எந்த கோர்ஸ் படிச்சா பெஸ்ட்... 12வது முடித்த மாணவர்களுக்கு வழிகாட்டும் நான் முதல்வன்..

 Education News (கல்விச் செய்திகள்)

தமிழகத்தில் 2024-2025 கல்வியாண்டில் மாநில கல்வி திட்டத்தில் பயின்ற மாணவர்களுக்கு தமிழ்நாடு மற்றும் புதுச்சேரியில் இந்த ஆண்டு 12ஆம் வகுப்பு பொதுத் தேர்வுகள் மார்ச் மாதம் நடந்து முடிந்தது.

இந்த தேர்வை மொத்தம் 8 லட்சத்து 21ஆயிரத்து 57 பேர் எழுதியுள்ளனர். 12ஆம் வகுப்பு பொதுத்தேர்வு முடிவுகளைத் தமிழ்நாடு அரசுத் தேர்வுகள் இயக்குநரகம் மே 8 அன்று வெளியிட உள்ளதாகத் தெரிவிக்கப்பட்டுள்ளது.

இந்நிலையில் 12ஆம் வகுப்பு முடித்து உயர்கல்வியில் சேர உள்ள மாணவர்களுக்கு நான் முதல்வன் திட்டத்தின் கீழ் குமரி மாவட்டத்தில் 'நான் முதல்வன் உயர்கல்வி வழிகாட்டி திட்டம்' என்ற தலைப்பில் இரண்டு நாட்கள் தனியார் கல்லூரி வளாகத்தில் வைத்து 12 ஆம் வகுப்பு முடித்த மாணவர்களுக்கு பொறியியல் மற்றும் கலை மற்றும் அறிவியல் கல்லூரிகளில் சேர்வதற்கான ஆலோசனைகள் வழங்கப்பட்டது.

இதில் நேற்று பொறியியல் கல்லூரிகளுக்கான கருத்தரங்குகள் நடைபெற்ற நிலையில் இன்று கலை மற்றும் அறிவியல் கல்லூரிகள் கலந்து கொண்ட ஆலோசனை நிகழ்ச்சி நடைபெற்றது. இதில் குமரி மாவட்ட கலெக்டர் அழகுமீனா கலந்து கொண்டு மாணவ மாணவிகளுக்கு பல்வேறு ஆலோசனைகள் மற்றும் அறிவுரைகளை வழங்கினார்.

இது குறித்து அரசு கலை மற்றும் அறிவியல் கல்லூரி பேராசிரியர் முனைவர் சுசிலா பாய் கூறுகையில், “எங்களுடைய அரசு கலை மற்றும் அறிவியல் கல்லூரியில் அரசின் வழிகாட்டுதல் படி மாணவர் சேர்க்கை நடைபெற்று வருகிறது.

கன்னியாகுமரி மாவட்ட ஆட்சித்தலைவர் அவர்களின் அறிவுறுத்தல் படி இன்று ஸ்காட் கல்லூரியில் வைத்து நடைபெறும் நான் முதல்வன் வழிகாட்டி நிகழ்ச்சியில் அரங்குகள் அமைத்துள்ளோம்.

இந்த நிகழ்ச்சியில் நூற்றுக்கும் மேற்பட்ட கல்லூரிகளிலிருந்து நூற்றுக்கும் மேற்பட்ட ஆசிரியர்கள் கலந்து கொண்டுள்ளனர். சுமார் ஆயிரத்திற்கும் மேற்பட்ட மாணவர்கள் வருகை புரிந்துள்ளார்கள், அவர்களுக்கு மாவட்ட ஆட்சித் தலைவர் மற்றும் கல்வித் துறை சார்பாக பல்வேறு ஆலோசனைகள் அறிவுரைகள் வழங்கப்பட்டு வருகிறது.

எங்களுடைய அரசு கலை மற்றும் அறிவியல் கல்லூரியிலிருந்தும் ஆறு பேராசிரியர்கள் கலந்து கொண்டுள்ளனர். இந்த நிகழ்ச்சியும் மாணவர்களுக்கு நல்ல பயனுள்ளதாக இருக்கும் என நம்புகிறேன்” எனத் தெரிவித்தார்.

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

(Education news in tamil, Education news in Tamilnadu, News in Tamil, latest education news online in Tamil, kalviseithigal, kalviseithi, School News, Latest news on education in tamil, Kalvi (கல்வி) )