சாமானியர்களுக்கு உதவும் சீட்டு எனும் சேமிப்பு

 இந்தியாவில், அதுவும் தென்னிந்தியாவில் தோன்றிய சிறப்பான நிதி சேமிப்பு திட்டம் தான் சிட்பண்ட்ஸ். இந்த அமைப்பு பண்டமாற்றுக் காலத்திலிருந்து இயங்கிக் கொண்டிருப்பது என்பது வியப்புக்குரியது. இத்தகைய சேமிப்பு திட்டத்தை பற்றி சிட் பண்ட் நிறுவனங்களின் கூட்டமைப்பின் செயலாளர் சிற்றரசு கூறியதாவது.

 பண்டமாற்று காலத்திலேயே சேமிப்புக்காகவும் சிலரின் அவசர தேவைக்கு உதவுவதற்காகவும் இந்த அமைப்பு வழக்கத்தில் இருந்ததை அறிய முடிகிறது. நாணயம் பணம் புழக்கத்திற்கு வந்த பின்பு சிட் பண்ட் கடந்த 150 ஆண்டுகளுக்கு முன்பே செயலுக்கு வந்திருப்பதை வரலாற்று ஆவணங்கள் மூலம் அறிய முடிகிறது.

 1894-ம் ஆண்டு ஆவணங்கள் மற்றும் 1934-ம் ஆண்டு திருவாங்கூர் சிட்ஃபண்ட்ஸ் சட்டம் மூலம் இத்தகைய நிதி அமைப்பு சட்டத்தால் முறைமை படுத்தப்பட்டு வந்துள்ளது. 

 சுதந்திரம் அடைந்து மாகாணங்கள் தனித்தனியாக உருப்பெற்ற உடன் 1961-ம் ஆண்டு சிட் பண்ட் சட்டம் தமிழ்நாட்டில் இயற்றப்பட்டது. மேலும் செம்மைப்படுத்தி சீர்படுத்த மத்திய அரசு 1982-ம் ஆண்டு சிட்ஃபண்ட் சட்டத்தை கொண்டு வந்தனர். இது இந்தியா முழுமைக்கான சட்டமாக இருந்தது. இதை அமல்படுத்தும் அதிகாரம் மாநிலங்களுக்கு இருந்தது. மாநில அரசின் பதிவு துறையே இதையும் கவனித்துக் கொள்கிறது, இவ்வேளையை செய்பவரை ரிஜிஸ்டார் ஆப் சீட்ஸ் என அழைக்கப்படுகிறார்.

 சிட் பண்ட் நிறுவனம் பெரும்பாலும் பிரைவேட் லிமிடெட் ஆக இருப்பது குறிப்பிடத்தக்கது. சிட்டு நிறுவனம் புதிதாக ஒரு சீட்டை ஆரம்பிக்க வேண்டும் என்றால் எவ்வளவு தொகைக்கு சீட் ஆரம்பிக்க உள்ளார்களோ அந்த குறிப்பிட்ட தொகையை வைப்புத் தொகையாக ஆர்பிஐ வங்கியில் செலுத்தி சீட்டு நடத்த அனுமதி பெற வேண்டும் அதற்கு பின்னர் எவ்வளவு நபர்கள் அந்த சீட்டிற்கு தேவையோ அத்தனை நபர்களை சேர்த்த பின்னால் அந்த சீட்டை ஆரம்பிப்பதற்கு அனுமதி பெற்றே சீட்டை ஆரம்பிப்பார்கள். இதனால் நிறுவனங்கள் நடத்துகின்ற சீட்டுகளில் சேர்பவர்களுக்கு பாதுகாப்பு இருக்கும் என்பதில் ஐயமில்லை. 

சீட்டு நிறுவனங்கள் சட்டப்படி வட்டிக்கு பணம் கொடுப்பதோ வைப்புத் தொகையாக பணத்தைப் பெற்றுக் கொண்டு வட்டிக் கொடுப்பதோ கூடாது என சட்டம் உள்ளது. இதை சரியாக புரிந்து கொள்ளாமல் வட்டிக்கு பணம் கொடுக்கின்ற நிறுவனங்கள் இழப்புக்கு உள்ளாகும் போது அதை சீட்டு நிறுவனங்கள் என்ற தவறான புரிதலில் இருந்து மக்கள் இப்பொழுது பெருமளவு விழிப்புணர்வு பெற்றுள்ளனர் என்பது வரவேற்கத்தக்கது. ஏழை எளிய மக்கள் முதல் பெரு முதலாளிகள் வரை அனைவருக்கும் உதவும் வகையில் இருப்பதே இதன் சிறப்பு.

 வங்கிகள் அரசு நிதி நிறுவனத்திலிருந்து பணத்தைப் பெற்று பொதுமக்களுக்கு கடன் கொடுத்து உதவுகிறது. ஒரு வகையில் பார்த்தால் சீட்டு கம்பெனிகள் அரசு நிதி நிறுவனத்தில் இருந்து பணம் கடனாக பெறாமல் தாங்கள் வைப்பு நிதியாக அரசு நிதி நிறுவனத்திற்கு செலுத்தி விட்டு மக்களுக்கும் குறிப்பாக ஏழை எளிய மக்கள் பயனடையும்படி நிதி உதவி கிடைக்க செய்வதை பாராட்டப்பட வேண்டும் என்பதே எங்கள் எதிர்பார்ப்பு எனும் சிற்றரசு அவர்கள், மத்திய அரசு இந்நிறுவனங்களை ஊக்குவிக்கும் வண்ணம் வரி சட்டங்களை மாற்றி அமைத்தால் நாட்டின் பொருளாதார வளர்ச்சிக்கு இத்தகைய நிதி ஆதார அமைப்பு பெரிதும் உதவும் என்று நம்பிக்கை தெரிவித்தார்.

Click here to join whatsapp group for daily health tip

Read More

சுகர் ஜிவ்வென ஏறுகிறதா? சாப்பிட்ட பிறகு 2 நிமிடம் இதைப் பண்ணுங்க!

 நம் தினசரி பிஸியான வாழ்க்கையில் இப்போதெல்லாம் சாப்பிடுவதே ஒரு பெரிய வேலையாக மாறிவிட்டது. நம் முன்னோர்கள் எவ்வளவு வேலை இருந்தாலும், தவறாமல் உணவருந்திய பிறகுதான், மற்ற வேலைகளை பார்ப்பார்கள். ஆனால், இன்று நாம், மற்ற வேலைகளை பார்த்துவிட்டு, நேரம் கிடைத்தால் தான் சாப்பிடுகிறோம்.

ஒருநாளில் உங்கள் ஆரோக்கியத்துக்காக அவசியம் சில நிமிடங்களை நீங்கள் ஒதுக்க வேண்டும். இங்கு ஒரு ஆய்வு, உங்கள் உணவுக்குப் பிறகு சிறிது நடக்க வேண்டும் என்று கூறுகிறது. அப்படி செய்வதால், டைப் 2 நீரிழிவு நோய் வராமல் நீங்கள் தடுக்கலாம்.

உணவு உண்ட உடனேயே சோம்பேறித்தனமாக இருப்பது வறுமையை வரவழைக்கும் என்று பெரியவர்கள் கூறுவதை நீங்கள் பார்த்திருக்கலாம். ஷடா-பாவலி (Shata- 100, Pavali- Steps) என்பது ஒரு பழங்காலக் கருத்தாகும், எந்த உணவுக்குப் பிறகும் குறைந்தபட்சம் 100 படிகள் மெதுவாக நடக்க வேண்டும்.

இரண்டு நிமிட நடைப்பயிற்சி  உங்கள் இரத்த சர்க்கரை அளவுகளில் நேர்மறையான தாக்கத்தை ஏற்படுத்தலாம் மற்றும் வகை 2 நீரிழிவு நோயைத் தடுக்கலாம் என்று இப்போது புதிய ஆராய்ச்சி கண்டறிந்துள்ளது.

ஏழு ஆய்வுகளின் மெட்டா பகுப்பாய்வு ஸ்போர்ட்ஸ் மெடிசின் இதழில் வெளியிடப்பட்டது.

மிதமான- தீவிர நடைபயிற்சி, போன்றவற்றுடன் ஒப்பிடும்போது நீண்ட நேரம் உட்கார்ந்திருப்பதன் விளைவுகளை ஆராய்ச்சியாளர்கள் ஆய்வு செய்தனர்.

ஏழு ஆய்வுகளில் இரண்டில் நீரிழிவு மற்றும் நீரிழிவு இல்லாத பங்கேற்பாளர்கள் அடங்குவர். மீதமுள்ள ஐந்து பேர் சர்க்கரை நோயின் வரலாறு இல்லாத பங்கேற்பாளர்களை உள்ளடக்கியிருந்தனர். அதில் உணவருந்திய பிறகு, சில நிமிடங்கள் மெதுவாக நடப்பது கூட இரத்தத்தில் சர்க்கரையின் அளவைக் குறைக்க போதுமானது என்று ஆராய்ச்சியாளர்கள் கண்டறிந்துள்ளனர்.

குறிப்பாக, சாப்பிட்ட பிறகு 60 முதல் 90 நிமிடங்களுக்குள் நடப்பது (இரத்தத்தில் சர்க்கரையின் அளவு உச்சத்தில் இருக்கும் போது) உட்கார்ந்து அல்லது நிற்பதை விட இரத்தத்தில் சர்க்கரை அளவுகளில் படிப்படியான மாற்றங்களுடன் தொடர்புடையது.

ஹூஸ்டன் மெதடிஸ்ட் மருத்துவமனையில் தடுப்பு இருதய மருத்துவராக கெர்ஷா பட்டேல், நீங்கள் செய்யும் ஒவ்வொரு சிறிய காரியமும் ஒரு சிறிய அடியாக இருந்தாலும் பலன் தரும் என்று கூறுகிறார். உணவுக்குப் பிறகு நடைபயிற்சி, மிதமான உடற்பயிற்சி  செய்வதால், சாப்பிட்ட பிறகு இரத்த சர்க்கரையின் அதிகரிப்பைக் குறைக்கலாம் என்று ஆய்வுகள் தெளிவாகக் காட்டுகின்றன.

நீரிழிவு நோயால் பாதிக்கப்பட்டவர்களில், இது சிறந்த குளுக்கோஸ் கட்டுப்பாட்டாக இருக்கும், இது நீண்ட காலத்திற்கு, நோயின் சிக்கல்களைக் குறைக்கும். எனினும், உடற்பயிற்சியின் நேரம் முக்கியமானது.

உணவுக்கு பிறகு, ஒன்றிலிருந்து ஒன்றரை மணிநேரத்தில் நடைபயிற்சி செய்வது பயனுள்ளதாக இருக்கும்.  ஏனெனில் அப்போதுதான், இரத்த ஓட்டத்தில் இரத்த சர்க்கரை அளவு உச்சத்தை அடையும்.

அதேநேரம் சாப்பிட்ட பிறகு உடனே தீவிரமாக உடற்பயிற்சி செய்வது சில அஜீரணம் மற்றும் வயிற்று வலியை ஏற்படுத்தும் என்று மருத்துவர்கள் எச்சரிக்கின்றனர்.

சில சமயங்களில் ஒவ்வொரு வாரமும் 150 நிமிட மிதமான தீவிர உடல் செயல்பாட்டை செய்வது கடினமாக இருக்கலாம். இதுபோன்ற சூழ்நிலைகளில், வீட்டை சுத்தமாக வைத்திருப்பது, சமைப்பது, அல்லது சமையலறையை சுத்தம் செய்வது போன்ற வேலைகளை செய்யலாம்.

எல்லாவற்றையும் விட உங்கள் ஆரோக்கியம் மதிப்புமிக்கது. எனவே உங்கள் உடல்நலத் தேவைகளிலும் கவனம் செலுத்த சில வழிகளைக் கண்டறியவும்.

Click here to join whatsapp group for daily health tip

Read More

உட்கார்ந்து எழுந்தாலே இடுப்பு கடுமையாக வலிக்கிறதா..? இந்த பிரச்சனை காரணமாக இருக்கலாம்...

சிலர் உட்கார்ந்து எழுந்தாலே இடுப்பை பிடித்துக்கொண்டே எழுவார்கள். காரணம் இடுப்பில் அவ்வளவு வலி இருக்கும். ஆனால் இதை பலரும் சாதாரணமாக கடந்துவிடுவார்கள். உண்மை என்னவெனில் இப்படி நீண்ட நேரம் உட்கார்ந்திருக்கும்போதோ அல்லது நிற்கும்போதோ இடுப்பு வலி ஏற்படுவது இயல்பானது அல்ல. இது ஒரு தீவிர பிரச்சனையின் அறிகுறியாகவும் இருக்கலாம். தொடர்ச்சியாக வேலை செய்வது அல்லது ஒரே இடத்தில் உட்கார்ந்து இருப்பது அல்லது மோசமான தோரணை இடுப்பு வலியை அதிகரிக்கிறது.

சில நேரங்களில் இந்த வலி இரண்டு இடுப்புக்கு பதிலாக ஒரு இடுப்பில் ஏற்படும். வயது ஏற ஏற இடுப்பு வலி அதிகரிப்பது இயற்கை. சில நேரங்களில் இந்த வலி அதிகமாகி அறுவை சிகிச்சை கூட செய்ய வேண்டியிருக்கும். சில நேரங்களில் காயம் அல்லது திரிபு கூட இடுப்பு வலிக்கு காரணமாகிறது. அதாவது மூட்டுவலி காரணமாக, மூட்டுகளின் குருத்தெலும்பு சேதமடைகிறது. இது இடுப்பு வலிக்கு வழிவகுக்கும். இப்படி இடுப்பு வலிக்கான முக்கியமான சில பொதுவான காரணங்கள் என்ன என்பதை காணலாம்.

மோசமான தோரணை : 

ஹெல்த்லைன் படி, இடுப்பு வலிக்கு பல காரணங்கள் இருக்கலாம். இதில் மோசமான தோரணையின் அமர்வது அல்லது நடப்பது பெரிய காரணம். அலுவலக வேலையாக இருந்தாலும் சரி, லாங் டிரைவ் செய்வதாக இருந்தாலும் சரி, இருக்கை மோசமாக இருந்தால் பல பிரச்சனைகளை சந்திக்க வேண்டியிருக்கும். இடுப்பு மற்றும் முதுகுக்கு சப்போர்ட் இல்லாமல் உட்கார்வதால், இடுப்பு மீது அதிக அழுத்தம் கொடுக்கப்படும். இதன் காரணமாக இடுப்பு வலி பிரச்சனை இருக்கலாம்.

சேதமடைந்த இடுப்பு மூட்டுகள் : 

காலின் பெரிய எலும்பை இடுப்பு மூட்டுகளில் சரியாக இணைக்காத போது இந்த பிரச்சனை ஏற்படுகிறது. எலும்புகளுக்கு இடையே உள்ள குருத்தெலும்பு சேதமடைந்தால் அல்லது சேதமடையும் போது, ​​இடுப்பு வலி பிரச்சனை தொடங்குகிறது. இது நிகழும்போது, ​​சில நேரங்களில் பாதங்களில் கடுமையான வலி ஏற்படலாம். பல சமயங்களில், உட்கார்ந்து எழும் போது, ​​கடுமையான வலியை உண்டாக்கும்.

Click here to join whatsapp group for daily health tip

Read More

ஓய்வுபெற்ற கோடீஸ்வரர்களிடமிருந்து நாம் கற்று கொள்ள வேண்டிய வாழ்க்கை பாடங்கள்.!

 நீங்கள் கோடீஸ்வரராக விரும்புகிறீர்களா.? அதிக பணத்தில் வாழ்வில் மகிழ்ச்சியை அனுபவிக்க விரும்புகிறீர்களா.? ஆடம்பர மற்றும் சொகுசு வாழ்க்கையை வாழ்ந்து பார்க்க ஆசையா.? இந்த கேள்விகளுக்கு மாற்று கருத்து இல்லாமல் ஆம் என்ற பதில் தான் பெரும்பாலும் வரும்.

ஆனால் பல கோடிகளுக்கு அதிபதியாக இருக்கும் பலர், தங்கள் வாழ்வில் மற்ற எல்லா விஷயங்களுக்கும் பணத்தை ஆடம்பரமாகச் செலவழிப்பதை விட, அதை பாதுகாப்பது மற்றும் சேமிப்பதன் மதிப்பை அறிவார்கள். நீங்கள் நினைப்பது போல எல்லா கோடீஸ்வரர்களும் ஆடம்பர பொருட்கள், தனியார் விமானங்கள், ஆடம்பர அல்லது சொகுசு கார்கள் போன்றவற்றுக்காக தங்கள் பணத்தை செலவழிப்பதில்லை. மாறாக பணத்தை எப்படி, எதற்காக செலவழிக்க வேண்டும் என்பதில் மிகவும் கவனமாக இருக்கிறார்கள்,குறிப்பாக ஓய்வு பெற்ற கோடீஸ்வரர்கள். ஓய்வு பெற்ற கோடீஸ்வரர்களிடமிருந்து நீங்கள் கற்று கொள்ள வேண்டிய சில முக்கிய விஷயங்களை இங்கே பார்க்கலாம்...

அதி ஆடம்பர வாழ்க்கையை தவிர்க்க வேண்டும்:

நீங்கள் இப்போது ஒரு கோடீஸ்வரராக இருந்தாலும் சரி லட்சாதிபதியாக இருந்தாலும் சரி எப்போதுமே மிகவும் ஆடம்பர வாழ்க்கையை வாழாமல் இருப்பது நல்லது. அதிலும் நீங்கள் பணம் சம்பாதிக்கும் தொழில்களில் இருந்து ஓய்வு பெற்று விட்டீர்கள் என்றால் ஆடம்பர வாழ்க்கை என்பதை முற்றிலும் ஒதுக்கி வைப்பது நல்ல முடிவாக இருக்கும். இதுவே பல ஓய்வு பெற்ற கோடீஸ்வரர்களின் கருத்து.

செலவுகளை கண்காணிக்க வேண்டும்:

உங்களிடம் அளவில்லா பணம் இருக்கிறது என்றால் அதை கணக்கு பார்க்காமல் கண்டமேனிக்கு செலவு செய்யவே தோன்றும். இது இயல்பு என்றாலும், உங்கள் செலவுகளைக் கண்காணித்து, நிலையான வரவு - செலவு திட்டத்தை பின்பற்றுவது அவசியம். இந்த பழக்கம் நீங்கள் முக்கியமான ஒன்றை வாங்க திட்டமிடும் போது அல்லது முக்கிய காலகட்டத்தில் நிதி பற்றாக்குறை ஏற்படுவதை தவிர்க்க உதவும்.

உங்கள் திறன்களில் முதலீடு..

உங்களிடம் ஒரு குறிப்பிட்ட ஸ்கில், மைன்ட்செட் மற்றும் பிரில்லியன்டாக செயல்படும் திறன்கள் இருந்தால், உங்களுக்கான சிறந்த எதிர்காலத்திற்காக அவற்றில் முதலீடு செய்யலாம். சிறந்த கல்வி பட்டங்கள் பெற மற்றும் நிலையான நிதி நிலைமையுடன் வாழ்க்கையை கழிக்க இது உதவும்.

நெருங்கிய உறவின் ஆதரவு:

பல மில்லியனர்கள் தாங்கள் இந்த அளவு உச்சம் தொட்டதற்கு தங்கள் மனைவி அல்லது பார்ட்னரின் ஆதரவு முக்கிய காரணமாக இருந்ததாக தெரிவித்து உள்ளனர். எனவே கோடீஸ்வரராக வேண்டும் என்ற எண்ணம் இருந்தாலும் அல்லது தற்போது கோடீஸ்வரராக இருந்தாலும் உங்களுக்கும் உங்கள் பார்ட்னருக்கும் ஒரே மாதிரியான குறிக்கோள்கள் இருப்பது பணத்தை விட போதுமான ஆதரவு மற்றும் வழிகாட்டலை தரும்.

இலக்குகளில் கவனம்..

வாழ்வில் நீங்கள் என்ன செய்ய விரும்புகிறீர்கள் என்பதில் எப்போதுமே கவனமாக இருக்க வேண்டும். அதிர்ஷ்டம், செல்வசெழிப்பு மற்றும் மிக மகிழ்ச்சியான கலர்ஃபுல் வாழ்வை வாழ உங்கள் இலக்குகள் மீதான கவனம் பெரிதும் உதவும் என்பதை நினைவில் கொள்ளுங்கள்.

ஓய்வும் அவசியம்:

நிறைய பணம் சம்பாதிக்க கடினமாக உழைக்கிறீர்கள் என்றால் சில சம்யங்களில் ஓய்வு என்பதும் அவசியமாகிறது. பணத்தை சம்பாதிக்க அல்லது சேமிக்க எவ்வளவு கவனம் செலுத்துகிறீர்களோ உங்கள் வாழ்க்கையை வேடிக்கையாக மற்றும் மகிழ்ச்சியாக வைத்து கொள்வதிலும் கவனம் செலுத்துங்கள். ஏனென்றால் வாழ்வில் சமநிலை என்பது முக்கியமான ஒன்று.

Read More

குழந்தைகளுக்கு உடல் பருமன் ஏற்பட என்ன காரணம்..? எப்படி எடையை குறைக்கலாம்..?

 உடல் பருமன் என்பது எளிதாக கடந்து செல்ல கூடிய ஒன்று அல்ல, தீவிரமாக எடுத்து கொள்ளப்பட வேண்டிய ஒன்று. ஏனென்றால் காலப்போக்கில் நீரிழிவு, இதய நோய் மற்றும் சில புற்றுநோய்கள் உள்ளிட்ட பிற கடுமையான உடல்நலப் பிரச்சினைகளுக்கு வழிவகுக்கும். நவீன வாழ்க்கை முறை காரணமாக பல குழந்தைகள் இன்று உடல் பருமன் அல்லது அதிக எடையுடன் காணப்படுகின்றனர்.

இவர்களின் மன மற்றும் உடல் நலனை பாதிக்கும் பல நாள்பட்ட உடல்நல பிரச்சனைகளை ஏற்படுத்தும் அபாயம் உடல்பருமனால் ஏற்படுகிறது. குழந்தைகளுக்கு தகுந்த உணவு மற்றும் வாழ்க்கை முறை பழக்கங்களை கற்று கொடுப்பது உடல் பருமனை குறைக்க நல்ல வழி. அதே போல சில குழந்தைகள் இப்போதெல்லாம் வயது மீறிய வளர்ச்சியுடன் காணப்படுகிறார்கள் என்பதால், அதிக எடை கொண்ட குழந்தைகளுக்கு அதிக கொழுப்பு இருக்கிறதா என்பதை மருத்துவ சோதனை மூலம் கண்டறிய வேண்டும். குழந்தை பருவத்தில் ஏற்படும் உடல் பருமன் மற்றும் இந்த சிக்கலுக்கான தீர்வுகளை நிபுணர்கள் விளக்குகிறார்கள்.

குழந்தைகளுக்கு உடல் பருமன் ஏற்படுவதற்கான காரணம்...

குழந்தைகளுக்கு உடல் பருமன் ஏற்பட வாழ்க்கை முறை தேர்வுகள், உளவியல் சிக்கல்கள் மற்றும் குடும்ப உறுப்பினர்களின் உடல்நிலை பின்னணி உள்ளிட்டவை சில காரணங்கள். உடல் பருமன் கொண்ட நபர்கள் அடங்கிய குடும்பத்தில் பிறக்கும் குழந்தைகள் உடல் பருமனாக இருக்க வாய்ப்புகள் அதிகம். தவிர உடற்பயிற்சியின்மை, பதப்படுத்தப்பட்ட உணவுகள் உட்பட அதிகம் சாப்பிடுவது உள்ளிட்ட காரணங்களால் உடல் பருமன் ஏற்படுகிறது. ஊட்டச்சத்து மதிப்பு இல்லாத அதிக சர்க்கரை மற்றும் கொழுப்பு கொண்ட மோசமான உணவுகள், துரித உணவுகள், குளிர்பானங்கள், மிட்டாய்களும் குழந்தைகளின் எடை அதிகரிப்பிற்கு காரணமாக அமையும்.

குழந்தை பருவ உடல் பருமனுடன் தொடர்புடைய உடல்நல அபாயங்கள்..

குழந்தை பருவ உடல் பருமனுடன் நீரிழிவு, இதய நோய் மற்றும் ஆஸ்துமா உள்ளிட்ட உடல்நல அபாயங்கள் மிகவும் தொடர்புடையவை. மேலும் சில கீழே..

நரம்பு மண்டலம்:

அதிக எடை கொண்டவர்கள் பக்கவாதத்தால் பாதிக்கப்படுவதற்கான வாய்ப்புகள் 2 மடங்கு அதிகம். ஏனெனில் அதிக எடை இதயத்தில் அதிக அழுத்தத்தை ஏற்படுத்தி ரத்த ஓட்டத்தை பாதிக்கிறது.

சுவாச அமைப்பு:

கழுத்து பகுதியை சுற்றி சேரும் கொழுப்பு காரணமாக காற்றுப்பாதைகள் மிகவும் சிறியதாகி, சுவாசிப்பதை கடினமாக்குகிறது, குறிப்பாக இரவில். இது தூக்கத்தில் மூச்சுத்திணறலை ஏற்படுத்தும், மரணத்திற்கு கூட வழிவகுக்கும். தூக்கத்தில் மூச்சுத்திணறலை உண்டாக்கும் OSA நிலை இளம் குழந்தைகளையும் பாதிக்கலாம்.

இதயம்:

உடல் பருமன் கொண்டவர்களின் இதயம் உறுப்புகளுக்கு ரத்தத்தை பம்ப் செய்ய கடினமாக உழைக்க வேண்டும். இதன் காரணமாக உயர் ரத்த அழுத்தம் ஏற்படுத்தும் உயர் ரத்த அழுத்தம் பக்கவாதத்திற்கான முக்கிய காரணங்களில் ஒன்றாக உள்ளது.

குழந்தைகளின் உடல் பருமனை எவ்வாறு குறைக்கலாம்.?

உடல் பருமனான குழந்தைகளை மருத்துவரின் பரிந்துரையின்றி டயட்டில் வைக்க கூடாது, ஏனெனில் டயட் அவர்களின் வளர்ச்சிக்கு போதுமான ஆற்றல்களை வழங்காது.

* எடையை குறைக்க வேண்டும் என்பதை விட நல்ல ஆரோக்கிய உணவில் கவனம் செலுத்தினாலே படிப்படியாக உடல் எடையை கட்டுக்குள் வைக்கலாம்.

* பெற்றோர்கள் தங்கள் குழந்தைகளுக்கு குறிப்பிட்ட நேரத்தில் ஆரோக்கியமான தின்பண்டங்களை கொடுக்க வேண்டும். குறைவான ஊட்டச்சத்து மதிப்பை கொண்டுள்ள உணவுகளை அவர்களுக்கு கொடுப்பதை தவிர்த்து, காய்கறி மற்றும் பழங்களை அவர்கள் உணவும் சேர்ப்பதை உறுதி செய்ய வேண்டும்.

* குழந்தைகளிடம் உடற்பயிற்சி அல்லது உடல் செயல்பாடுகளை ஊக்குவிக்க வேண்டும். நடைப்பயிற்சி, சைக்கிளிங், சுறுசுறுப்பான விளையாட்டுகள் போன்ற உடல் செயல்பாடுகளில் அவர்கள் பங்கேற்பதை ஊக்குவிக்க குடும்ப உறுப்பினர்களும் அவர்களுடன் நேரம் செலவழிக்க வேண்டும்.

* குறிப்பாக அதிக எடை கொண்ட குழந்தைகளை தனிமைப்படுத்தாமல் இருக்க வேண்டும், இது மனச்சோர்வு மற்றும் தனிமைக்கு வழிவகுக்கும்.

Click here to join whatsapp group for daily health tip

Read More

மழை நீரை குடிப்பதும் ஆரோக்கியமற்றதா..? ஆபத்து என எச்சரிக்கும் ஆய்வு..

 

இயற்கையின் கொடையான மழைநீரை முறையாக சேமித்து வைக்காமல், ‘விண்ணின் மழைநீர் மண்ணின் உயிர் நீர்’ என விழிப்புணர்வு பிரச்சாரம் செய்யும் நிலைக்கு தள்ளப்பட்டுள்ளோம். போதாக்குறைக்கு உலகம் முழுவதும் மாறிவரும் காலநிலை மாற்றத்தால், உயர்ந்து வரும் வெப்பம் காரணமாக குடிநீர் தட்டுப்பாடு அதிகரிக்ககூடும் என்ற எச்சரிக்கையும் எழுந்துள்ளது. பனிப்பாறைகள் உருகுவது, கடல் சீற்றம், அதிகரிக்கும் வெப்பநிலை, காற்றில் பசுமை வாயுக்கள் கலப்பு உயருவது, புற ஊதாக்கதிர் வீச்சு போன்ற பிரச்சனைகள் மனித இனத்தை ஏற்கனவே அச்சுறுத்தி வரும் நிலையில், சமீபத்தில் வெளியான ஆய்வு முடிவு ஒன்று பேரதிர்ச்சியைக் கொடுத்துள்ளது.

வானத்தில் இருந்து பொழியும் மழை நீரே மிகவும் சுத்தமானது, அதனை முறையாக சேமித்து குடிப்பது பல்வேறு ஆரோக்கிய நன்மைகளைத் தரும் என மக்கள் நம்பிக்கொண்டிருக்கும் நிலையில், மழை நீரை குடிப்பது மிகப்பெரிய ஆபத்து என ஆய்வுக்கட்டுரை ஒன்றின் மூலம் தெரியவந்துள்ளது. ஸ்வீடனைச் சேர்ந்த ஸ்டாக்ஹோம் பல்கலைக்கழக விஞ்ஞானிகள் நடத்திய ஆய்வின்படி, மழை நீரில் பிஎஃப்ஏஎஸ் எனப்படும் நச்சு இரசாயனங்கள் அதிக அளவில் கலந்துள்ளதால், பூமியின் அனைத்து பகுதிகளிலும் பொழியும் மழை நீரை குடிப்பது பாதுகாப்பானது கிடையாது என குறிப்பிடப்பட்டுள்ளது.

Per- and பாலிஃப்ளூரோஅல்கைல் (poly-fluoroalkyl) எனப்படும் பேக்கேஜிங், ஷாம்பு அல்லது ஒப்பனை பொருட்களில் காணப்படும் ரசாயனம் மழைநீரில் காணப்படுவது தெரியவந்துள்ளது. மேலும் ‘நிரந்தர ரசாயனங்கள்’ என அழைக்கப்படும் இவை காலப்போக்கி சிதைவடைவதும் கிடையாது என்பது கண்டறியப்பட்டுள்ளது.

பல்கலைக்கழகத்தின் பேராசிரியரும் சுற்றுச்சூழல் அறிவியல் மற்றும் தொழில்நுட்பத்தில் வெளியிடப்பட்ட ஆய்வின் முதன்மை ஆசிரியருமான இயன் கசின்ஸ் கூறுகையில், "நாங்கள் எடுத்த அளவீடுகளின்படி, பூமியில் எந்த பகுதியில் பொழியும் மழை நீரும் குடிப்பதற்கு பாதுகாப்பானதாக இல்லை என்பது கண்டறியப்பட்டுள்ளது” என தெரிவித்துள்ளார்.

2010 ஆம் ஆண்டு முதல் மேற்கொள்ளப்பட்ட ஆய்வு முடிவுகளின் படி, அண்டார்டிகா அல்லது திபெத்திய பீடபூமி போன்ற மனிதர்கள் குறைவாக வசிக்கும் பகுதிகளில் கூட அமெரிக்க சுற்றுச்சூழல் பாதுகாப்பு நிறுவனம் வெளியிட்டுள்ள அளவை விட மழைநீரில் அதிக கெமிக்கல் கலந்திருப்பது தெரியவந்துள்ளது. மழைநீரில் அமெரிக்க சுற்றுச்சூழல் பாதுகாப்பு நிறுவனத்தின் பாதுகாப்பு அளவை விட 14 மடங்கு அதிக கெமிக்கல் இருப்பதால், அதனை நேரடியாக குடிப்பது நல்லதல்ல என எச்சரிக்கப்பட்டுள்ளது

மழைநீரை அருந்துவது கருவுறுதல், குழந்தைகளின் வளர்ச்சி தாமதங்கள், உடல் பருமன் அல்லது சில புற்றுநோய்கள் (புரோஸ்டேட், சிறுநீரகம் மற்றும் டெஸ்டிகுலர்), கொலஸ்ட்ரால் அளவு அதிகரிப்பு போன்ற பிரச்சனைகளுக்கு வழிவகுக்கும் என கூறப்பட்டுள்ளது. மேலும் பூமியில் தொடர்ந்து அதிகரித்து வரும் மாசால், கடந்த 20 ஆண்டுகளாக மழை நீரும் அதனை மனிதர்கள் நேரடியாக குடிக்கும் தன்மையை படிப்படியாக இழந்துள்ளது தெரியவந்துள்ளது. இதில் ஒரே ஒரு ஆறுதல் தரும் செய்தி என்னவென்றால், சுற்றுச்சூழலின் PFAS அளவுகள் கடந்த 20 ஆண்டுகளாக ஒரே மாதிரியாக இருப்பதாக ஆய்வு முடிவுகள் காட்டுகின்றன.

இந்த ஆய்வின் மூலம் சுற்றுச்சூழல் மிகப்பெரிய அளவிற்கு பாதிக்கப்பட்டுள்ளதாகவும், மழைநீரை நேரடியாக குடிப்பதை தவிர்த்தாலும் ஆறுகள், ஓடைகள், உணவுப் பொருட்களில் கலந்துள்ள மாசில் இருந்து தப்பிக்க முடியாது என்றும் விஞ்ஞானிகள் எச்சரித்துள்ளனர்.

Click here to join whatsapp group for daily health tip

Read More

சமீப ஆண்டுகளாக குழந்தைகளிடையே அதிகரித்து வரும் நீரிழிவு நோய் - அறிகுறிகள் மற்றும் சிகிச்சைகள்.!

 நீரிழிவு நோய் என்பது வயதானவர்களுக்கு மட்டுமே வரும் என்ற எண்ணத்தில் நீங்கள் இருந்தால் அதை மாற்றி கொள்ளுங்கள். ஏனென்றால் நீரிழிவு நோய் அதிலும் குறிப்பாக டைப் 2 நீரிழிவிற்கு கடந்த சில ஆண்டுகளாக அதிக அளவு குழந்தைகள் இரையாகி வருகின்றனர்.

கடந்த 20 ஆண்டுகளில் குழந்தைகளில் டைப் 2 நீரிழிவு உலகம் முழுவதும் அதிகரித்துள்ளது. ஒவ்வொரு ஆண்டும் நம் நாட்டில் பாதிக்கப்பட்டு வரும் நீரிழிவு நோயாளிகளின் எண்ணிக்கையால், இந்தியா நீரிழிவு நோயின் தலைநகராக ஏற்கனவே கருதப்பட்டுவரும் நிலையில், இந்திய குழந்தைகளும் டைப் 2 நீரிழிவால் பாதிக்கப்பட்டு வருகின்றனர்.

Canada Journal of Diabetes வெயிட்டுள்ள சமீபத்திய அறிக்கையின்படி, உலகம் முழுவதும் குழந்தைகளில் டைப் 2 நீரிழிவு நோய் சில ஆண்டுகளாக வலுவான அதிகரிப்பை கண்டுள்ளது. ஆப்பிரிக்கா, அரபு, ஆசியா, ஹிஸ்பானிக், பழங்குடியினர் அல்லது தெற்காசிய வம்சாவளியைச் சேர்ந்த குழந்தைகள் டைப் 2 நீரிழிவு நோயால் பாதிக்கப்படும் அதிக ஆபத்தில் உள்ளதாக அந்த அறிக்கை சுட்டி காட்டியுள்ளது. டைப் 1 நீரிழிவு நோய் என்பது ஒரு தன்னுடல் தாக்க நோயாக இருக்கும் நேரத்தில் டைப் 2 நீரிழிவு நோய் என்பது பொதுவாக உடல் பருமன், மோசமான உணவு மற்றும் வாழ்க்கை முறை காரணிகளால் ஏற்படுவது ஆகும்.

குழந்தைகளில் டைப் 1 நீரிழிவு மற்றும் டைப் 2 நீரிழிவு...

டைப் 1 நீரிழிவு நோயானது டைப் 2 நீரிழிவு நோய் போல சமீப காலமாக அதிகரித்து வருகிறது, அதே விகிதத்தில் இல்லாவிட்டாலும், ஆண்டுக்கு 3-5% என்ற வீதத்தில் அதிகரிப்பதாக பிரபல மூத்த குழந்தை நல மருத்துவர், டாக்டர். அபிஷேக் குல்கர்னி கூறி இருக்கிறார். இந்தியாவை பொறுத்த வரை 0-14 வயதுக்குட்பட்ட 1 லட்சம் குழந்தைகளில் 3 பேர் டைப்1 நீரிழிவு நோயால் புதிதாக பாதிக்கப்படுவது கண்டறியப்படுகிறது. எனினும் டைப்1 நீரிழிவு நோய்க்கான பரவல் டேட்டாவானது சில குறிப்பிட்ட மாநிலங்களில் 1 லட்சம் குழந்தைகளில் 18 பேர் என கூறுகிறது. இருப்பினும் தற்போது சீரான தேசிய தரவு இல்லை என்கிறார் அபிஷேக் குல்கர்னி. சிகிச்சை பரிந்துரை யூனிட்ஸ்களுக்கு மாதத்திற்கு 5 முதல் 10 புதிய டைப் 1 மற்றும் டைப் 2 நீரிழிவால் பாதிக்கப்பட்ட குழந்தைகள் வருகின்றனர் என குறிப்பிட்டுள்ளார்.

குழந்தைகளில் நீரிழிவு நோயின் பொதுவான அறிகுறிகள்..

குழந்தைகளுக்கு ஏற்படும் நீரிழிவு நோயை தடுக்கலாம். அதற்கு குழந்தைகளில் கவனிக்க வேண்டிய நீரிழிவு நோயின் சில அறிகுறிகள் இங்கே.. அதிக தாகம், அடிக்கடி சிறுநீர் கழித்தல் அல்லது சிறுநீர் கழிக்க வேண்டும் என்ற எண்ணம், அதிகரித்த பசி உணர்வு, திடீர் எடை இழப்பு, சோம்பல், எரிச்சல் அல்லது நடத்தை மாற்றங்கள், மங்கலான பார்வை, வயிற்று வலி, அடிபட்டால் காயங்கள் மிக மெதுவாக ஆறுவது. மேற்காணும் அறிகுறிகளில் ஏதாவது ஒன்றை குழந்தைகள் வெளிப்படுத்தினால் உடனே மருத்துவரிடம் அழைத்து சென்று குழந்தைகளுக்கு இரு டைப் நீரிழிவு நோய்க்கான பரிசோதனையையும் பெற்றோர்கள் மேற்கொள்ள அறிவுறுத்துகிறார் அபிஷேக் குல்கர்னி.

சிகிச்சை என்ன?

- டைப் 1 நீரிழிவு நோய்க்கு பல தினசரி டோஸ் ஊசிகள் அல்லது இன்சுலின் பம்ப்கள் வழியாக தொடர்ச்சியான இன்சுலின் உட்செலுத்துதல் மூலம் பாசல் போலஸ் இன்சுலின் சிகிச்சை தேவைப்படுகிறது.

- டைப் 2 நீரிழிவு நோயை மெட்ஃபோர்மின், ஜிஎல்பி1 ரிசெப்டர் அனலாக்ஸ் உள்ளிட்டவற்றுடன் உணவுமுறை மற்றும் வாழ்க்கைமுறை மாற்றங்கள் மூலம் திறம்பட நிர்வகிக்க முடியும்.

ஆன்டி-டயபடிக் டயட்..

டைப் 1 நீரிழிவு நோய் உள்ள குழந்தைகள் ஆரோக்கியமான உணவுகளை எடுத்து கொள்வதுடன் குறிப்பாக குறைந்த கிளைசெமிக் குறியீட்டைக் கொண்ட உணவுகளை பின்பற்ற வேண்டும். டைப் 2 நீரிழிவால் பாதிக்கப்பட்ட குழந்தைகளும் மேற்கூறிய டயட்டை பின்பற்றலாம். இருப்பினும் உடல் பருமன் மற்றும் அதிக எடையை கட்டுப்படுத்த உணவுமுறையின் அடிப்படையில் மொத்த கலோரி உட்கொள்ளலை குறைக்க வேண்டியிருக்கலாம். தினசரி 45 நிமிட மிதமான தீவிரம் கொண்ட பயிற்சிகள் அல்லது வாரத்தில் குறைந்தது 5 நாட்களுக்கு விளையாட்டு 2 வகை நீரிழிவு நோயாளிகளுக்கு பரிந்துரைக்கப்படுகிறது. நீரிழிவால் பாதிக்கப்பட்ட குழந்தைகள் ஆரோக்கியமான உணவு கொள்கைகளை பெற்றோர்களின் கண்காணிப்பில் கடைபிடிக்க வேண்டும் என்று அறிவுறுத்துகிறார்கள் நிபுணர்கள்.

Click here to join whatsapp group for daily health tip

Read More

ஹார்ட் அட்டாக் வருவதற்கான முக்கிய காரணங்கள் - ஆய்வில் வெளியான தகவல்..!

 ஸ்டிரோக் அல்லது ஹார்ட் அட்டாக் என்பது உயிருக்கு ஆபத்தை ஏற்படுத்தக் கூடிய பிரச்சனையாகும். உலக அளவில் மிக அதிகப்படியான மரணங்கள் ஏற்படுவதற்கு இதுவும் ஒரு காரணமாகும். 

ஸ்டிரோக் ஏற்படும்போது தோள்கள் பலவீனம் அடைவது, முகம் இழுப்பது மற்றும் பேச்சு குளறுவது போன்ற பிரச்சனைகள் ஏற்படுகின்றன. ஹார்ட் அட்டாக் ஏற்படும்போது நெஞ்சுப் பகுதியில் வலி, உடலின் மேல் பகுதியில் வலி, மூச்சுத்திணறல் மற்றும் குளிர்ச்சியான வியர்வை, குமட்டல், தலைச்சுற்றல் போன்ற அறிகுறிகள் தென்படும். சைலண்ட் கில்லராக இருக்கும் இந்த இரண்டு நோய்களையும் முறியடிக்க வேண்டும் என்றால் இதன் தன்மை என்ன, எப்படி பாதிக்கும் என்பதை நாம் தெறிந்து கொள்ள வேண்டும்.

ஏன் இது கவலைக்குரிய விஷயம்? : 

இந்த இரண்டு பிரச்சனைகளுமே ஆரம்பகால அறிகுறிகள் எதையும் காட்டாது. லேசான அறிகுறிகள் தென்பட்டாலும் அதை புறக்கணிக்கும் பட்சத்தில் உயிரிழப்பு ஏற்படக் கூடும். சிலர் அறிகுறிகளை உணர்ந்தாலும், அவை வேறு நோய்களுக்கான பாதிப்புகள் என தவறாக புரிந்து கொள்கின்றனர்.

அபாயம் அதிகரிப்பதற்கான காரணங்கள் : 

சமூகத்தில் இருந்து விலகி நிற்பது மற்றும் தனிமை உணர்ச்சி ஆகியவை காரணமாக ஹார்ட் அட்டாக் மற்றும் ஸ்டிரோக் ஆகியவை ஏற்படுவதற்கான வாய்ப்பு 30 சதவீதம் அதிகரிக்கிறது என்று ஆய்வுகள் தெரிவிக்கின்றன.

யாருக்கெல்லாம் அபாயம் அதிகம்? : 

ஓய்வு பெறுதல் அல்லது வயது முதிர்வு மற்றும் அன்புக்குரியவர்களை இழப்பது போன்ற காரணங்களால் சமூகத்தில் இருந்து விலகியிருக்க வேண்டிய சூழல் மற்றும் தனிமை உணர்ச்சி ஆகியவை ஏற்படுகின்றன. வயதானவர்கள் மட்டும்தான் என்றில்லை. இப்போதெல்லாம் 18 முதல் 22 வயது வரையிலான இளைஞர்கள் கூட தனிமை உணர்ச்சிக்கு ஆளாகின்றனர்.

சமூக விலகல் மற்றும் தனிமை ஆகியவற்றின் வேற்றுமை : 

இந்த இரண்டும் ஒன்றும்போல தோன்றினாலும் இவற்றுக்கு இடையே வேறுபாடுகள் உண்டு. சிலர் சுய விருப்பத்தின் அடிப்படையில் மற்றவர்களிடம் இருந்து விலகி இருந்தாலும் தன்னைத்தானே மகிழ்ச்சியாக வைத்துக் கொள்வதற்கான நடவடிக்கைகளை செய்து கொள்வார்கள். அதே சமயம், சிலர் சமூகத்துடன் இணைந்து பழகினாலும் கூட தனக்குள் கவலைகளை ஒழித்து வைத்துக் கொள்வார்கள்.

நீங்கள் என்ன செய்ய வேண்டும் : 

சமூக விலகல் மற்றும் தனிமை உணர்வு ஆகிய இரண்டையும் மிகவும் பிரச்சனைக்குரிய விஷயங்களாக அணுக வேண்டும். மருத்துவர்கள் தங்களிடம் வரும் நோயாளிகளிடம், அவர்கள் எந்த அளவுக்கு சமூகத்தோடு இணைந்து பழகுகின்றனர் அல்லது தனிமையில் இருக்கின்றனர் என்பது குறித்து விசாரிக்க வேண்டும்.

வாழ்வியல் மாற்றங்கள் : 

உணவுக் கட்டுப்பாடு மிகவும் அவசியமானது. ஊட்டச்சத்து மிகுந்த உணவுகளை எடுத்துக் கொள்வதுடன் தினசரி உடற்பயிற்சி செய்வது அவசியம் ஆகும். குறிப்பாக, புகைப்பிடித்தல் அல்லது மது அருந்துதல் போன்ற பழக்கங்களை தவிர்க்க வேண்டும்.

 Click here to join whatsapp group for daily health tip

Read More

நக ஆரோக்கியம் குறித்து பரவும் 10 கட்டுக்கதைகளும் உண்மைக்ளும்...

 

வலுவான, ஆரோக்கியமான நகங்கள் உடலின் ஆரோக்கியத்தை வெளிப்படுத்துகின்றன் என்று கூறப்படுகிறது. நகங்கள் நம் உடலின் ஒரு சிறிய பகுதி என்பதை கருத்தில் கொண்டு அவற்றை பற்றி உலா வரும் கட்டுக்கதைகள் மற்றும் உண்மைகள் என்ன என்பது பற்றி பார்ப்போம்.

1. டயட்டில் ஜெலட்டின் (gelatin) சேர்ப்பது பலவீனமான நகங்களை வலுப்படுத்தும்

ஜெலட்டின் ஒரு புரதம் என்பதை நாம் அனைவரும் அறிவோம், மேலும் நகங்களும் கெரட்டின் (புரதம்) மூலம் உருவாக்குகின்றன. இந்நிலையில் ஜெலட்டின் நகங்களை வலுப்படுத்தும் என்பதை நிரூபிக்க எந்த அறிவியல் ஆராய்ச்சியும் இல்லை. எனவே நகங்களை வலுவாக்க உங்கள் தினசரி டயட்டில் புரதங்கள் உட்பட நல்ல ஊட்டச்சத்துக்களை சேர்க்கவும்.

2. நகங்களுக்கு மேல் பயன்படுத்தப்படும் ஃபேஷன் பாகங்களை அவ்வப்போது அகற்ற வேண்டும்

விரல் நகங்களுக்கு மேல் வைக்கப்படும் நீட்டிப்புகளான செயற்கை நகங்கள், போலி நகங்கள், அக்ரிலிக் நகங்கள், நக நீட்டிப்புகள் உள்ளிட்ட ஃபேஷன் பாகங்களை அவ்வப்போது அகற்ற வேண்டும் என்பதில்லை. ஆனால் இதற்கு சர்வதேச தரத்திலான நல்ல தரமான தயாரிப்புகளை பயன்படுத்தினால் நீங்கள் கவலைப்பட தேவை இல்லை. அதே போல நகத்தின் மேல் பயன்படுத்தப்படும் ஒரு சில ஃபேஷன் பாகங்களை அகற்ற அதிக நுட்பம் தேவைப்படும். எனவே நீங்கள் பயன்படுத்தும் தயாரிப்பு சிறப்பாக இருந்தால் உங்கள் நகங்கள் அழகாக அதே சமயம் பாதுகாப்பாக இருக்கும்.

3. கெமிக்கல்கள் கொண்ட நெயில் ப்ராடக்ட்களை தவிர்க்க வேண்டும்

நம்மை சுற்றி இருக்கும் எல்லாவற்றிலும் கெமிக்கல்கள் உள்ளன. பெரும்பாலான நக நுகர்பொருட்கள் பெட்ரோலியம் அடிப்படையில் தயாரிக்கப்படுகிறது. எனவே கெமிக்கல்கள் இல்லா நக தயாரிப்பு என்று எதுவும் இல்லை. மூன்று வாரங்களுக்கு உங்கள் நகங்களில் இருக்கும் ஆர்கானிக் ஆணி தயாரிப்பு எதுவும் இல்லை. மேலும் 3 வாரங்களுக்கு உங்கள் நகங்களில் இருக்கும்படியான ஆர்கானிக் நக தயாரிப்பு எதுவும் மார்க்கெட்டில் இல்லை.

4. நகத்தின் மேல் பயன்படுத்தப்படும் ஃபேஷன் பாகங்கள் இயற்கை நகத்தை நாசமாக்கும்

தற்போது நாம் நெயில் ஆர்ட் காலத்தில் இருக்கிறோம். தொழில்நுட்பம் மிகவும் மேம்பட்டது, தயாரிப்புகள் யூசர் ஃபிரெண்ட்லியாக உள்ளன. எனவே உங்களுக்கு தேவை ஒரு நல்ல நெயில் டெக்னீஷியன் தான். நன்றாக திறம்பட அப்ளை செய்யப்படும் என்ஹாஸ்மென்ட்ஸ் ( ஃபேஷன் பாகங்கள்) இயற்கையான நகங்களை சேதப்படுத்தாது. நீங்கள் வலி அல்லது அசௌகரியத்தை சந்தித்தால் நிச்சயமாக அனுபவம் இல்லாத நெயில் டெக்னீஷியன் அல்லது மலிவான ரசாயனங்களை பயன்படுத்துவது காரணமாக இருக்கலாம்.

5. நீண்ட நாள் இருக்க நெயில் பாலிஷை ஃபிரிட்ஜில் வைக்கலாமா.?

இப்போது பலரும் ஜெல் நெயில் பாலிஷ் பயன்படுத்தி வருகிறீர்கள். இருப்பினும் நீங்கள் சில நேரங்களில் தற்காலிக பாலிஷை பயன்படுத்தினால், ஆவியாவதை தவிர்க்க பயன்படுத்திய பிறகு நீங்கள் பாட்டிலை இறுக்கமாக மூட வேண்டும். நீங்கள் அதை ஃபிரிட்ஜில் வைத்தால் பயன்படுத்தும் முன் அதை அறை வெப்பநிலைக்கு கொண்டு வந்து விட்டு பயன்படுத்துங்கள். நெயில் பாலிஷின் ஆயுளை ஃபிரிட்ஜ் அதிகரிக்காது.

6. சிலரின் நகங்களில் பச்சை நிறத்தில் இருப்பது பூஞ்சையா?

சிலரின் நகங்களில் பச்சை நிறத்தில் இருப்பது மச்சமா அலல்து பூஞ்சையா என்ற கேள்வி பலருக்கும் உள்ளது. பூஞ்சையோ அல்லது மச்சமோ ஒரே இரவில் தோன்றாது. நகத்திக் காணப்படும் பச்சைப் புள்ளியை ஆய்வு செய்ய சோதனைகள் உள்ளன. தொற்றுநோய்க்கான சாத்தியக்கூறுகளை கல்ச்சர் டெஸ்ட் (culture test) மூலம் மட்டுமே நிரூபிக்க முடியும்.

7. நகங்களை ஐஸ் வாட்டரில் மூழ்க வைப்பது நெயில் பாலிஷை விரைவாக உலர்த்த உதவுமா?

டெம்ப்ரவரி பாலிஷை இன்னும் பயன்படுத்தும் சிலர் இருக்கிறார்கள். நெயில் பாலிஷ் விரைவாக உலர அத சால்வெண்ட்ஸ் ஆவியாக வேண்டும். எனவே நெயில் பாலிஷ் ஆவியாவதை விரைவுபடுத்த நீங்கள் ஃபேன் முன் கைகளை காட்டலாம். அல்லது ஐஸ் வாட்டரில் 3-5 நிமிடங்கள் நகங்களை மூழ்கும்படி வைக்கலாம்.

8. UV ஜெல் அக்ரிலிக்ஸை விட சிறந்தது..

அக்ரிலிக்ஸை விட UV ஜெல் மிகவும் சிறந்தது என்று யாராவது உங்களிடம் எவ்வளவு சொன்னாலும் அது உண்மையல்ல. இரண்டுமே ரசாயனங்கள் மற்றும் இயற்கையான நகத்துடன் பிணைக்க சில சிக்கலான செயல்முறைகளை உள்ளடக்கியது.

9. க்யூட்டிகல்ஸை கட் செய்யலாமா?

துரதிர்ஷ்டவசமாக பெரும்பாலான தொழில்நுட்ப வல்லுநர்களுக்கு ‘க்யூட்டிகல்’ மற்றும் ‘எபோனிச்சியம்’ இடையே உள்ள வித்தியாசம் தெரியாமல் இருக்கிறது. க்யூட்டிகல் என்பது நகத் தட்டில் உள்ள இறந்த தோல் மற்றும் எபோனிச்சியம் உயிருள்ள தோல். மேற்புறத்தை அதாவது க்யூட்டிகல் அகற்றுவது பரவாயில்லை, ஆனால் எபோனிசியத்தை வெட்டுவது தொற்றுகளுக்கு வழிவகுக்கும்.

10. நகத்தில் காணப்படும் வெள்ளை புள்ளிகள் வைட்டமின் குறைபாட்டை குறிக்கின்றன..

நகங்களில் உள்ள வெள்ளை புள்ளிகள் கால்சியம் குறைபாட்டின் அறிகுறி என்பது பொதுவான நக கட்டுக்கதைகளில் ஒன்று. பெரும்பாலும் மேகத்தின் வெள்ளை புள்ளிகள் நக காயத்தின் விளைவாகும். நகங்களை எடுப்பது, கடித்தல், நகக் கருவிகளை தவறாகப் பயன்படுத்துதல் அல்லது நகத்தில் ஏதேனும் காயம் ஏற்பட்டால் இந்த வெள்ளைப் புள்ளிகள் ஏற்படுகின்றன.

 Click here to join whatsapp group for daily health tip

Read More

உடலில் இந்த பிரச்சனை இருந்தால் நகத்தில்தான் முதலில் காட்டும்.. எச்சரிக்கும் ஊட்டச்சத்து நிபுணர்கள்...

 நமக்கு போதுமான ஊட்டச்சத்துகள் கிடைக்காத போது தான் நகங்கள் உடைந்து விரிசல் ஏற்படுகிறது என்கின்றனர் ஊட்டச்சத்து நிபுணர்கள். எனவே உடல் ஆரோக்கியத்தைப் போன்று நகங்களைப் பாதுகாக்க நாம் முயல வேண்டும் என அறிவுறுத்துகின்றனர்.

நம்முடைய உடலில் முகம், சருமம், தோல், முடி போன்றவற்றைப் பாதுகாப்பாக வைத்துக்கொள்ள கவனம் செலுத்தும் அதே வேளையில் நகங்களைப் பெரும்பாலும் நாம் கவனிப்பதில்லை. ஆனால் நம்முடைய உடல் ஆரோக்கியத்திற்கும் நகங்களும் தொடர்புள்ளது என்கின்றனர் ஊட்டச்சத்து நிபுணர்கள். பொதுவாக குழந்தைகள் முதல் பெரியவர்கள் வரை சோர்வாக தென்பட்டால் உடலில் இரத்தம் போதுமானதாக உள்ளதா? இரத்த சோகை போன்ற பிரச்சனை உள்ளதா? என கண்டறிய நகங்களைத் தான் முதலில் மருத்துவர்கள் பார்க்கும் வழக்கம் உள்ளது. இளம் சிவப்பு நிறத்தில் இல்லாமல் மற்ற நிறங்களில் இருந்தால் உடலில் தேவையற்ற பிரச்சனைகள் ஆரம்பமாகிறது என்பதைக் கண்டறிய நகங்கள் உதவுகிறது.

மேலும் சமீப காலங்களாக பெண்கள் பலர் தங்களுடைய நகங்கள் எளிதில் உடைந்துவிடுவதாக பல புகார்கள் எழுந்துள்ளதாகவும் இதற்கு காரணம் என்ன காரணம்? என பல கேள்விகளை முன்வைப்பதாக கூறுகிறார் ஊட்டச்சத்து நிபுணர் அஞ்சலி முகர்ஜி. இதுக்குறித்து பதிலளிக்கும் அவர், உடலுக்கு தேவையான போதுமான ஊட்டச்சத்துக்கள் வழங்கப்படவில்லை என்றால் தான் நகங்கள் உடையக்கூடியதாகவும், மந்தமாக மாறுவதாகத் தெரிவிக்கிறார்.

நகங்களுக்கு ஆரோக்கியமான ஊட்டச்சத்துகள் தேவை. இல்லையென்றால் பெரும் பிரச்சனைகளை நாம் சந்திக்க நேரிடும்.. ஆனால் நம்முடைய நகங்களை எப்படி ஆரோக்கியமாக இருக்கிறது? எனக்கண்டறிவது பலருக்கு பெரும் சவாலாக இருக்கும். எனவே இந்நேரத்தில் ஆரோக்கியமான நகங்கள் எப்படி இருக்கும்? என்பது பற்றி ஊட்டச்சத்து நிபுணர் தெரிவிக்கும் தகவல்களை அறிந்துக்கொள்வோம்.

ஆரோக்கியமான நகங்களைக் கண்டறியும் முறை:

நகரங்கள் வழக்கமான இளஞ்சிவப்பு நிறத்தில் இருந்தால் ஆரோக்கியமாக உள்ளது என அர்த்தம்.

நடுவில் சற்று உயர்ந்து, பின் நுனியில் சற்று கீழை வளைந்திருக்கும். நாம் நெயில் கட்டரைப்பயன்படுத்தினால் தான் நம்முடைய நகங்களை வெட்ட முடியும்.

நகங்கள் ஆரோக்கியமில்லாமல் இருந்தால் ஏற்படும் பிரச்சனைகள்:

நம்முடைய விரல்களுக்கு பாதுகாப்பாக நகங்கள் உள்ளன. ஆனால் சில நேரங்களில் ஊட்டச்சத்து குறைபாட்டினால் அவற்றின் நிறம், அமைப்பு போன்றவை மாறுவது உடலில் பிரச்சனைகள் ஆரம்பமாவதைக் குறிக்கிறது.

தைராய்டு பிரச்சனைகளுக்கும் நகங்களுக்கும் தொடர்புள்ளது. கால்சியம் மற்றும் புரதம் இல்லாத போது நகங்கள் வலிலை இழந்து எளிதில் உடைந்து விடுகிறது என்கிறார் ஊட்டச்சத்து நிபுணர் முகர்ஜி.

நகங்களைப் பாதுகாக்கும் முறை:

நம்முடைய நகங்கள் உடையாமல் இருப்பதற்கு வெந்தயம், கேப்பை, மீன் மற்றும் இலைக்காய்கறிகள் போன்ற இரும்புச் சத்து நிறைந்த உணவுகளை நாம் உட்கொள்ள வேண்டும். முட்டைகளையும் உணவில் சேர்த்துக்கொள்ளலாம்.

உங்களுடைய நகங்களுக்கு உடையக்கூடிய தன்மை அதிகமாக இருக்கும் பட்சத்தில், கைகளை அதிக நேரம் ஈரமாக வைத்திருப்பதைத் தவிர்ப்பதற்கு முயற்சிக்க வேண்டும். தினமும் பால், காய்கறிகள் மற்றும்ம் கால்சியம் நிறைந்த உணவுகளை நீங்கள் உட்கொள்ள வேண்டும்.

பொதுவாக நகம் என்பது விரலுக்கு ஒரு கவசம் போன்றது. நகத்தின் மிகப்பெரிய வேலையே விரலின் முனைகளைப் பாதுகாப்பதுதான். இந்த அமைப்புகள் கை மற்றும் கால்விரல் நகங்களுக்குப் பொதுவானதாக உள்ளது. எனவே நம்முடைய நகங்களை எப்போதும் பாதுகாப்பாகவும், அதிக ஊட்டச்சத்துள்ள உணவுகளை உட்கொண்டு ஆரோக்கியமாகவும் வைத்திருக்க வேண்டும் என அறிவுறுத்துகின்றனர் ஊட்டச்சத்து நிபுணர்கள்.

 Click here to join whatsapp group for daily health tip

Read More

செரிமான பிரச்சனை ஏற்படுத்தும் உணவுகள்! உணவுப் பட்டியலில் இருந்து நீக்குங்கள்

 நாம் உணவில் தவறுகள் செய்யும் போது, ​​செரிமான மண்டலம் அதை ஜீரணிக்க கடினமாக உள்ளது. அதனால் மலச்சிக்கல், வயிற்றுப்போக்கு போன்ற செரிமான அமைப்பு தொடர்பான பிரச்சினைகள் உருவாகும்.

எனவே, உங்கள் உணவில், ஆரோக்கியமான உணவுகளை மட்டுமே உட்கொள்ள வேண்டும். உங்கள் செரிமானத்தை மேம்படுத்தும் உணவுகளை மட்டுமே எடுத்துக் கொள்ள வேண்டும். உங்கள் செரிமானத்தை பாதிக்கக்கூடிய உணவுகளை கண்டறிந்து நீக்குவது நல்லது.

செரிமானத்தை மோசமாக பாதிக்கும் உணவுகள்

வறுத்த உணவுகள்

உங்கள் செரிமான அமைப்பை நீங்கள் கவனித்துக் கொள்ள விரும்பினால், வறுத்த உணவுகளை உணவில் இருந்து விலக்கி வைக்க வேண்டும். அவை உங்கள் உடல் பருமனை அதிகரிப்பது மட்டுமல்லாமல் வயிற்றுப்போக்கு போன்ற பிரச்சனைகளையும் உண்டாக்கும். வறுத்த உணவுகளை தயாரிக்கும் போது, ​​அதே எண்ணெயை மீண்டும் மீண்டும் பயன்படுத்துவதால், உங்கள் செரிமான அமைப்பில் சிக்கல்கள் ஏற்படலாம்.

பதப்படுத்தப்பட்ட உணவுகள்

பதப்படுத்தப்பட்ட உணவுகள் செரிமான அமைப்புக்கு தீங்கு விளைவிப்பது மட்டுமல்லாமல், உங்கள் முழு உடலிலும் மோசமான விளைவை ஏற்படுத்துகின்றன. நார்ச்சத்து உள்ளிட்ட பிற ஊட்டச்சத்துக்களும் அவற்றில் இல்லை. அதே சமயம், உடல் பருமன், நீரிழிவு போன்ற பிரச்சனைகளும் பதப்படுத்தப்பட்ட உணவை உட்கொள்வதால் உங்களை தொந்தரவு செய்யலாம்.

காரமான உணவு

பெரும்பாலான மக்கள் காரமான உணவை விரும்புகிறார்கள். மறுபுறம், காரமான உணவுகளில் பல்வேறு வகையான மசாலாப் பொருட்கள் பயன்படுத்தப்படுகின்றன, இது உங்கள் வயிற்றுக்கு தீங்கு விளைவிக்கும். மறுபுறம், காரமான உணவுகளை அதிகமாக உட்கொள்வது வாயு, வயிற்றில் வீக்கம் போன்ற பிரச்சனைகளை ஏற்படுத்தும். இது உங்கள் செரிமானத்தில் மோசமான விளைவை ஏற்படுத்துகிறது. எனவே உணவை அதிக காரமாக மாற்றுவதை தவிர்க்கவும்.

செயற்கை இனிப்பு

செயற்கை இனிப்புகள் குறிப்பாக செரிமான அமைப்பில் மோசமான விளைவை ஏற்படுத்துகின்றன. இது உங்கள் வயிற்றில் எரியும் உணர்வை ஏற்படுத்தும். அதுமட்டுமின்றி, இதனை உட்கொள்வதன் மூலமும் உடல் பருமனுக்கு பலியாகலாம், எனவே செயற்கை இனிப்புகளை உணவில் சேர்க்க வேண்டாம்.

 Click here to join whatsapp group for daily health tip

Read More

முகக்கவசத்தால் சுவாசப் பிரச்னைகள் ஏற்படுமா? ~ மருத்துவர் தரும் விளக்கம்

 தமிழகத்தில் மீண்டும் கொரோனா பரவல் அதிகரிக்கத் தொடங்கியதை அடுத்து பொது இடங்களில் கட்டாயம் முகக்கவசம் அணிய வேண்டும் என்றும், அணியாதவர்களுக்கு ரூ.500 அபராதம் விதிக்கப்படும் என்றும் அரசாணை பிறப்பிக்கப்பட்டது.

இந்த அரசாணையை எதிர்த்து சென்னை உயர்நீதிமன்றத்தில் வழக்கறிஞர் ராமமூர்த்தி தாக்கல் செய்த பொதுநல வழக்கில் "முகக்கவசம் அணிவதால் கொரோனாவை கட்டுப்படுத்த முடியாது. மாறாக முகக்கவசம் சுவாச பிரச்னைகளை ஏற்படுத்தும்" என்றும் தெரிவித்திருந்தார். முகக்கவசம் அணியாதவர்களுக்கான அபராதமும் தவறு என்று குறிப்பிட்ட அவர், இந்த அரசாணையை ரத்து செய்யக் கூறியிருந்தார்.

இந்த வழக்கை விசாரித்த நீதிபதிகள் உரிய ஆவணங்கள் ஏதும் இல்லாமல் வழக்கை தாக்கல் செய்துள்ளதாகக் கூறி மனுதாரருக்கு ரூ.10,000 அபராதம் விதித்து மனுவை தள்ளுபடி செய்துள்ளனர்.

முகக்கவசம் சுவாசப் பிரச்னைகளை ஏற்படுத்துமா என சென்னையைச் சேர்ந்த நுரையீரல் மற்றும் சுவாசநோய் மருத்துவர் சிந்துராவிடம் கேட்டோம்...

"முகக்கவசம் அணிவதால் சுவாசப் பிரச்னை ஏற்படாது. மாறாக சுவாசப் பிரச்னைகள் உள்ளவர்களுக்கு முகக்கவசம் அணிவது பெரும் பாதுகாப்பானது. N 95 முகக்கவசம் மிகவும் பாதுகாப்பானது. 95 சதவிகிதம் காற்றை வடிகட்டி அனுப்புவதால்தான் அது N 95 என்று சொல்லப்படுகிறது. சர்ஜிக்கல் முகக்கவசத்திலேயே 3 அடுக்குகள், 1 அடுக்கு என இருவகை உள்ளது. அதுவும் சரி, துணியால் ஆன முகக்கவசமும் சரி, இரண்டும் காற்றை வடிகட்டாது. நேராகப் பேசுகையில் எச்சில் தெறிப்பு மூலம் கிருமிகள் பரவாமல் தடுக்கும்.

நுரையீரல் பிரச்னை உள்ளவர்களுக்கு, ILD (Interstitial lung disease), COPD (Chronic obstructive pulmonary disease) போன்ற நுரையீரல் தொடர்பான பிரச்னைகள் உள்ளவர்களுக்கு சுவாசிப்பதில் சிரமம் இருக்கும். புகைப்பழக்கம், காற்று மாசு உள்ளிட்ட பல்வேறு காரணங்களால் இப்பிரச்னைக்கு ஆளாக நேரிடுகிறது. அவர்கள் முகக்கவசம் அணியும்போது ஆக்ஸிஜன் வரத்து குறைவதைப் போன்று உணர்ந்து சிரமத்துக்கு ஆளாவார்கள்.

நுரையீரல் பிரச்னை உடையவர்களுக்குதான் கொரோனாவின் தாக்கம் தீவிரமாக இருக்கும் என்பதால் அவர்கள் முகக்கவசம் அணிந்தே தீர வேண்டும். வீட்டுக்குள் போட வேண்டிய தேவை இல்லை. பொது இடங்களுக்குச் செல்லும்போது மட்டும் அணிந்து கொள்ளலாம். வீட்டில் யாருக்கேனும் கொரோனா அறிகுறிகள் இருந்தாலும் முகக்கவசம் அணிய வேண்டும். முகக்கவசம் அணிந்து சுவாசிக்க மூச்சடைப்பது போல் இருக்கும். அதில் ஒன்றும் பிரச்னை இல்லை. ஓட்டம், உடற்பயிற்சி மேற்கொள்ளும்போது உடலுக்கு அதிக அளவிலான ஆக்ஸிஜன் தேவைப்படும் என்பதால் அப்போது முகக்கவசம் அணியக்கூடாது" என்றவர் கொரோனா மட்டுமன்றி காற்று மாசிலிருந்து காத்துக் கொள்ளவும் முகக்கவசம் அணிந்து கொள்ளலாம் என்கிறார்.

"முகக்கவசம் அணிவதன் மூலம் நோய்த்தொற்று பரவாமல் தடுக்க முடியும் என்பதைத் தாண்டியும் பல பயன்கள் இருக்கின்றன. தூசி ஒவ்வாமை இருக்கிறவர்கள் முகக்கவசம் அணிந்து கொள்வது நல்லது, இன்றைக்கு வாகனப் புகை மற்றும் தொழிற்சாலைக் கழிவுகளால் காற்று அதிகளவில் மாசுபட்டிருக்கிறது. மாசுபாடான காற்றை நேரடியாக சுவாசிப்பதால் வரும் விளைவுகளைத் தடுக்கவும் முகக்கவசம் அணியலாம். மார்பிள் கட்டிங், மர வேலைகள் செய்கிறவர்களும், நுண் பொருள்கள் சுவாசம் வழியே உட்புக வாய்ப்பிருக்கும் சூழலில் பணிபுரிகிற அனைவரும் முகக்கவசம் அணிய வேண்டும். மாசுக்கட்டுப்பாட்டு வாரியத்தின் விதிமுறைகளில் இவை குறிப்பிடப்பட்டிருந்தாலும் நிறைய இடங்களில் இதனைப் பின்பற்றுவதில்லை. அதனை அரசு கண்காணிக்க வேண்டும். மருத்துவர்கள் மற்றும் மருத்துவமனை ஊழியர்கள் கட்டாயம் N 95 கவசம் அணிய வேண்டும்" என்றவரிடம் ஒரு முறைக்கு மேல் முகக்கவசத்தைப் பயன்படுத்துவது நல்லதா என்று கேட்டதற்கு...

"முகக்கவசம் ஒரு முறை பயன்படுத்துவதற்குத்தான். N 95 முகக்கவசம் இப்போது விலை குறைந்து 25 ரூபாய்க்குக் கிடைக்கிறது. உடல் நலத்துக்காக நாளொன்றுக்கு 25 ரூபாய் செலவிடுவதற்கு ஏன் யோசிக்க வேண்டும். துணியாலான முக்ககவசத்தைத் துவைத்துப் பயன்படுத்தலாம். சர்ஜிக்கல் மாஸ்கை ஒரு நாள் மட்டும்தான் பயன்படுத்த வேண்டும். N 95 முகக்கவசத்தை துவைக்க முடியாது என்பதால் கொஞ்ச நேரம் வெயிலில் வைத்து நான்கு நாள்கள் வரை பயன்படுத்தலாம். எதுவாகினும் முகக்கவசம் மிகவும் நல்லது. பெருந்தொற்று அல்லாத நாள்களிலும் சூழலுக்கேற்ப பயன்படுத்தினால் நுரையீரல் தொடர்பான பிரச்னைகளிலிருந்து நம்மைக் காத்துக் கொள்ளலாம்." என்கிறார் சிந்துரா.

 Click here to join whatsapp group for daily health tip

Read More

ஆர்த்ரைடிஸ் நோயாளிகளின் அவதியை குறைக்கும் அற்புத சமையல் எண்ணெய்.!

 மூட்டழற்சி (Arthritis - ஆர்த்ரைடிஸ்) என்பது மூட்டு பகுதிகளில் வீக்கம் ஏற்படும் ஒரு நிலை ஆகும். ஆர்த்ரைடிஸ் நிலை மூட்டுப் பகுதிகளை சுற்றி தீவிர வலி மற்றும் வீக்கம் ஏற்படுவதை குறிக்கிறது. இந்த ஆர்த்ரைடிஸ் கண்டிஷன் என்பதை முற்றிலும் குணப்படுத்துவது என்பது கிட்டத்தட்ட சாத்தியமற்றது.

ஏனென்றால் பெரும்பாலும் இந்த நிலை வயது மூப்புடன் தொடர்புடையது. வயது காரணிகளில் ஏற்பட கூடியது என்றாலும் மூட்டுகளுக்கு ஏற்படுகின்ற பெரிய அதிர்ச்சி அதாவது மோசமான காயங்கள், நோய் தொற்று, அதிக எடை, உடற்பயிற்சியின்மை உள்ளிட்டவையும் ஆர்த்ரைடிஸ் கண்டிஷன் ஏற்பட காரணங்களாக அமைகின்றன. எனவே ஆர்த்ரைடிஸ் நிலையை நிர்வகிப்பது ஒன்றே நோயாளிகளுக்கு நிவாரணம் தர கூடிய வழி. இந்த நிலையால் பாதிக்கப்படுவோருக்கு வலி மற்றும் வீக்கத்தை குறைக்க உதவும் பல உணவுகள், மருந்துகள் உள்ளன.

இதில் சமையலுக்கு பயன்படுத்தப்படும் ஒரு எண்ணெய்யும் உள்ளது. அந்த சமையல் எண்ணெய் மூட்டு பகுதிகளை சுற்றியுள்ள வலி மற்றும் வீக்கத்தை குறைக்க உதவுகிறது.

ஆர்த்ரைடிஸ் கண்டிஷனை நிர்வகிக்க உதவும் அந்த அதிசய ஆயிலின் பெயர் ஆலிவ் எண்ணெய். ஆலிவ் எண்ணெய்யில் மொத்தம் 3 முக்கிய வகைகள் உள்ளன. ரீஃபைன்ட் ஆயில், வெர்ஜின் ஆலிவ் ஆயில் மற்றும் எக்ஸ்ட்ரா வெர்ஜின் ஆலிவ் ஆயில். இதில் குறிப்பாக எக்ஸ்ட்ரா வெர்ஜின் ஆலிவ் எண்ணெய் ஆர்த்ரைடிஸ் பாதிப்புக்கு ஏற்றதாகும். சாதரண ஆலிவ் எண்ணெய்க்கும் இதற்கும் உள்ள வித்தியாசம் என்னவென்றால் சால்வென்ட்ஸ் அல்லது சுத்திகரிப்பு முறைகளை பயன்படுத்தாமல் கோல்ட் மெக்கானிக்கல் எக்ஸ்ட்ராக்ஷன் மூலம் பிரித்தெடுக்கப்பட்ட வெர்ஜின் ஆலிவ் எண்ணெயின் மிக உயர்ந்த தர எண்ணெய் தான் இது. சுருக்கமாக சொன்னால் இது ஆலிவ் எண்ணெயின் குறைந்த பதப்படுத்தப்பட்ட வெர்ஷன் ஆகும். மேற்கண்ட 3 வகைகளில் எக்ஸ்ட்ரா வெர்ஜின் ஆலிவ் எண்ணெய் மிகவும் ஆரோக்கியமாதாக கருதப்படுகிறது.

அழற்சி எதிர்ப்பு பண்புகள்..

எக்ஸ்ட்ரா வெர்ஜின் ஆலிவ் ஆயிலில் அழற்சி எதிர்ப்பு பண்புகள் அடங்கி உள்ளன. தவிர இதில் ஆன்டி ஆக்ஸிடன்ட்கள் நிறைந்துள்ளன.இதில் காணப்படும் முக்கிய ஆன்டி ஆக்ஸிடன்ட்களில் ஒன்று oleocanthal ஆகும். ஆய்வின் படி, கூட்டு-சிதைவு நோய், நரம்பியல் சிதைவு நோய் மற்றும் குறிப்பிட்ட புற்றுநோய்கள் உட்பட அழற்சி தொடர்பான நோயை குறைப்பதில் oleocanthal பயனுள்ளதாக கண்டறியப்பட்டுள்ளது.

ஆய்வுகள் என்ன சொல்கின்றன?

ஈரானில் மேற்கொள்ளப்பட்ட சீரற்ற மருத்துவ பரிசோதனையை அடிப்படையாக கொண்ட ஆராய்ச்சி ஒன்று ஆய்வில், எக்ஸ்ட்ரா வெர்ஜின் ஆலிவ் ஆயிலை ஆர்த்ரைடிஸ் நிலை இருக்கும் பகுதியில் பயன்படுத்தும் போது முடக்கு வாதத்தின் வெளிப்பாடுகளை கட்டுப்படுத்துவது கண்டறியப்பட்டது. மற்றொரு ஆய்வு, ஆலிவ் ஆயிலில் உள்ள ஆன்டிஆக்ஸிடன்ட்கள், அழற்சி எதிர்ப்பு வலி நிவாரணியான இப்யூபுரூஃபன் மருந்தைப் போலவே செயல்படுவதாகக் கூறுகிறது.

அதிகம் கூடாது..

எக்ஸ்ட்ரா வெர்ஜின் ஆலிவ் ஆயில் நமக்கு நல்லது என்றாலும், அதை அதிகமாக பயன்படுத்தினால் பிரச்சனைகள் ஏற்படலாம். ஒரு நாளைக்கு 1-4 டேபிள்ஸ்பூன் வரை ஆலிவ் ஆயில் டயட்டில் சேர்த்து கொள்வது நல்லது. ஒருவர் உட்கொள்ளும் எண்ணெயின் அளவு உணவின் வகை மற்றும் உணவின் தன்மையைப் பொறுத்து மாறும் என்றாலும், அளவோடு எண்ணெய்யை எடுக்கவே நிபுணர்கள் பரிந்துரைக்கிறார்கள்.

ஏற்ற நேரம்?

நிபுணர்களின் கூற்றுப்படிஎக்ஸ்ட்ரா வெர்ஜின் ஆலிவ் எண்ணெயை ஒரு குறிப்பிட்ட நேரத்தில் உட்கொள்ளும் போது அதிசயங்களை செய்யும். அழற்சி எதிர்ப்பு நன்மைகளை பெற ஒரு நாளின் காலை நேரத்தில் முதலில் இதை எடுத்து கொள்ள பரிந்துரைக்கப்படுகிறது. காலையில் ஆலிவ் எண்ணெயை எடுத்து கொள்வது சருமத்தை மேம்படுத்த, கூடுதல் எடையை இழக்க, பெருங்குடல் புற்றுநோயை தடுக்க என பல வகைகளில் உதவுகிறது.

ஆர்த்ரைடிஸ் நோயாளிகள் தங்கள் எடையை கட்டுக்குள் வைத்திருக்க முயற்சிக்க வேண்டும். புகைப்பிடித்தல் போன்ற ஆரோக்கியமற்ற பழக்கங்களை கைவிட வேண்டும். நல்ல தோரணை மற்றும் மூட்டுகளை நகர்த்துவது அவசியம். அதிக தாக்கத்தை ஏற்படுத்தும் உடற்பயிற்சிகளை தவிர்க்க வேண்டும். ஓவர்-தி-கவுன்டர் வலி நிவாரணிகளை சார்ந்திருப்பதை குறைக்க வேண்டும்.

Read More

இந்த உணவுகளை தெரியாம கூட இரவு 7 மணிக்கு மேல சாப்பிட்ராதீங்க... இல்லனா ஆபத்து உங்களுக்குத்தான்...!

 இரவு உணவு என்பது அன்றைய மிக முக்கியமான உணவுகளில் ஒன்றாகும், குறிப்பாக இந்தியர்களுக்கு மிகவும் பிடித்தது இரவு உணவுதான். சிக்கன் கறி முதல் மட்டன் பிரியாணி வரை மற்றும் காரமான உணவுகள், இந்திய உணவுகள் அனைத்தும் சுவையான உணவைப் பற்றியது. இருப்பினும், நிபுணர்களின் கூற்றுப்படி, இரவில் தாமதமாக உணவை சாப்பிடுவது ஆரோக்கியத்திற்கு ஆபத்தை விளைவிக்கும்.

இரவு உணவை தாமதமாக சாப்பிட்டால், அதாவது இரவு 7 மணிக்கு பிறகு சாப்பிடும்போது, செரிமான பிரச்சனைகள், வயிற்றில் எரிச்சல், உயர் இரத்த அழுத்தம் போன்றவற்றை உண்டாக்கும். ஆயுர்வேதத்தின் படி, இரவு உணவை சீக்கிரமாக சாப்பிட்டால் நல்ல தூக்கம் கிடைக்கும், இது ஆரோக்கியத்தை மேம்படுத்த உதவுகிறது. இரவு 7 மணிக்குப் பிறகு யாராவது பசி எடுத்தால், இட்லி போன்ற சில லேசான உணவுகளை உட்கொள்ளலாம் அல்லது இரண்டு பேரீச்சம்பழங்கள் அல்லது சில பாதாம் பருப்புகளுடன் ஒரு கிளாஸ் பால் சாப்பிடலாம். ஆனால், இரவு 7 மணிக்கு மேல் சில உணவுகளை உட்கொள்ளக் கூடாது. அவை என்னென்ன என்று இந்த பதிவில் பார்க்கலாம்.

மட்டன் பிரியாணி 

பிரியாணி என்பது ஒருவர் எப்போதும் சாப்பிடக்கூடிய மிக அற்புதமான உணவு என்று அறியப்படுகிறது, ஆனால் இந்த மட்டன் பிரியாணி கலோரிகள் மற்றும் கொழுப்பு உள்ளடக்கம் நிறைந்த உணவு என்பது உங்களுக்குத் தெரியுமா? பிரியாணி சாப்பிடும் போது, கலோரிகள் மற்றும் கொழுப்பு உள்ளடக்கம் பற்றி யாரும் அதிகம் கவலைப்படுவதில்லை, மேலும் நாம் அளவை மீறுகிறோம். மட்டன் பிரியாணி போன்ற அதிக கொழுப்பு மற்றும் கலோரிகள் நிறைந்த உணவை உட்கொள்வது, இந்தியாவில் அதிகரித்து வரும் நோய்களில் ஒன்றாக மாறிவரும் ஆல்கஹால் அல்லாத கொழுப்பு கல்லீரல் நோயை (NAFLD) ஊக்குவிக்கும் என்று நிபுணர்கள் ஒப்புக்கொள்கிறார்கள். மட்டன் பிரியாணியின் ஒரு சிறிய அளவு 500-700 கலோரிகளுக்குச் சமம் மற்றும் அறியாமலேயே உங்கள் கலோரி உட்கொள்ளலில் அதிகமான உயர்வைக் கொடுக்கும்.

காரமான உணவுகள் 

இந்தியா மசாலாப் பொருட்களின் பிறப்பிடமாக உள்ளது, இதனால் பெரும்பாலான உணவுகள் அவற்றைக் கொண்டு தயாரிக்கப்படுகின்றன, அவற்றை யார்தான் விரும்ப மாட்டார்கள்? இந்தியாவில் பல காரமான உணவுகளை நாம் காணலாம், நம்பினாலும் நம்பாவிட்டாலும், நாம் அனைவரும் இரவு உணவில் இதுபோன்ற உணவுகளைத்தான் விரும்புகிறோம். ஆனால், இரவில் இதுபோன்ற காரமான உணவுகளை உட்கொள்வது கடுமையான நெஞ்செரிச்சலை ஏற்படுத்தும் என்பது உங்களுக்குத் தெரியுமா? அதுமட்டுமின்றி, இத்தகைய உணவுகள் நிறைய எண்ணெய் மற்றும் நெய்யில் தயாரிக்கப்படுகின்றன, இது இதயம் தொடர்பான பிரச்சனைகளை மேலும் ஏற்படுத்தும். மேலும், மசாலாப் பொருட்கள் வளர்சிதை மாற்ற ஊக்கியாக செயல்படுவதால், இத்தகைய உணவுகள் உடலுக்கு குழப்பத்தை ஏற்படுத்துகின்றன.

இனிப்புகள் 

இரவு 7 மணிக்குப் பிறகு இனிப்புகளை உட்கொள்வது முற்றிலுமாக தவிர்க்கப்பட வேண்டும், ஏனெனில் அது உங்கள் உடல் உறக்கத்தைத் தடுக்கும். இந்திய கலாசாரத்தில், ருசியான உணவுக்குப் பிறகு இனிப்பு சாப்பிடுவது சிறந்த நடைமுறையாகக் கருதப்படுகிறது, ஆனால் அவ்வாறு செய்வது உடலின் தூக்க முறையை சீர்குலைத்து, அதிக உணவுக்காக நீங்கள் ஏங்க வைக்கும். மேலும், இரவு உணவிற்குப் பிறகு இனிப்புகளை உட்கொள்வது உணவை ஜீரணிக்க உதவும் என்று பலர் நம்புகிறார்கள். மாறாக, அவை இரவு முழுவதும் உங்களை எழுப்பக்கூடிய ஒரு தூண்டுதலாக செயல்படுகின்றன.

பக்கோடா 

இந்த சுவையான சிற்றுண்டியை இரவு 7 மணிக்குப் பிறகு உட்கொள்வது வயிற்றில் எரிச்சலை உண்டாக்கும் மற்றும் உங்கள் தூக்கப் பழக்கத்தை சீர்குலைக்கும் என்பது உங்களுக்குத் தெரியுமா? ஏனென்றால், பக்கோடாஆழமாக வறுக்கப்பட்டவை என்பதால் இயற்கையில் அதிக அமிலத்தன்மை கொண்டவை. இரவில் அதிக அமிலத்தன்மை கொண்ட உணவுகளை உண்ணும்போது, ஜீரணிக்க எளிதானது அல்ல, இது உங்கள் தூக்கத்தில் மேலும் சிக்கல்களை ஏற்படுத்தும்.

காஃபைன் பானங்கள் 

காஃபின் ஒரு நல்ல தூண்டுதலாகும், இது ஒரு நல்ல இரவு தூக்கத்திற்குப் பிறகு நீங்கள் எழுந்திருக்க உதவுகிறது என்பது நாம் அனைவரும் அறிந்ததே. ஆனால், டீ, காபி அல்லது க்ரீன் டீ போன்ற காஃபினேட்டட் பானங்களை நீங்கள் உட்கொள்ளும்போது, அது இரவில் ஒருவர் எடுக்கும் ஆழ்ந்த உறக்கத்தை பாதிக்கிறது மற்றும் இது உங்கள் ஒட்டுமொத்த ஆரோக்கியத்திற்கு இடையூறு விளைவிக்கும். மாலை 6 மணிக்குப் பிறகு இதுபோன்ற பானங்களைத் தவிர்க்க வேண்டும், அதற்குப் பதிலாக ஜூஸ் அல்லது ஒரு சிறிய சாக்லேட் போன்றவற்றை எடுத்துக் கொள்ளலாம்.

Read More