திறன் இயக்க மாணவர்களுக்கு தொடர் பயிற்சி: தேர்ச்சியை மேம்படுத்த பள்ளிக்கல்வித் துறை திட்டம்

     Education News (கல்விச் செய்திகள்)    

Employment News (வேலைவாய்ப்பு செய்திகள்)

அரசுப் பள்​ளி​களில் திறன் இயக்க மாணவர்​களுக்​கும் அரை​யாண்​டுத் தேர்வு வரை தொடர்ந்து பயிற்சி அளிக்க வேண்​டுமென பள்​ளிக் கல்வித் துறை உத்​தர​விட்​டுள்​ளது.

இது தொடர்​பாக பள்​ளிக்​கல்​வித் துறை இயக்​குநர் ச.கண்​ணப்​பன், அனைத்து மாவட்ட முதன்​மைக் கல்வி அலு​வலர்​களுக்கு அனுப்​பிய சுற்​றறிக்கை விவரம்: அரசுப் பள்​ளி​களில் 6 முதல் 9-ம் வகுப்பு வரை பயிலும் மாணவர்​களின் மொழிப்​பாடம் மற்​றும் கணிதத் திறனை மேம்​படுத்​தும் வகை​யில் திறன் இயக்​கம் கடந்த ஜூலை​யில் அமல்​படுத்​தப்​பட்​டது. இந்த திட்​டத்​துக்​காக தேர்​வான மாணவர்​களுக்கு பயிற்சி அளிக்​கப்​பட்டு காலாண்​டுத் தேர்வு நடத்​தப்​பட்​டது.

தேர்வு முடிவு​களின்​படி அடிப்​படை கற்​றல் விளைவு​கள் பகு​தி​யில் அனைத்து மாணவர்​களுக்​கும் தேர்ச்சி பெற இன்​னும் கூடு​தல் காலஅவ​காசம் தேவைப்​படு​கிறது. எனவே, இந்த திட்​டத்​தில் தேர்​வான அனைத்து மாணவர்​களும் அடிப்​படை கற்​றல் விளைவை அடை​யும் வகை​யில் அடுத்த 6 வாரங்​களுக்கு (அரை​யாண்​டுத் தேர்வு வரை) தொடர்ந்து பயிற்சி அளிக்க வேண்​டும். தினம் ஒரு பாடம் என 90 நிமிடங்​கள் கற்​பிக்​கப்பட வேண்​டும்.

திறன் இயக்​கத்​துக்கு தேர்​வான அனைத்து மாணவர்​களும் மாதாந்​திர மதிப்​பீட்​டுத் தேர்​வில் பங்​கேற்​பது அவசி​யம். நடப்பு மாதத்​துக்​கான மாதாந்​திரத் தேர்வு நவம்​பர் 25 முதல் 27-ம் தேதி வரை வழக்​க​மான நடை​முறை​யின்​படி நடை​பெறும். திறன் இயக்​கத்​தில் அல்​லாத மாணவர்​களுக்கு வழக்​க​மான நடை​முறை​யின்​படி அரை​யாண்​டுத் தேர்வு நடத்​தப்​படும். இவ்​வாறு அதில் தெரிவிக்​கப்​பட்​டுள்​ளது.

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

(Education news in tamil, Education news in Tamilnadu, News in Tamil, latest education news online in Tamil, kalviseithigal, kalviseithi, School News, Latest news on education in tamil, Kalvi (கல்வி) )