ஜம்மு காஷ்மீர் சட்டப்பேரவையின் இலையுதிர் கால கூட்டத்தொடரின் 2-வது நாளான இன்று, ஆசிரியர் தகுதித் தேர்வில் (TET) இருந்து விலக்கு கோரும் முக்கிய தீர்மானம் கொண்டுவரப்பட்டது.
பள்ளிக் கல்வித்துறை அமைச்சர் திருமதி. சகீனா இட்டூ இந்த தீர்மானத்தை பேரவையில் முன்மொழிந்தார்.
தீர்மானத்தில் கூறப்பட்டுள்ளதாவது:
"01.01.2019-க்கு முன்பு பணி நியமனம் செய்யப்பட்ட அனைத்து ஆசிரியர்களுக்கும் ஆசிரியர் தகுதித் தேர்வில் (TET) இருந்து விலக்கு அளிக்க வேண்டும். இதற்காக, குழந்தைகளுக்கான இலவச மற்றும் கட்டாய கல்வி உரிமைச் சட்டம் 2009-ன் பிரிவு 23-ல் தேவையான சட்டத் திருத்தத்தை மத்திய அரசு மேற்கொள்ள வேண்டும்.
மேலும், தேசிய ஆசிரியர் கல்விக் குழுமம் (NCTE) மூலம் இதற்கான அதிகாரப்பூர்வ அறிவிப்பை வெளியிட்டு அனைத்து சட்ட நடவடிக்கைகளையும் மத்திய அரசு எடுக்க வேண்டும் என இந்த அவை ஒருமனதாக வலியுறுத்துகிறது."
பின்னணி:
கடந்த மே மாதம் உச்ச நீதிமன்றம் பிறப்பித்த உத்தரவில், TET தேர்வில் தேர்ச்சி பெறாத ஆசிரியர்கள் 2028 ஆகஸ்ட் மாதத்திற்குள் தேர்ச்சி பெறாவிட்டால் கட்டாய ஓய்வு அளிக்கப்படும் என தெரிவிக்கப்பட்டிருந்தது. இதனால் நாடு முழுவதும் ஆசிரியர்கள் மத்தியில் கவலை நிலவி வருகிறது.
தமிழ்நாடு அரசும் கடந்த ஆகஸ்ட் மாதம் இதேபோன்று தீர்மானம் நிறைவேற்றியிருந்தது குறிப்பிடத்தக்கது.
இன்று காலை 10 மணிக்கு தொடங்கிய விவாதத்தில், இது முக்கியமான விஷயம் என்பதால் விரிவாக விவாதிக்க வேண்டும் என அமைச்சர் கோரியதை அடுத்து, சபாநாயகர் வியாழக்கிழமை வரை சபையை ஒத்திவைத்தார்.
இந்த தீர்மானத்தை மத்திய அரசு ஏற்றுக்கொண்டால், ஜம்மு காஷ்மீரில் 2019-க்கு முன் நியமிக்கப்பட்ட ஆயிரக்கணக்கான ஆசிரியர்களுக்கு பெரும் நிவாரணம் கிடைக்கும்.
இன்று வெளியான செய்திகள் | Latest Education News in Tamil Today
இன்று வெளியான வேலைவாய்ப்பு செய்திகள் | Daily Job News in Tamil| Latest Notification
📢 தினசரி வேலைவாய்ப்பு செய்திகள் WhatsApp-ல் பெற இங்கே Join செய்யுங்கள்
TN Kalvi News WhatsApp Group – கல்விச் செய்திகள் உடனுக்குடன்
TNPSC Study WhatsApp Group – Free Materials & Daily Tests
Miss பண்ணாதீங்க
0 Comments:
Post a Comment