உதவித் தொகையுடன் இலவச தொழிற்பயிற்சி... பெண்களே இந்த வாய்ப்பை மிஸ் பண்ணிடாதீங்க...

 குமரி மாவட்டத்தில் 10ஆம் வகுப்பு மற்றும் 12ஆம் வகுப்பு முடித்த மாணவிகள் தொழில் பயிற்சி பெற விரும்பும் மாணவிகள் நலனுக்காக நாகர்கோவில் வேப்பமூடு பகுதியில் SMRV அரசினர் தொழிற்பயிற்சி நிலையம் அமைந்துள்ளது.

இந்த தொழில் பயிற்சி மையத்தில் 2025-26 ஆண்டிற்கான மாணவிகள் சேர்க்கை தொடங்கி நடைபெற்று வருகிறது. இதுகுறித்து குமரி மாவட்ட கலெக்டர் அழகுமீனா வெளியிட்டுள்ள செய்திக்குறிப்பில், “SMRV அரசினர் தொழிற்பயிற்சி நிலையத்தில் குறைந்தபட்ச கல்வி தகுதி 8ஆம் வகுப்பு தேர்ச்சி (ஆடை தயாரித்தல் தொழிற்பிரிவு மட்டும்) மற்றும் 10ஆம் வகுப்பு தேர்ச்சி பெற்றவர்கள் விண்ணப்பிக்கலாம். மேலும் குறைந்தபட்ச வயது வரம்பு 15 மற்றும் அதிகபட்ச வயது வரம்பு இல்லை.

பல்வேறு பொறியியல் மற்றும் பொறியியல் அல்லாத தொழிற்பிரிவுகளான கம்ப்யூட்டர், மின்னணுவியல், டெஸ்க்டாப் பப்ளிஷிங் ஆபரேட்டர், கம்ப்யூட்டர் ஆபரேட்டர் மற்றும் புரோகிராம் அசிஸ்டெண்ட், ஆடை தயாரித்தல், சுருக்கெழுத்து மற்றும் செயலகப் பணி உதவியாளர் (ஆங்கிலம்), நவீன ஆடை வடிவமைப்பு தொழில்நுட்பம், மருத்துவ மின்னணுவியல் நுட்பவியலாளர், கட்டடக்கலை படவரைவாளர் ஆகிய தொழிற்பிரிவில் சேர்ந்து பயிற்சி பெறலாம்.

இந்த பயிற்சி கட்டணம் முற்றிலும் இலவசம். மாணவிகள் தொழிற்படிப்பு சேர்க்கை 19.5.2025 முதல் 13.6.2025 வரை SMRV அரசினர் தொழிற்பயிற்சி நிலையம் (மகளிர்), வேப்பமூடு ஜங்ஷன் அருகில், நாகர்கோவில் நேரில் வந்து இலவசமாக விண்ணப்பிக்கலாம். பயிற்சி பெறுபவர்களுக்கு தரமான பயிற்சி வழங்கப்படுவதுடன் மிதிவண்டி, சீருடை, தையல்கூலியுடன், பாடப்புத்தகங்கள், காலணி, மாதந்தோறும் வருகைக்கேற்ப ரூ.750 உதவித்தொகை மற்றும் கட்டணமில்லா பேருந்து சலுகை வழங்கப்படும்.

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

(Education news in tamil, Education news in Tamilnadu, News in Tamil, latest education news online in Tamil, kalviseithigal, kalviseithi, School News, Latest news on education in tamil, Kalvi (கல்வி) )