இஸ்ரோ - பள்ளி மாணவ, மாணவியர்களுக்கான போட்டிகள் அறிவிப்பு.

 

இந்திய விண்வெளி ஆராய்ச்சி நிறுவன உந்தும வளாகம், மகேந்திரகிரி சார்பாக, 04-10-2026 முதல் 10-10-2026 வரை நடைபெற உள்ள உலக விண்வெளி வார விழாவை (World Space Week) முன்னிட்டு 9,10,11 மற்றும் 12 வகுப்பு பள்ளி மாணவ, மாணவியருக்கு கட்டுரைப் போட்டிகள் நடைபெற உள்ளன. இதில் தமிழ்நாட்டைச் சார்ந்த பள்ளி மாணவ, மாணவியர்கள் பங்கேற்கலாம்.

கட்டுரைகள் தமிழ் அல்லது ஆங்கிலத்தில் இருத்தல் அவசியம். கட்டுரைகள் தெளிவாகவும் திருத்தமாகவும் மாணவ, மாணவியர்களின் கையெழுத்தில் A4(210 × 297 மி.மீ) அளவு தாளில் 4 பக்கங்களுக்கு மிகாமலும், ஒவ்வொரு தாளிலும் ஒரு பக்கம் மட்டும் எழுதியிருக்கவும் வேண்டும். போட்டியில் பங்கேற்கும் மாணவ மாணவியர்களின் பெயர், வயது, வகுப்பு. பள்ளியின் பெயர், பள்ளியின் முகவரி, பெற்றோர் பெயர், வீட்டின் முகவரி, தொலைபேசி / அலைபேசி எண் ஆகியவை முன்தாளில் குறிப்பிட்டிருக்க வேண்டும். இந்த கட்டுரை தங்களால்தான் எழுதப்பட்டது என்பதை உறுதிப்படுத்த பள்ளியின் முதல்வர் / தலைமை ஆசிரியரிடமிருந்து ஒப்புதல் இணைக்கப்பட்டிருக்க வேண்டும்.

கட்டுரைகள் 25 செப்டம்பர் 2026 அன்றோ அல்லது அதற்கு முன்பாகவோ கீழ்கண்ட முகவரிக்கு கிடைக்கும்படி தபால் மூலம் அனுப்புதல் வேண்டும்.

மூத்த நிர்வாக அதிகாரி,

இஸ்ரோ உந்து வளாகம் (ஐபிஆர்சி), மகேந்திரகிரி.

திருநெல்வேலி மாவட்டம், அஞ்சல் குறியீடு-627 133,

தமிழ்நாடு.

தபால் உறையின்மேல் "கட்டுரைப்போட்டி” என்று குறிப்பிடப்பட வேண்டும். தமிழ், ஆங்கில கட்டுரைகளுக்கு தனித்தனியாக முதல், இரண்டாம் மற்றும் மூன்றாம் பரிசுகள் வழங்கப்படும். போட்டியில் பரிசு பெற்றவர்களின் விவரங்கள் தனியாக தெரிவிக்கப்பட்டு 2026 அக்டோபர் 9-ம் தேதி மகேந்திரகிரியில் நடக்கும் விழாவில் பரிசுகள் வழங்கப்படும். 

மேலும் விவரங்களுக்கு கீழ்கண்ட தொலைபேசியில் தொடர்பு கொள்ளவும், தொலைபேசி எண் : 04637 281825.

 இன்று வெளியான  செய்திகள் | Latest Education News in Tamil  Today

இன்று வெளியான வேலைவாய்ப்பு செய்திகள் | Daily Job News in Tamil| Latest Notification

📢 தினசரி வேலைவாய்ப்பு செய்திகள் WhatsApp-ல் பெற இங்கே Join செய்யுங்கள்

TN Kalvi News WhatsApp Group – கல்விச் செய்திகள் உடனுக்குடன்

TNPSC Study WhatsApp Group – Free Materials & Daily Tests

Miss பண்ணாதீங்க