்பது ஏன் முக்கியமானது என்பதைப் புரிந்துகொள்ள உணவியல் நிபுணர் மற்றும் நீரிழிவு கல்வியாளரான கனிக்கா மல்ஹோத்ரா உதவுகிறா.

உங்களின் கடைசி உணவுக்கும் உறங்கும் நேரத்திற்கும் இடையில் ஏன் போதுமான இடைவெளி இருக்க வேண்டும்?

உடல்நலம், செரிமானம் மற்றும் ஒட்டுமொத்த நல்வாழ்வு உள்ளிட்ட பல்வேறு காரணங்களுக்காக, உங்களின் கடைசி உணவுக்கும் உறங்கும் நேரத்துக்கும் இடையே போதுமான இடைவெளியை விட்டுவிடுவது மிகவும் முக்கியமானது. தூங்குவதற்கு முன் செரிமானத்திற்கு நேரத்தை அனுமதிப்பது ஏப்பம் அல்லது அஜீரணம் போன்ற அசௌகரியங்களைத் தவிர்க்க உதவுகிறது. ஏனெனில் சாப்பிட்டவுடன் உடனடியாக தூங்குவது இந்த பிரச்சனைகளை ஏற்படுத்தும். அதுமட்டுமின்றி உங்கள் தூக்கத்தின் தரம் நிம்மதியை தொந்தரவு செய்யலாம் என மல்ஹோத்ரா விளக்குகிறார்.

உங்கள் கடைசி உணவுக்கும் காலை உணவுக்கும் (12 முதல் 14 மணிநேரம்) இடைப்பட்ட உண்ணாவிரத இடைவெளி வளர்சிதை மாற்ற செயல்முறைகளை ஊக்குவிக்கிறது மற்றும் கொழுப்பை எரிக்க உதவுகிறது. இது உடல் பருமன் மற்றும் நீரிழிவு போன்ற வளர்சிதை மாற்ற நோய்களின் அபாயத்தைக் குறைத்து உடலை சரிசெய்யவும் புதுப்பிக்கவும் உதவுகிறது.

இரவில் தாமதமாக சாப்பிடுவது பசி மற்றும் வளர்சிதை மாற்றத்தை கட்டுப்படுத்தும் ஹார்மோன்களின் சமநிலையை சீர்குலைக்கும். அதோடு கிரெலின் (பசி ஹார்மோன்) மற்றும் அடிபோனெக்டினை (குளுக்கோஸ் ஒழுங்குமுறைக்கு உதவுகிறது) ஆகியவற்றைக் குறைக்கும். இதன் விளைவாக பசியின்மை மற்றும் உடல் எடை அதிகரிக்கும். ஆரோக்கியத்தை மேம்படுத்த, உங்களின் கடைசி உணவை உறங்குவதற்கு குறைந்தது 2 முதல் 3 மணி நேரத்திற்கு முன்னதாகவே முடித்துவிடுவது நல்லது. இது உகந்த செரிமானத்தை உறுதி செய்து ஆரோக்கியமான வளர்சிதை மாற்றம், இருதய செயல்பாடு மற்றும் தூக்கத்தின் தரத்தை மேம்படுத்துகிறது.

நாளின் கடைசி உணவை எந்த நேரத்தில் சாப்பிட வேண்டும்?

உங்களின் கடைசி உணவிற்கான சிறந்த நேரம், அது இரவு உணவாக இருந்தாலும் அல்லது சிற்றுண்டியாக இருந்தாலும், பொதுவாக மாலை 6:00 மணி முதல் இரவு 8:00 மணி வரைக்குள் சாப்பிடுவது நல்லது.

இரவு உணவு நேரம்:

உகந்த நேம்: மாலை 6:00 முதல் இரவு 8:00 மணி வரை

காரணம்:  இந்த இடைவெளியில் இரவு உணவை உண்பது மேம்பட்ட செரிமானம் மற்றும் தூக்கத்தின் தரத்துடன் இணைக்கப்பட்டுள்ளது. ஆய்வுகளின்படி, இரவு உணவை இரவு 9:00 மணிக்கு முன் சாப்பிடுவது கொழுப்பு வளர்சிதை மாற்றத்தையும் ஒட்டுமொத்த ஆரோக்கிய விளைவுகளையும் மேம்படுத்தும். குறிப்பாக உடல் பருமன் மற்றும் டைப்-2 நீரிழிவு நோயால் பாதிக்கப்படுபவர்களுக்கு இது மிகவும் பயனளிக்கும்.

மாலை சிற்றுண்டி:

சிறந்த நேரம்: நீங்கள் சிற்றுண்டியை விரும்பினால், இரவு 8:30 மணி முதல் 9:30 மணி வரை சாப்பிடுவது சிறந்தது.

வழிகாட்டுதல்கள்: பழம், தயிர் அல்லது நட்ஸ் போன்ற இலகுவான, எளிதில் ஜீரணிக்கக்கூடிய உணவைத் தேர்ந்தெடுக்கவும். உறங்கும் நேரத்துக்கு அருகில் அதிகமான அல்லது சர்க்கரை நிறைந்த தின்பண்டங்களைத் தவிர்க்கவும். ஏனெனில் அவை தூக்கத்தின் தரத்தில் சொந்தரவு செய்யலாம்.

உங்கள் உடல்நலம் மற்றும் தூக்கத்தின் தரத்தை மேம்படுத்த, இரவு உணவாக இருந்தாலும் சரி, சிற்றுண்டியாக இருந்தாலும் சரி, இரவு 9:00 மணிக்குள் உங்களின் கடைசி உணவை முடித்துவிட வேண்டும் என்று மல்ஹோத்ரா கூறுகிறார்.

Click here for more Health Tip

 Click here to join whatsapp group for daily health tip

Read More

சராசரியாக ஒருவர் ஆண்டுக்கு எத்தனை கிலோ சர்க்கரையை எடுத்துக் கொள்கிறார்...?!! அதிர வைக்கும் தகவல்....

 அமெரிக்காவில் நடைபெற்ற சமீபத்திய ஆய்வில், மக்களின் சர்க்கரை நுகர்வு தொடர்பான பழக்கவழக்கங்கள் மற்றும் சர்க்கரை அளவுகளின் ஹைட்ரேஷன் லெவலில் ஏற்படுத்தும் பாதிப்பு உள்ளிட்டவை குறித்த சில முக்கிய தகவல்களை வெளிப்படுத்தி உள்ளது.

ஹிண்ட் வாட்டர் சார்பாக டாக்கர் ரிசர்ச் நடத்திய இந்த ஆய்வில் சுமார் 2,000 அமெரிக்கர்கள் பங்கெடுக்க வைக்கப்பட்டனர். studyfinds.org-ல் வெளியிடப்பட்ட இந்த ஆய்வில் தெரியவந்த தகவல்கள் பின்வருமாறு: சராசரியாக ஒரு அமெரிக்கர் ஆண்டுக்கு கிட்டத்தட்ட 80 பவுண்டுகள் சர்க்கரை அதாவது 36,000 கிராம் (36 கிலோ) உட்கொள்வது ஆய்வில் தெரியவந்துள்ளது.

பெரும்பாலான திரவ உட்கொள்ளல் சோடா என கூறிய 28% பேர்…

2,000 அமெரிக்கர்கள் பங்கேற்ற ஆய்வின் முடிவில் சராசரியாக ஒரு நபர் ஒரு நாளைக்கு 99 கிராம் சர்க்கரையை உட்கொள்வது தெரியவந்துள்ளது. இது இரண்டு 12-அவுன்ஸ் சோடா கேன்களில் உள்ளதை விட அதிக சர்க்கரை என்பது குறிப்பிடத்தக்கது. ஒரு வருட காலத்திற்கு இதை கணக்கிட்டால், மொத்தம் 80 பவுண்டுகள் சர்க்கரை வருகிறது.

ஆய்வு முடிவுகளின்படி, கேள்விகளுக்கு பதிலளித்தவர்களில் பெரும்பான்மையானவர்கள் (85 சதவீதத்தினர்) தங்களது சர்க்கரை நுகர்வை குறைக்க தீவிர முயற்சி செய்கிறார்கள். அதேபோல பதிலளித்தவர்களில் சுமார் 34% பேர் ஒரு நாளில் தங்கள் திரவ உட்கொள்ளலின் பெரும்பகுதி காலை காஃபியிலிருந்து வருவதாக குறிப்பிட்டு உள்ளனர். மேலும் 28% பேர் தாங்கள் பெரும்பாலும் சோடாவை திரவ நுகர்விற்காக பருகுவதாக கூறியுள்ளார்கள். எனினும் பதிலளித்தவர்களில் பாதிக்கும் மேற்பட்டவர்கள் (51 சதவீதம் பேர் தங்களுக்கு சுகர் கிரேவிங்ஸ் ஏற்படும்போது, ​​தங்களின் உடல் உண்மையில் ஹைட்ரேஷனிற்கு ஏங்குவதாகவும், அந்த சமயத்தில் சுகர் கிரேவிங்ஸை தடுக்க போதுமான தண்ணீரை குடிக்கிறார்கள் என்றும் கூறியுள்ளனர்.

இந்த ஆய்வில் பங்கேற்றவர்களில் சராசரி நபர்கள் தங்களின் வழக்கமான ஒரு நாளில் அமெரிக்கன் ஹார்ட் அசோசியேஷன் பரிந்துரைத்த சர்க்கரை அளவை விட இரண்டு மடங்கு அதிகமாகவும், யு.எஸ்.நேஷனல் அகாடமி ஆஃப் மெடிசின் பரிந்துரைத்ததை விட குறைவான அளவு தண்ணீரையும் பருகுவது தெரியவந்துள்ளது. ஹிண்ட் வாட்டரின் தலைமை மார்க்கெட்டிங் அதிகாரியான ஏமி கால்ஹவுன் ராப் தனது அறிக்கை ஒன்றில் இது ஏன் நடக்கிறது என்பதை புரிந்து கொள்வது முக்கியம் என்கிறார்.


சுகர் கிரேவிங்ஸ் பற்றி நீங்கள் தெரிந்து கொள்ள வேண்டியது…

சுகர் கிரேவிங்ஸிற்கு பின்னால் உள்ள உணர்ச்சி தூண்டுதல்கள் குறித்து சர்வே ஆராய்ந்தது. இதன்படி மன அழுத்தம் (39 சதவிகிதம்), சலிப்பு (36 சதவிகிதம்), சோர்வு (24 சதவிகிதம்) மற்றும் தனிமை (17 சதவிகிதம்) ஆகியவை சுகர் கிரேவிங்ஸை தூண்டும் உணர்ச்சிகளாகும். அதேபோல் இனிப்புகளுக்காக ஏங்கும்போது, ​​கவலை (23 சதவீதம்), எரிச்சல் (22 சதவீதம்), பொறுமையின்மை (20 சதவீதம்) மற்றும் அன்ப்ரொட்டக்ட்டிவ் (20 சதவீதம்) இருப்பதாக ஆய்வில் பதிலளித்தவர்கள் தெரிவித்தனர்.

அதே நேரம் ஒரு திரைப்படத்தை பார்க்கும்போது (31 சதவீதம்), உணவை சாப்பிட்டு முடிக்கும்போது (31 சதவீதம்), மதிய வேளையில் ஆற்றல் தேவைப்படும்போது (30 சதவீதம்) மற்றும் ஒரு மோசமான வேலை நாள் (19 சதவீதம்) உள்ளிட்ட சூழலின்போதும் இனிப்பான ஒன்றை விரும்புவதாக ஆய்வில் பங்கேற்றவர்கள் குறிப்பிட்டுள்ளனர்.

மேலும், சர்க்கரை பிரியர்களுக்கு மத்திய பிற்பகல் மிகவும் ஆபத்தான நேரம். ஏனெனில், சுகர் கிரேவிங்ஸ் சராசரியாக பிற்பகல் 3.12 மணிக்கு ஏற்படும் வாய்ப்பு அதிகம் காணப்படுவதாக கணக்கெடுப்பில் கண்டறியப்பட்டுள்ளது. ஒரு சராசரி மனிதனால் சுகர் கிரேவிங் உணர்வு தோன்றிய பிறகு எவ்வளவு நேரம் இனிப்புகளை எடுத்துக் கொள்ளாமல் கட்டுப்படுத்திக் கொள்ள முடியும்?. 13 நிமிடங்கள் மட்டுமே.

Click here for more Health Tip

 Click here to join whatsapp group for daily health tip

Read More

கொலஸ்ட்ராலை குறைத்து இதயத்தை காக்கும் பூண்டு - தினமும் எவ்வளவு சாப்பிடலாம்?

 பூண்டு நீண்ட காலமாக கொலஸ்ட்ரால் அளவைக் குறைக்கும் திறன் உட்பட அதன் பல்வேறு ஆரோக்கிய நன்மைகளுக்காக கொண்டாடப்படுகிறது. இத்தகைய காரமான பூண்டில் இருக்கும் அல்லிசின் கொழுப்பைக் குறைக்க முக்கிய பங்காற்றுவதாக நம்பப்படுகிறது.

உடலில் கொழுப்பு அதிகமாக இருப்பது தீவிர இதய பிரச்சனைக்கு காரணமாகிறது. லிப்போபுரோட்டீன் பிளேக் உருவாவதற்கு காரணமாகி தமனிகளில் அடைப்பை உருவாக்குகிறது, இதன் விளைவாக மாரடைப்பு ஏற்படலாம். உணவில் சில மாற்றங்களை கொண்டு வருவதன் மூலம் இயற்கையாகவே குறைந்த அடர்த்தி கொண்ட லிப்போபுரோட்டீன் அளவைக் குறைக்கவும், நிர்வகிக்கவும் முடியும்.

அந்த வகையில் அன்றாட பயன்பாட்டில் உள்ள முக்கிய மசாலாப் பொருட்களில் ஒன்று பூண்டு. பூண்டு நீண்ட காலமாக கொலஸ்ட்ரால் அளவைக் குறைக்கும் திறன் உட்பட அதன் பல்வேறு ஆரோக்கிய நன்மைகளுக்காக கொண்டாடப்படுகிறது. இத்தகைய காரமான பூண்டில் அல்லிசின் போன்ற சேர்மங்கள் உள்ளன, அவை கொழுப்பைக் குறைக்க முக்கிய பங்காற்றுவதாக நம்பப்படுகிறது.

News18

ஒருவர் தினமும் எவ்வளவு பூண்டு உட்கொள்ளலாம்?

கொலஸ்ட்ராலை கட்டுக்குள் வைக்க தினமும் பூண்டை உண்பது குறித்த அதிகாரப்பூர்வ வழிகாட்டுதல்கள் எதுவும் இல்லை என்றாலும், ஒரு நாளைக்கு 1 முதல் 2 பல் பச்சை பூண்டை உட்கொள்வது பயனுள்ளதாக இருக்கும் என்று ஆய்வுகள் தெரிவிக்கின்றன. இந்த அளவு பொதுவாக பெரும்பாலான நபர்களுக்கு பாதுகாப்பானதாகக் கருதப்படுகிறது மற்றும் அதிகப்படியான பக்க விளைவுகள் இல்லாமல் பூண்டின் ஆரோக்கிய நன்மைகளை பெற முடியும்.

பூண்டில் கொலஸ்ட்ரால் குறைப்புக்கு பங்களிக்கும் ஓர் முக்கிய கூறு அல்லிசின். பூண்டை நசுக்கும்போது அல்லது நறுக்கும்போது வெளியிடப்படுகிறது. அல்லிசின் கொலஸ்ட்ரால் அளவை மேம்படுத்துவதாகக் கூறப்படுகிறது.

• கொழுப்பைக் குறைத்தல்: வழக்கமாக பூண்டை உட்கொள்வது உடலில் உள்ள மொத்த கொழுப்பின் அளவைக் குறைக்க உதவும், குறிப்பாக LDL (எல்.டி.எல் / குறைந்த அடர்த்தி கொண்ட கொழுப்புப்புரதம்), பெரும்பாலும் கெட்ட கொலஸ்ட்ரால் என குறிப்பிடப்படுகிறது.

• அதிக அடர்த்தி கொழுப்பை அதிகரிப்பது: இரத்த ஓட்டத்தில் இருந்து குறைந்த அடர்த்தி கொண்ட கொழுப்பை அகற்ற உதவும் அதே நேரத்தில், நல்ல கொழுப்பு எனப்படும் HDL (உயர் அடர்த்தி கொழுப்புப்புரதத்தை) அதிகரிக்க பூண்டு உதவக்கூடும்.

• இரத்த ஓட்டத்தை மேம்படுத்துதல்: பூண்டு இரத்த ஓட்டத்தை மேம்படுத்துகிறது மற்றும் இரத்த அழுத்தத்தை குறைக்கிறது, இவை இரண்டும் இதய ஆரோக்கியத்திற்கு நன்மை பயக்கும்.
  
  பூண்டின் கொழுப்பைக் குறைக்கும் பலன்களைப் பெற, அதை உங்கள் அன்றாட உணவில் சேர்த்துக்கொள்வதே சிறந்தது. பச்சை பூண்டின் 1-2 பல்லை நறுக்கி அல்லது நசுக்கி, சாப்பிடுவதற்கு முன் சில நிமிடங்கள் அப்படியே வைக்க வேண்டும். இப்படி செய்வதன் மூலம் அல்லிசின் உற்பத்தி அதிகரிக்கிறது. நீங்கள் அதை சாலட்டுகள், டிரஸ்ஸிங்ஸில் சேர்க்கலாம் அல்லது தண்ணீருடன் உட்கொள்ளலாம்.
  
  

  சமைக்கும் போது உங்கள் உணவுகளில் பூண்டை சேர்ப்பது நன்மையை தரும். பூண்டை வதக்குவது அல்லது வறுப்பது அதன் சுவையை அதிகரிக்கிறது, ஆனால் இவ்வாறாக சமைப்பது அதன் ஆரோக்கிய நன்மைகளில் சிலவற்றைக் குறைக்கலாம் என்பதையும் நினைவில் கொள்ளுங்கள். எனவே சூடான எண்ணெயில் இதை லேசாக வறுத்து, சூப்கள் அல்லது சாஸ்களில் சேர்ப்பது கூடுதல் நன்மையை தரும் என்று நம்பப்படுகிறது.

  பொதுவாக பூண்டு பெரும்பாலான மக்களுக்கு பாதுகாப்பானது தான் என்றாலும், இதனை அதிகப்படியாக உட்கொள்வது செரிமான பிரச்சினைகள், வாய் துர்நாற்றம் அல்லது உடல் துர்நாற்றம் போன்ற பக்க விளைவுகளுக்கு வழிவகுக்கும். கூடுதலாக, பூண்டு சில மருந்துகளுடன், குறிப்பாக இரத்தத்தை மெலிக்கும் மருந்துகளுடன் தொடர்பு கொள்ளலாம், எனவே நீங்கள் மருந்துகளை எடுத்துக் கொண்டால், சம்பந்தப்பட்ட சுகாதார நிபுணரை அணுகுவது அவசியம். உங்கள் தினசரி உணவில் 1 முதல் 2 பற்கள் பூண்டு சேர்த்துக்கொள்வது அதிக கொலஸ்ட்ரால் அளவைக் குறைத்து இதய ஆரோக்கியத்தை மேம்படுத்த உதவும்.
  
  பச்சையாகவோ, சமைத்தோ அல்லது வேறு எந்த வடிவில் உட்கொண்டாலும், பூண்டு இதய ஆரோக்கியத்திற்கான உணவில் ஒரு சுவையான கூடுதலாக இருக்கும். எப்போதும் போல், ஒரு சீரான உணவைப் எடுத்துக்கொள்ளுதல் மற்றும் கொலஸ்ட்ரால் அளவை நிர்வகிப்பதற்கான நேர்த்தியான ஆலோசனைக்கு சுகாதார நிபுணரை தொடர்பு கொள்ளது சிறந்தது.

Click here for more Health Tip

 Click here to join whatsapp group for daily health tip

Read More

யூரிக் ஆசிட் இருக்கவங்க தக்காளி தொடவே கூடாது..! ஏன் தெரியுமா..?

 

தக்காளியில் தீங்கு விளைவிக்கும் சில பண்புகளும் இருப்பதாக தெரிவித்துள்ள ஊட்டச்சத்து நிபுணர் அவ்னி கவுல் தக்காளியை யார் யார் தவிர்ப்பது நல்லது என்பது குறித்து விளக்கி இருக்கிறார்.

தக்காளி என்பது மக்கள் தங்களது சமையிலில் அன்றாடம் பயன்படுத்தும் ஒரு பொருளாகும். தக்காளி சில உணவில் சுவையை கூட்டுவதற்கும் பயன்படுகிறது. அதே நேரத்தில் தக்காளியில் சில தீங்கு விளைவிக்கும் பண்புகளும் அடங்கியிருக்கிறது. பெரும்பாலும் இதுபற்றி அனைவருக்கும் தெரியாது. எனவே தக்காளியின் நன்மைகள் மற்றும் தீமைகளை இங்கே விரிவாக பார்க்கலாம்.

தக்காளியில் இருக்கும் சில நன்மை பயக்கும் பண்புகள், இரத்த சோகை, ஆஸ்துமா, உயர் இரத்த அழுத்தம், கொழுப்பு சம்பந்தப்பட்ட நோய் உள்ளவர்களுக்கு தக்காளி பயனுள்ளதாக இருக்கிறது. உணவுக் கட்டுப்பாட்டை கடைப்பிடிப்பவர்கள் தக்காளியை பாதுகாப்பாக உணவில் சேர்த்துக் கொள்ளலாம்.

தக்காளியில் வைட்டமின் சி, லைகோபீன் மற்றும் நார்ச்சத்து உள்ளிட்ட பல நன்மைகள் அடங்கி இருக்கிறது. இத்தகைய நன்மைகளால், தக்காளி புற்றுநோய் எதிர்ப்பு சக்தியாகவும் செயல்படுகிறது.

தக்காளியை அதிகமாக உட்கொள்வது பக்கவாதம் வருவதற்கான வாய்ப்பைக் குறைக்கும், இது உங்கள் மூளையின் ஒரு பகுதிக்கு இரத்த ஓட்டம் துண்டிக்கப்படும் போது ஏற்படுகிறது. மேலும் இது வீக்கத்தைக் குறைக்கலாம், உங்கள் நோயெதிர்ப்பு மண்டலத்தை அதிகரிக்கலாம் மற்றும் இரத்தம் உறைவதைத் தடுக்கலாம் என்று ஆய்வுகள் தெரிவிக்கின்றன.

தக்காளி சாறு சூரிய ஒளி மற்றும் பிற தோல் பிரச்சனைகளிலிருந்து பாதுகாக்கிறது, இந்த மூலப்பொருள் அழகுசாதனப் பொருட்களில் ஒரு அஸ்ட்ரிஜென்டாக செயல்படுகிறது, தோல்களில் ஏற்படும் திறந்த துளைகளின் சிக்கலைக் குறைத்து, சருமத்தை இறுக்கமாக வைத்திருக்க இது உதவுகிறது.

எனினும், தக்காளியில் தீங்கு விளைவிக்கும் சில பண்புகளும் இருப்பதாக தெரிவித்துள்ள ஊட்டச்சத்து நிபுணர் அவ்னி கவுல் தக்காளியை யார் யார் தவிர்ப்பது நல்லது என்பது குறித்து விளக்கி இருக்கிறார். இரத்தத்தில் பொட்டாசியம் அதிகம் உள்ளவர்கள் தக்காளியை தவிர்க்க வேண்டும்.

யூரிக் ஆசிட் பிரச்சனை இருந்தாலும், தக்காளியை உணவில் குறைவாக சேர்த்துக் கொள்வது நல்லது, கடுமையான நெஞ்செரிச்சல் உள்ளவர்கள் தக்காளியை சாப்பிடவே கூடாது.

தக்காளி இரைப்பையில் அதிக அமிலத்தை உற்பத்தி செய்யும், இது நெஞ்செரிச்சல் மற்றும் அசௌகரியத்திற்கு வழிவகுக்கும்.

தக்காளியில் அழற்சி பண்புகள் பெரும்பாலும் கிடையாது என்றாலும், தோல் எரிச்சல், வீக்கம், மூக்கு ஒழுகுதல் மற்றும் வயிற்று வலி போன்ற அறிகுறிகளை ஏற்படுத்தலாம்.

தக்காளி விதைகளில் ஆக்சலேட் இருப்பதால், அதிக அளவு தக்காளி சாப்பிடுவதால் சிறுநீரக கற்கள் உருவாகலாம், எனவே இது சிறுநீரக கல் உருவாவதற்கு பங்களிக்கிறது.

தக்காளியில் பிரக்டோஸ் அதிகமாக உள்ளது, இது சிலருக்கு ஹிஸ்டமைன் எதிர்வினைகளைத் தூண்டும்.

தக்காளியில் சோலனைன் என்ற அல்கலாய்டு உள்ளது, இது மூட்டு வலி மற்றும் வீக்கத்தை ஏற்படுத்தும். இந்த அல்கலாய்டு, கால்சியம் திசுக்களில் குவிந்து மூட்டுகள் வீக்கமடையும் போது இது நிகழலாம்.தக்காளியை அதிகமாக உட்கொள்வது நச்சுத்தன்மையை ஏற்படுத்தலாம், இது தொண்டை மற்றும் வாய் எரிச்சல், தலைச்சுற்றல் உள்ளிட்டவற்றிற்கு வழிவகுக்கும்.

Click here for more Health Tip

 Click here to join whatsapp group for daily health tip

Read More

குளிர்காலத்தில் தண்ணீர் குறைவாக குடிப்பதால் சிறுநீரக கல் உருவாகுமா..? அவசியம் தெரிஞ்சுக்கோங்க..!

 நேஷனல் லைப்ரரி ஆஃப் மெடிசினில் வெளியிடப்பட்ட ஆய்வில், குளிர்காலங்களில் ஆண்களுக்கும், பெண்களுக்கும் சிறுநீரில் கால்சியம் அளவுகள் கணிசமாக அதிகமாக இருப்பதால், கல் உருவாகும் அபாயத்தை அதிகரிப்பதாக தெரிவிக்கப்பட்டுள்ளது.

பொதுவாக வெயில் காலத்தில் தான் உடலுக்கு அதிக அளவிலான தண்ணீர் தேவைப்படும். மாறாக, வெப்பநிலை குறைவாக இருக்கும் குளிர் காலத்தில் உடலில் இருந்து அதிகமாக நீரிழப்பு ஏற்படுவதில்லை, எனவே தாகம் மிகவும் குறைவாகவே இருக்கும்.

அதேநேரத்தில் வெயில் காலத்தில் உடலுக்கு தேவையான நீரில் பற்றாக்குறை ஏற்படுவதால், சிறுநீர சம்பந்தப்பட்ட நோய்கள் அதிகளவில் பாதிக்கின்றன. இதில் முக்கியமான ஒன்று சிறுநீரக கல் பிரச்சனை. ஆனால், குளிர்காலத்தில் இதுபோன்ற பிரச்சனை இருக்காது என்றே மக்கள் நம்புகின்றனர். ஆனால் இது ஒரு வலி மிகுந்த சுகாதார பிரச்சனைக்கு காரணமாகும் என்பது பலருக்கும் தெரிவதில்லை.

இதுகுறித்து நடத்தப்பட்ட சமீபத்திய ஆய்வுகள், குளிர்காலத்தில் நீர் உட்கொள்ளல் குறைக்கப்படுவதால் சிறுநீரக கல் வழக்குகள் அதிகரித்திருப்பதற்கு முக்கிய பங்காற்றி இருப்பது தெரிய வந்துள்ளது. சில பகுதிகளில் குளிர் காலத்தில் சிறுநீரக கல் பிரச்சனை 30% வரை அதிகரித்துள்ளன. இதுகுறித்து ஐதராபாத்தின் தில்சுக்நகரில் உள்ள ஏஐஎன்யு மருத்துவமனையின் சிறுநீரக சிகிச்சை பிரிவின் தலைமை மற்றும் மூத்த மருத்துவரான பி.எஸ்.வாலி சிறுநீர பிரச்சனை குறித்து விவரித்துள்ளார்.

நாடு முழுவதிலும் உள்ள சிறுநீரக மருத்துவர்கள், இந்த அடிக்கடி கவனிக்கப்படாத குளிர்கால சுகாதார அபாயம் குறித்து எவ்வாறு எச்சரிக்கிறார்கள் என்பதை அவர் விளக்கினார். உடலில் போதிய அளவு தண்ணீர் பற்றாக்குறை ஏற்படுவது, சிறுநீரில் அழுத்தத்தை தருகிறது மற்றும் தேவையற்ற பொருட்கள் மற்றும் தாதுக்கள் சிறுநீரகத்திற்குள் குவிந்து சிறுநீரக கற்கள் உருவாக வழிவகுக்கிறது என்று மருத்துவ நிபுணர்கள் எச்சரிக்கின்றனர் என்று அவர் கூறினார்.

குளிர்காலம் தொடர்பான நீரிழப்பு சங்கடமானதாக இருக்காது, ஆனால் இது ஆபத்தானது. சிறுநீரக கற்கள் ஒருவரின் வாழ்நாளில் 10 பேரில் 1 நபரை பாதிக்கின்றன, ஆண்டுதோறும் அரை மில்லியனுக்கும் அதிகமான அமெரிக்கர்கள் சிறுநீரக கல் பிரச்சனைக்காக அவசர சிகிச்சை பெறுகின்றனர். சிறுநீரகக் கல்லை கடந்து செல்லும் வலி, குழந்தை பிறப்புடன் இணைக்கப்பட்டுள்ளது. எனவே இதனை தடுப்பது முக்கியமானது. பருவ மாற்றங்களுக்கும், சிறுநீரக ஆரோக்கியத்திற்கும் இடையிலான தொடர்பு ஒன்றும் புதியதல்ல.நேஷனல் லைப்ரரி ஆஃப் மெடிசினில் வெளியிடப்பட்ட ஆய்வில், குளிர்காலங்களில் ஆண்களுக்கும், பெண்களுக்கும் சிறுநீரில் கால்சியம் அளவுகள் கணிசமாக அதிகமாக இருப்பதால், கல் உருவாகும் அபாயத்தை அதிகரிக்கிறது. இந்த பருவ மாறுபாடு நம் உடலுக்கு தேவையான தண்ணீர் பற்றாக்குறையை நிவர்த்தி செய்வது குறித்த திட்டங்களை வகுக்க உதவுகிறது.

சுவாரஸ்யமாக, சிறுநீரக கற்களுக்கான சிகிச்சையானது பண்டைய காலங்களிலிருந்து ஒரு வளமான வரலாற்றைக் கொண்டுள்ளது. கிமு 600 இல் ஆட்சி புரிந்த ஓர் இந்திய மன்னரின் முக்கிய மருத்துவரான சுஷ்ருதா, முதன்முதலில் சிறுநீர்க்குழாய் வழியாக கல்லை அகற்றினார்.இந்த ஆரம்பகால மருத்துவ முன்னேற்றம் நவீன சிகிச்சைகளுக்கு வழி வகுத்தது, இந்த வலி மிகுந்த நிலைக்கு எதிரான நீண்ட காலப் போரை இது எடுத்துக்காட்டுகிறது.

சிறுநீரக கற்கள் வராமல் தடுப்பது எப்படி?

சிறுநீரக கற்கள் பிரச்சனை உள்ளவர்கள் தினமும் குறைந்தது 2 லிட்டர் (8 கப்) தண்ணீர் குடிக்க வேண்டும் என்று சுகாதார நிபுணர்கள் பரிந்துரைக்கின்றனர். இந்த எளிய பழக்கம் சிறுநீரை நீர்த்துப்போகச் செய்வதன் மூலமும், சிறுநீர்ப் பையில் தங்கும் தாதுக்களை வெளியேற்றுவதன் மூலமும் கல் உருவாகும் அபாயத்தை குறைக்க உதவும்.

என்ன தான் அதிகளவு தண்ணீர் குடிப்பது சிறுநீரக பிரச்சனையில் மாற்றத்தை தந்தாலும், தண்ணீரைத் தாண்டி, சிறிய உணவு மாற்றங்களும், உடல்நலனில் பெரிய மாற்றத்தை ஏற்படுத்தும். இதில் ஆச்சரியப்படும் விதமாக, கால்சியம் நிறைந்த உணவுகள் பரிந்துரைக்கப்படுகின்றன, ஏனெனில் அவை குடலில் ஆக்சலேட்டுகளுடன் பிணைக்கப்படுகின்றன, கால்சியம் ஆக்சலேட் கற்களின் அபாயத்தைக் குறைக்கின்றன. இது மிகவும் பொதுவான ஒரு வகை. கூடுதலாக, மெக்னீசியம் மற்றும் சிட்ரேட் உட்கொள்ளலை அதிகரிப்பது கல் உருவாவதைத் தடுக்கலாம், பொட்டாசியம் சிட்ரேட் சிறுநீர் சிட்ரேட் அளவை அதிகரிக்கவும், கல் உருவாவதைக் குறைக்கவும் பரிந்துரைக்கப்படுகிறது.

குளிர்காலத்தில் நிலவும் குளிர்ச்சிக்கு எதிரான வழிகளை பற்றி நாம் யோசிக்கும் போது, ​​தண்ணீர் குடிக்க மறக்க வேண்டாம். நன்கு ஹைட்ரேட்டாக இருப்பது சிறுநீரக கற்கள் உருவாவதை தடுப்பதன் மூலம் சிறுநீரக மருத்துவரை அணுகும் சூழல் ஏற்படுவதையும் தடுக்கிறது.

Click here for more Health Tip

 Click here to join whatsapp group for daily health tip

Read More

வெறும் வயிற்றில் பால் குடிக்கலாமா.. கூடாதா..? அவசியம் தெரிஞ்சுக்கோங்க..!

 
பல காலமாகவே பால் என்பது ஊட்டச்சத்தின் களஞ்சியமாக திகழ்ந்து வருகிறது. கால்சியம், புரோட்டீன் மற்றும் அத்தியாவசிய வைட்டமின்கள், மினரல்கள் பாலில் நிறைந்துள்ளது. எனினும் வெறும் வயிற்றில் பாலை குடிக்கலாமா, வேண்டாமா? குடிப்பதனால் பலன் கிடைக்குமா அல்லது பக்க விளைவுகள் ஏதேனும் ஏற்படுமா என்பது பற்றிய விவாதம் தொடர்ந்து இருந்து வருகிறது. பாலில் உள்ள ஊட்டச்சத்துக்கள் நம்முடைய எலும்பு ஆரோக்கியம் மற்றும் ஒட்டுமொத்த நல்வாழ்விற்கு உதவுவதால் நமது சரிவிகித உணவுக்கு ஒரு அற்புதமான கூடுதலாக பால் அமைகிறது.

பால் குடிப்பதனால் கிடைக்கும் பலன்கள் யாவை?

பால் என்பது கால்சியம், பாஸ்பரஸ் மற்றும் புரோட்டீன் ஆகியவற்றின் அற்புதமான மூலமாக இருப்பதால் இது ஆரோக்கியமான எலும்புகள் மற்றும் பற்களை அமைப்பதற்கும் பராமரிப்பதற்கும் உதவுகிறது. மேலும் இது கார்போஹைட்ரேட்டுகள் மற்றும் கொழுப்புகளின் நல்ல சமநிலையை நமக்கு வழங்குகிறது. இதனால் இது ஒரு ஆல்ரவுண்ட் உணவாக அமைகிறது. அது மட்டுமல்லாமல் பாலில் உள்ள வைட்டமின் D, வைட்டமின் B12 மற்றும் மெக்னீசியம் போன்ற அத்தியாவசிய வைட்டமின்களும், மினரல்களும் நம்முடைய உடலில் உள்ள பல்வேறு செயல்பாடுகளுக்கு உதவுகிறது.

பாலை வெறும் வயிற்றில் குடிக்கலாமா?

பாலை வெறும் வயிற்றில் குடிப்பதால் குடிப்பது ஆபத்தை ஏற்படுத்தும் என்று பலர் கருதுகின்றனர். ஒரு சிலருக்கு இதனால் செரிமான அசௌகரியம் ஏற்படலாம். லாக்டோஸ் ஒத்துகொள்பவர்களுக்கு வெறும் வயிற்றில் பாலை குடிப்பதால் அஜீரணம் சம்பந்தமான பிரச்சனைகள் உருவாகலாம். ஆனால் பொதுவாக வெறும் வயிற்றில் பால் குடிப்பதால் எந்த ஒரு பக்க விளைவும் ஏற்படுவதாக எந்த ஒரு ஆய்விலும் கண்டுபிடிக்கப்படவில்லை.

சொல்லப்போனால், அதிக புரோட்டீன் நிறைந்த பாலை காலை உணவுக்கு பருகுவது டயாபடீஸ் கொண்ட நபர்களில் ரத்த சர்க்கரை அளவை கட்டுப்படுத்துவதற்கு உதவும் என்று கண்டுபிடிக்கப்பட்டுள்ளது.

பால் குடிக்கும் போது நீங்கள் கருத்தில் கொள்ள வேண்டிய சில விஷயங்கள்

• லாக்டோஸ் செரிமானம் செய்யும் திறன் இல்லாத நபர்களுக்கு பால் குடிப்பதால் வயிற்று உப்புசம், வாயு தொல்லை மற்றும் வயிற்றுப்போக்கு போன்ற செரிமானம் சம்பந்தப்பட்ட அறிகுறிகள் ஏற்படலாம். ஒருவேளை உங்களுக்கு இந்த பிரச்சனை இருந்தால் மருத்துவரை ஆலோசித்து அதற்கு ஏற்றவாறு உங்களுடைய உணவில் மாற்றங்களை ஏற்படுத்திக் கொள்ளுங்கள். வழக்கமான பாலுக்கு பதிலாக நீங்கள் பாதாம் பால், சோயா பால் அல்லது தேங்காய் பால் போன்றவற்றை சாப்பிடலாம்.

• இது தவிர பால் என்பது ஒரு சரிவிகித உணவின் அற்புதமான பகுதியாக அமைகிறது. லாக்டோஸ் சகிப்புத்தன்மை கருத்தில் கொள்ள வேண்டும் ஒரு விஷயம் தான் என்றாலும் வெறும் வயிற்றில் பால் குடிப்பது பொதுவாக பாதுகாப்பானதாக கருதப்படுகிறது. எனினும் உங்களுடைய தனிப்பட்ட உடலின் அறிகுறிகளை உணர்ந்து அதற்கேற்றவாறு மாற்றங்களை ஏற்படுத்திக் கொள்ளுங்கள்.

Click here for more Health Tip

 Click here to join whatsapp group for daily health tip

Read More

1 - 5th Ennum Ezhuthum - Term 2 - Block Level Training Schedule

ஒன்று முதல் ஐந்தாம் வகுப்பு வரை கையாளும் ஆசிரியர்களுக்கான இரண்டாம் பருவ என்னும் எழுத்தும் பயிற்சி மற்றும் அதற்கான கால அட்டவணை தற்போது வெளியிடப்பட்டுள்ளது 

இந்த அட்டவணையின் படி தொடக்கக்  கல்வி ஆசிரியர்களுக்கான பயிற்சி மேற்கொள்ளப்படும் என்றும் அறிவிக்கப்பட்டுள்ளது

Click Here to Download - 1 - 5th Ennum Ezhuthum - Block Level Training Schedule - Pdf

 🔻🔻🔻

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

Read More

SMC DCs - Online Meeting - Minutes - 24.10.2024

 

ஒருங்கிணைப்பாளர்களுடன் முதல்  மேலாண்மைக் கூட்டம் நடத்துவது சார்பாக நடைபெற்ற கூட்டம்

2023 ஆண்டு மறு கட்டமைப்பு செய்யப்பட்ட பள்ளிகள் உட்பட அனைத்து பள்ளிகளிலும் நாளை பள்ளி மேலாண்மைக் குழு கூட்டம் நடைபெற வேண்டும். (உள்ளூர்விடுமுறை அடுத்த வேலை நாளில் நடத்த வேண்டும் )

Click Here to Download - SMC DCs - Online Meeting - Minutes - 24.10.2024 - Pdf

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

Read More

SMC Reconstitution - Members Pledge - Pdf

 பள்ளி மேலாண்மைக்குழு உறுப்பினர்கள் உறுதிமொழி - SMC Reconstitution 2024-2026 Members Pledge  PDF

Click Here to Download - SMC Reconstitution 2024-2026 Members Pledge - Pdf

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

Read More

TNSED PARENT APP - SMC கூட்டம் நடைபெற்றதை புகைப்படமாக Upload செய்யும் வழிமுறை

 TNSED PARENT APP- ல் தீர்மான பதிவேட்டின் நகல் மற்றும் SMC கூட்டம் நடைபெற்றதை புகைப்படமாக Upload செய்ய வேண்டும் அதற்கான வழிமுறை

👇👇👏

https://youtu.be/3yb-JFTtQ7E?si=ENNvyCtM1tzl_HfW

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

Read More

SMC DCs - Online meeting -Minutes- 24.10.2024

 

SMC DCs - Online meeting -Minutes- 24.10.2024.pdf

👇👇👇👇

Download here

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

Read More