DRDO JRF வேலைவாய்ப்பு 2023 – சம்பளம்: ரூ.67000/- || தேர்வு கிடையாது!

 

DRDO JRF வேலைவாய்ப்பு 2023 – சம்பளம்: ரூ.67000/- || தேர்வு கிடையாது!

DRDO நிறுவனத்தில் இருந்து Fellowships (JRF) பணியிடங்களை நிரப்ப புதிய வேலைவாய்ப்பு அறிவிப்பு தற்போது வெளியாகி உள்ளது. இந்த மத்திய அரசு பணிக்கு என பல்வேறு பணியிடங்கள் காலியாக உள்ளன. எனவே ஆர்வமுள்ளவர்கள் கல்வி தகுதி, வயது வரம்பு, தேர்வு செயல் முறை என அனைத்து விவரங்களையும் அறிந்து உடனே விண்ணப்பிக்குமாறு கேட்டுக்கொள்ளப்படுகிறது.

DRDO காலிப்பணியிடங்கள்:

Fellowships (JRF) பதவிக்கு என 18 பணியிடங்கள் காலியாக உள்ளன.

DRDO வயது வரம்பு:

நேர்காணல் தேதியின்படி விண்ணப்பதாரர்கள் வயதானது அதிகபட்சம் 28 வயது நிரம்பியவராக இருக்க வேண்டும். எஸ்சி/எஸ்டிக்கு ஐந்து ஆண்டுகள் மற்றும் ஓபிசி வேட்பாளர்களுக்கு மூன்று ஆண்டுகள் என வயது வரம்பில் தளர்வு அளிக்கப்பட்டுள்ளது.

கல்வி தகுதி:

அரசால் அங்கீகரிக்கப்பட்ட கல்வி நிறுவனங்களில் இருந்து Graduate degree in a professional course (BE/ B. Tech) தேர்ச்சி பெற்றிருக்க வேண்டும்.

சம்பள விவரம்:

JRF – ரூ.31,000/-

தேர்வு செயல் முறை:

விண்ணப்பதாரர்கள் நேர்காணல் மூலம் தேர்வு செய்யப்பட உள்ளனர். நேர்காணல் ஆனது 06.02.2023, 08.02.2023 மற்றும் 10.02.2023 வரை நடைபெற உள்ளது.

விண்ணப்பிக்கும் முறை:

பரிந்துரைக்கப்பட்ட படிவத்தில் முறையாகப் பூர்த்தி செய்யப்பட்ட விண்ணப்பங்களுடன் நேர்காணலில் கலந்து கொள்ளுமாறு கேட்டுக்கொள்ளப்படுகிறது.

Download Notification 2023 Pdf

Click here to join WhatsApp group for Daily employment news

Read More

FCI இந்திய உணவுக் கழகத்தில் வேலை – டிகிரி படித்தவர்களுக்கான சூப்பர் வாய்ப்பு!

 

FCI இந்திய உணவுக் கழகத்தில் வேலை – டிகிரி படித்தவர்களுக்கான சூப்பர் வாய்ப்பு!

இந்திய உணவுக் கழகத்தில் காலியாக உள்ள Assistant Grade III (General) பணியிடங்களை நிரப்ப டிகிரி படித்தவர்களிடம் இருந்து விண்ணப்பங்கள் வரவேற்கப்படுகின்றன. எனவே ஆர்வம் உள்ளவர்கள் இப்பணிக்கு ஆர்வமுள்ளவர்கள் 07.02.2023 க்குள் விண்ணப்பிக்குமாறு கேட்டுக்கொள்ளப்படுகிறது.

FCI காலிப்பணியிடங்கள்:

Assistant Grade III (General) பதவிக்கு என 2 பணியிடங்கள் காலியாக உள்ளன.

Assistant Grade III (General) வயது வரம்பு:

01.08.2022 தேதியின் படி, விண்ணப்பிக்க விரும்பும் ஆர்வமுள்ளவர்கள் வயதானது குறைந்தபட்சம் 18 முதல் அதிகபட்சம் 27 க்குள் இருக்க வேண்டும். மேலும் வயது தளர்வு பற்றிய விவரங்களுக்கு அதிகாரப்பூர்வ அறிவிப்பை அணுகவும்.

கல்வித்தகுதி:

அங்கீகரிக்கப்பட்ட பல்கலைக்கழகத்தில் இருந்து பட்டம் பெற்றவர்கள் இப்பணிக்கு விண்ணப்பிக்கலாம்.

விண்ணப்பிக்கும் முறை:

ஆர்வமுள்ள விண்ணப்பதாரர்கள் தங்களின் கல்வித் தகுதிச் சான்றிதழ்கள், ஓய்வூதிய ஆணைகள் மற்றும் பிற தொடர்புடைய ஆவணங்கள் போன்றவற்றுடன் அறிவிப்பில் வழங்கப்பட்டுள்ள விண்ணப்ப படிவத்தை பூர்த்தி செய்து 07.02.2023க்குள் விண்ணப்பிக்குமாறு கேட்டுக்கொள்ளப்படுகிறது.

Download Notification 2023 Pdf

Click here to join WhatsApp group for Daily employment news

Read More

NHAI நெடுஞ்சாலை ஆணையத்தில் தேர்வு, நேர்காணல் இல்லாமல் வேலை – சம்பளம்: ரூ.39100/-

 

NHAI நெடுஞ்சாலை ஆணையத்தில் தேர்வு, நேர்காணல் இல்லாமல் வேலை – சம்பளம்: ரூ.39100/-

இந்திய தேசிய நெடுஞ்சாலை ஆணையம் (NHAI) General Manager (Legal) பதவிக்கு ஆட்சேர்ப்பு செய்வதற்கான புதிய வேலைவாய்ப்பு அறிவிப்பை தற்போது வெளியிட்டுள்ளது. இந்த மத்திய அரசு பணிக்கு என ஒரு பணியிடம் காலியாக உள்ளது. எனவே ஆர்வமுள்ளவர்கள் 15/01/2023 முதல் 15/02/2023 க்குள் இப்பணிக்கு விண்ணப்பிக்குமாறு கேட்டுக்கொள்ளப்படுகிறது.

NHAI காலிப்பணியிடங்கள்:

இந்திய தேசிய நெடுஞ்சாலை ஆணையத்தில் General Manager (Legal) பதவிக்கு என 2 பணியிடங்கள் காலியாக உள்ளது.

GM கல்வி தகுதி:

அங்கீகரிக்கப்பட்ட பல்கலைக்கழகம்/நிறுவனத்தில் சட்டத்தில் பட்டம் முடித்திருக்க வேண்டும்.

NHAI சம்பளம் விவரம்:

General Manager (Legal) – ரூ.15600-39100/-

Manager (Legal) தேர்வு செயல் முறை:

விண்ணப்பதாரர்கள் Deputation அடிப்படையில் தேர்வு செய்யப்பட உள்ளனர்.

விண்ணப்பிக்கும் முறை:

தகுதியும் திறமையும் உள்ள ஆர்வமுள்ளவர்கள் கீழே வழங்கி உள்ள நேரடி இணைப்பின் மூலம் 15/02/2023 க்குள் விண்ணப்பிக்குமாறு கேட்டுக்கொள்ளப்படுகிறது.

Download Notification 2023 Pdf

Apply Online

Click here to join WhatsApp group for Daily employment news

Read More

பள்ளி, கல்லூரி மாணவர்களுக்கு ரூ.5,000 பரிசு – மத்திய அரசின் அறிவிப்பு!

 

பள்ளி, கல்லூரி மாணவர்களுக்கு ரூ.5,000 பரிசு – மத்திய அரசின் அறிவிப்பு!

ஜனவரி 23ஆம் தேதி அன்று நேதாஜி சுபாஷ் சந்திர போஸ் அவர்களின் பிறந்த நாளை ஒட்டி மத்திய அரசு பள்ளி கல்லூரி மாணவர்களுக்கான போட்டிகளை அறிவித்துள்ளது. இதற்கான பரிசுகள் குறித்த தகவல்களும் வெளியாகி உள்ளது.

கலை இலக்கிய போட்டிகள்:

மத்திய மற்றும் மாநில அரசுகள் நாட்டின் முக்கிய தலைவர்களின் பிறந்த மற்றும் நினைவு தினங்களை சிறப்பிக்கும் வகையில் பள்ளி கல்லூரி மாணவர்களுக்கு பலவகையான போட்டிகள் மற்றும் திட்டங்களை அறிவித்து வருகிறது. அந்த வகையில் தற்போது ஜனவரி 23ஆம் தேதி அன்று வரவுள்ள நேதாஜி சுபாஷ் சந்திரபோஸ் அவர்களின் நினைவு தினத்தை சிறப்பிக்க ‘பராக்கிரம் திவாஸ்’ என்ற கலை இலக்கிய போட்டிகளை பள்ளி கல்லூரி மாணவர்களுக்கு அறிவித்துள்ளது.

நாட்டில் உள்ள அனைத்து பள்ளிகள் மற்றும் பல்கலைக்கழகங்களின் மாணவர்கள் அனைவரும் இதில் பங்கேற்க தகுதியானவர்கள் என்று தெரிவிக்கப்பட்டுள்ளது. பல்கலைக்கழக மானிய குழுவின் தலைவர் இதற்கான அதிகாரப்பூர்வ அறிவிப்பை அனைத்து கல்வி நிறுவனங்களுக்கும் சுற்றறிக்கையாக வெளியிட்டு உள்ளார்.

அதன்படி மாணவர்களுக்கு கட்டுரை, கவிதை மற்றும் செல்பி போட்டிகள் நடக்க உள்ளது. இந்த போட்டிகளுக்கான ஏற்பாடுகள் அனைத்தும் மை கவர்மெண்ட் இணையதளம் மூலமாக நடைபெற இருக்கிறது. போட்டியில் வெற்றி பெறும் 25 மாணவர்களுக்கு மத்திய அரசு ரூபாய் 5000 பரிசுத் தொகையை அளிக்க உள்ளதோடு குடியரசு தின அணிவகுப்பில் கலந்து கொள்ளவும் அனுமதி அளித்துள்ளது.

மேலும் மாணவர்கள் தங்கள் ஊரிலிருந்து டெல்லிக்கு வந்து செல்வதற்கான அனைத்து செலவுகளையும் அரசு ஏற்றுக்கொள்ளும். மாணவர்கள் அனைவரும் தங்களின் கவிதை, கட்டுரை மற்றும் செல்பி புகைப்படங்களை ஜனவரி 20ஆம் தேதிக்குள் அரசு கீழே கொடுக்கப்பட்டுள்ள இணையதளத்தில் இணையதளங்களுக்கு அனுப்பி வைக்க வேண்டும்.

சுவரொட்டி வடிவமைப்பு போட்டி:
https://www.mygov.in/task/draw-portrait-netaji-subhas-chandra-bose/

கவிதை போட்டி:
https://www.mygov.in/task/compose-poem-netaji-subhas-chandra-bose/

செல்ஃபி போட்டி:
https://www.mygov.in/task/dress-subhas-chandra-bose-selfie-competition

கவிதை போட்டி:
https://www.mygov.in/task/compose-poem-netaji-subhas-chandra-bose/

Click here to join WhatsApp group for Daily employment news

Read More

உங்கள் ஏரியாவில் கடும் குளிரா.! அவஸ்தையை சமாளிக்க நிபுணர் கூறும் டிப்ஸ்கள் இதோ.!

 

குளிர்காலம் இன்னும் சில வாரங்களுக்கு மட்டுமே என்றாலும் புதுடெல்லி, ராஜஸ்தான் உள்ளிட்ட வட மாநிலங்கள் உட்பட இன்னும் பல பகுதிகளில் நாளுக்கு நாள் குளிரின் தாக்கம் அதிகமாக இருக்கிறது. மக்களை குளிர் வாட்டி வதைக்கும் பல மாநிலங்களில் பள்ளி, கல்லூரிகளுக்கு குளிர்கால விடுமுறை நீட்டிக்கப்பட்டுள்ளது.

அதே போல இந்த மாநிலங்களில் வேலை பார்க்கும் ஊழியர்களை வீட்டிலிருந்தே வேலை பார்க்க பல நிறுவனங்கள் அனுமதித்துள்ளன. அண்டை மாநிலமான பெங்களூருவில் கூட சில வாரங்களாக கடும் குளிர் வாட்டி வதைத்து வருகிறது. தமிழகத்திலும் கூட பல பகுதிகளில் அவ்வப்போது குளிர் அதிகரித்து காணப்படுகிறது. எனவே நீங்கள் எங்கு வசித்தாலும் கடும் குளிர் அலையை எதிர்த்து போராடுவதற்கான டிப்ஸ்களை தெரிந்து கொள்வது அவசியம்.

டெல்லி ஃபோர்டிஸ் மருத்துவமனையில் சீனியர் கன்சல்ட்டன்டாக இருக்கும் டாக்டர் முக்தா தப்டியா இதுபற்றி பேசுகையில், பெரும்பாலான நேரங்களில் சரியான உடல் வெப்பநிலையை பராமரிக்க முக்கிய உறுப்புகளுக்கு ரத்த விநியோகம் உடலில் செல்கிறது. ஆனால் உடலின் முக்கிய உறுப்புகள் சோர்வடைந்து, வெப்பநிலை குறைவாக இருக்கும் போது சில நேரங்களில் மூளைக்கு கூட போதுமான ரத்தம் கிடைக்காது. இதனால் ஹைபோக்ஸியா, ஆக்ஸிஜன் குறைவு, தலைசுற்றல், பேச்சில் தெளிவின்மை, ஹைப்போதெர்மியா, ரத்த நாளங்கள் சுருங்குவது, உயர் ரத்த அழுத்தம் ஏற்படலாம்.

குளிர் அதிகமாக இருக்கும் காலை நேரத்தில் வீட்டை விட்டு வெளியே செல்லும் போது உடல் குறிப்பாக காது பகுதி நன்றாக மூடப்பட்டிருப்பதை உறுதி செய்ய வேண்டும். பல லேயர் ஆடைகள், கிளவுஸ், ஹேட் அல்லது வார்ம் கேப் மற்றும் ஷூக்களை அணிந்து கொள்வது குளிரிலிருந்து பாதுகாக்கும். குளிர்காலத்தில் மற்றும் குறிப்பாக குளிர் அலைகள் அதிகம் இருக்கும் போது சருமத்தை கூடுதலாக கவனித்து கொள்ள வேண்டியது அவசியம். எனவே உடலை ஹைட்ரேட்டாக மற்றும் எப்போதும் மாய்ஸ்ரைசிங்காக வைத்திருப்பது குளிர்காலத்தில் நல்ல சருமத்தை பெற முக்கியம். டாக்டர் முக்தா தப்டியா பேசுகையில் குளிர்காலத்தில் ஹை-புரோட்டின் டயட்டை பராமரிக்க வேண்டும்.

மேலும் குளிர்காலத்தில் வெயிலில் அதிகம் இருக்காது வைட்டமின் டி குறைபாட்டிலிருந்து தப்பிக்க வைட்டமின் டி சப்ளிமெண்ட்ஸ் எடுத்து கொள்ளலாம். நோய் எதிர்ப்பு சக்தியை அதிகரிக்க வைட்டமின் சி நிறைந்த ஃபிரெஷ்ஷான பழங்கள் மற்றும் சத்தான காய்கறிகளை டயட்டில் அதிகம் சேர்த்து கொள்ள வேண்டும். வழக்கம் போல தினமும் தவறாமல் ஒர்கவுட்ஸ்களில் ஈடுபட வலியுறுத்துகிறார் தப்டியா. கடும் குளிரில் எப்படி ஒர்கவுட்ஸ் செய்வது என்று யோசிக்காதீர்கள்.! குளிரில் விறைத்து கிடைக்கும் உடலை இயல்பாக்க மற்றும் வெப்பமாக்க ஒவ்வொரு நாளும் குறைந்தது 30-45 நிமிடங்களாவது வழக்கம் போல ஒர்கவுட்ஸில் ஈடுபட வேண்டும். ஜிம் அல்லது அவுட் டோர் ரன்னிங் போக முடியவில்லை என்றால் தாக்கத்தை ஏற்படுத்தும் வீட்டிலிருந்தே செய்ய கூடிய உடற்பயிற்சிகளை முயற்சிக்க வேண்டும்.

நாட்டில் குளிர் அலை அதிகரித்து காணப்படுவதற்கு மத்தியில் ஒருவர் செய்ய கூடாத ஒன்று, சிங்கிள் லேயர் ஆடைகளை அணிந்து செல்வது. நாம் மல்டிபிள் லேயர்களை அணியும் போது காற்று வெளியே பயணிக்க முயற்சிக்கிறது. ஆனால் காற்று வெளியேற முடியாமல் உள்ளேயே சிக்கி கொள்கிறது. இதனால் பல ஏர் பாக்கெட்ஸ் உற்பத்தி செய்யப்படுகின்றன. காற்று ஒரு மோசமான கடத்தி என்பதால் வெளிப்புறக் குளிரால் பாதிக்கப்படாது. எனவே நீங்கள் மல்டிபிள் லேயர்களை அணிந்திருக்கும் போது உற்பத்தியாகி இருக்கும் பல ஏர் பாக்கெட்ஸ் உடலுக்கு வெப்பத்தை அளிக்கிறது. குளிருக்கு இதமாக ஒரு தடிமனான ஜாக்கெட்டை அணிவதை விட, மல்டிபிள் லேயர் அணிவது ஏர் ட்ராப்பிங் காரணமாக உடலை சூடாக வைத்திருக்க உதவும் என்கிறார் டாக்டர் முக்தா தப்டியா.

 Click here to join whatsapp group for daily health tip

Read More

காபி குடித்தால் உடல் எடை குறையுமா? யாரெல்லாம் காபி குடிக்கக்கூடாது? என்ன சொல்கிறார்கள் ஊட்டச்சத்து நிபுணர்கள்

 இன்றைக்கு அலுவலகத்தில் பணிபுரியும் நபர்கள் முதல் வீட்டு வேலை செய்யும் பெண்கள் வரை பலரின் உற்சாகப் பானமாக உள்ளது டீ அல்லது காபி தான். டீயை விட காபியில் உள்ள காஃபின் உடல் நலத்திற்கு பல்வேறு வகையான நன்மைகளை வழங்குவதாக ஊட்டச்சத்து நிபுணர்கள் தெரிவிக்கின்றனர். அதே சமயம் அளவோடு சாப்பிட வேண்டும் என எச்சரிக்கும் இந்நேரத்தில் எப்படி உடல் எடையைக் குறைப்பதற்கு உதவியாக உள்ளது என்றும் காபி குடிப்பதால் வேறு என்னென்ன நன்மைகள் மற்றும் தீமைகள் ஏற்படுகிறது என்பது குறித்து இங்கே விரிவாகத் தெரிந்துக் கொள்வோம்.

காபி குடித்தால் உடல் எடை குறையுமா?

பெரும்பாலான மக்களின் மிகப்பெரிய பிரச்சனைகளில் ஒன்றாக உள்ளது உடல் எடை அதிகரிப்புதான். தேவையில்லாத ஸ்நாக்ஸ், நேரம் தவறி சாப்பிடுவது போன்ற பல்வேறு காரணங்களால் ஒருவரின் உடல் எடை என்பது நாளுக்கு நாள் அதிகரித்து வருகிறது. இதைக் கட்டுக்குள் கொண்டுவர வேண்டும் என்பதற்காக தினமும் உடற்பயிற்சி செய்வதை வாடிக்கையாக வைத்துள்ளனர். இந்நிலையில் தான் உணவியல் நிபுணர் மேம் சிங் தனது சோசியல் மீடியா பக்கத்தில், உடலில் உள்ள தேவையற்ற கொழுப்புகளைக் கரைக்க வேண்டும் என்றால், உடற்பயிற்சி செய்வதற்கு முன்னதாக காபி குடிக்க வேண்டும் என்கிறார். எப்படி தெரியுமா? காஃபின் இயற்கையாகவே கொழுப்பைக் குறைக்க உதவியாக உள்ளது. மேலும் வளர்சிதை மாற்ற விகிதத்தை 3-11 சதவீதம் அதிகரிக்கிறது எனவும், சோர்வை நீக்கி உடற்பயிற்சி செய்யும் நேரத்தை அதிகரிக்கவும் காபி உதவியாக உள்ளது.

இதோடு மட்டுமின்றி பசியைக் குறைப்பதால் தேவையில்லாத ஸ்நாக்ஸ் சாப்பிடுவதையும் நாம் கட்டுப்படுத்த முடியும். இவ்வாறு பல்வேறு நன்மைகள் காபி அருந்துவதன் மூலம் கிடைத்தாலும் அளவுக்கு அதிகமாக அருந்தக்கூடாது. குறிப்பாக நாள் ஒன்று 2-3 கப் காபிக்கு மேல் ஒருவர் உட்கொள்ளும் போது இதயப் பிரச்சனைகளுக்கு வழிவகுக்கும் என்றும், காபியில் அதிக பால் சேர்க்க வேண்டாம் என்றும் பரிந்துரைக்கின்றனர். மேலும் கருவுற்ற பெண்கள் காபியின் அளவைக்குறைத்துக் கொள்வது வயிற்றில் உள்ள குழந்தைகளுக்குப் பாதுகாப்பானதாக இருக்கும்.

காபி எவ்வளவு அருந்த வேண்டும்.? யார் அருந்தக்கூடாது?

நீரிழிவு எதிர்ப்பு மருந்துகள், தியோபிலின், பினோதியாசின்கள், ஆன்டிகோகுலண்ட் மருந்துகள்,டிரைசைக்ளிக் ஆண்டிடிரஸண்ட்ஸ், ஆஸ்துமா மருந்துகள், கருத்தடை மருந்துகள் போன்றவற்றை எடுத்துக்கொள்ளும் நபர்கள் யாராக இருந்தாலும் காபியை எடுத்துக்கொள்ளக்கூடாது.

இதேப்போன்று ஒரு நாளைக்கு 400 மில்லி கிராமிற்கு மேல் காஃபின் உட்கொள்ளும் போது உடல் நடுக்கம் ஏற்படும் என மருத்துவர்கள் எச்சரிப்பதால் அளவுக்கு மீறி குடிப்பதைக் குறைத்துக் கொள்ள வேண்டும்.

 Click here to join whatsapp group for daily health tip

Read More

அதிகரிக்கும் குளிர்... நோய் எதிர்ப்பு சக்தியை அதிகரிக்க உதவும் ஆயுர்வேத டிப்ஸ்..!

 குளிர்காலத்தில் தான் பலரும் பல்வேறு வித தொற்று நோய்களுக்கு ஆளாகும் வாய்ப்புகள் மிகவும் அதிகமாக உள்ளது. பொதுவாக ஏற்படும் நோய்களான காய்ச்சல், சளி, இருமல் ஆகியவை குளிர் காலங்களில் மிக அதிகமாக பரவுகின்றன. நமது நோய் எதிர்ப்பு சக்தி குறைவாக இருப்பதும் இதற்கு முக்கியமான காரணமாக பார்க்கப்படுகிறது. எனவே நோய் தொற்றுக்களில் இருந்து நம்மை பாதுகாத்துக் கொள்ள நோய் எதிர்ப்பு சக்தி அதிகரிக்க வேண்டியது அவசியம். ஆயுர்வேத மருத்துவ முறையில் நமது நோய் எதிர்ப்பு சக்தி எவ்வாறு அதிகரிப்பது என்பதை பற்றி பார்ப்போம்.

ஆரோக்கியமான செரிமான மண்டலம் : நமக்கு செரிமான மண்டலத்தில் வலிமையாகவும் ஆரோக்கியமாகவும் வைத்துக் கொள்வதன் மூலமே பல்வேறு விதமான நோய் தொற்றுகளில் இருந்து விடுபட முடியும் என ஆயுர்வேத மருத்துவம் நம்புகிறது. இதில் நமது உடலின் ஜீரண சக்தியானது அக்னி என அழைக்கப்படுகிறது. அளவுக்கு அதிகமாக உண்பதும் அல்லது குறைவாக சாப்பிடுவதும் ஆரோக்கியமற்ற உணவுப் பொருட்களை உட்கொள்வதும் நமது உடலின் செரிமான சக்தியை குறைத்து விடும். செரிமான சக்தி குறையும் போது உடலில் நச்சுக்கள் சேர்ந்து பல்வேறு விதமான நோய்கள் ந்டாவதற்கு காரணமாகின்றன.

ஆயுர்வேத உணவுப் பொருட்கள் : எனவே நமது நோய் எதிர்ப்பு சக்தியை அதிகரிப்பதற்கு முதலில் நமது செரிமான மண்டலத்தை வலிமையாக்க வேண்டும். மேலும் ஆரோக்கியமான உணவுப் பழக்கத்தை மேற்கொண்டு உடலுக்கு தேவையான ஊட்டச்சத்துக்கள் நிறைந்த உணவுப் பொருட்களையும் நமது அன்றாட உணவில் சேர்த்துக் கொள்வது நல்லது. ஆயுர்வேத மருத்துவத்தின் அறிவுரையின்படி கீழ்க்கண்ட பொருட்கள் நமது உணவில் சேர்த்துக் கொள்வது மிகவும் அவசியம். நெல்லிக்காய், நெய், அல்லது வெண்ணெய், வெல்லம், துளசி இலைகள், மஞ்சள் மற்றும் இஞ்சி ஆகியவை நமது அன்றாட உணவுகளில் சேர்த்துக் கொள்ள வேண்டும்.

மூலிகை தேநீர் : ஆயுர்வேத மருத்துவத்தில் மூலிகை தேநீர் அருந்தும் பழக்கமானது பழங்காலத்திலிருந்து இருந்து வருகிறது. முல்லேட்டி, துளசி, இலவங்கப்பட்டை, இஞ்சி, கிராம்பு, மஞ்சள் மற்றும் கருப்பு மிளகு ஆகியவை நமது உடலில் நோய் எதிர்ப்பு சக்தியை அதிகரிக்கும் என ஆய்வுகள் தெரிவிக்கின்றன. மேலும் இவற்றினுடைய ஆன்ட்டி ஆக்சிடென்ட் தன்மையினால் நோய் எதிர்ப்பு சக்தி அதிகரிப்பது மட்டுமல்லாமல், நமது உடலில் உள்ள நச்சுக்களை வெளியேற்றுவதற்கும் இவை உதவுகிறது. சுவாசக் குழாய்களில் உள்ள தொற்றுகளை நீக்குவதுடன் இளமையாக தோற்றமளிக்கவும் உதவுகிறது.

நாசியா தெரபி : ஆயுர்வேத மருத்துவத்தில் நாசியா தெரபி என்ற ஒரு சிகிச்சை முறை வழக்கத்தில் உள்ளது. சிறிதளவு எள் எண்ணெய், தேங்காய் எண்ணெய் ஆகியவற்றை நமது நாசி பாதையில் செலுத்தி இந்த சிகிச்சை அளிக்கப்படுகிறது. ஆயுர்வேதத்தில் கூறப்பட்டுள்ள பஞ்சகர்மா சிகிச்சை முறைகளில் இந்த நாசியா தெரப்பியும் ஒன்றாகும். குளிப்பதற்கு ஒரு மணி நேரம் முன்பு உணவு ஏதும் உட்கொள்ளாத போது இந்த சிகிச்சை முறை மேற்கொள்ளப்பட வேண்டும். ஒருவரை அமர வைத்து தலையின் பின்புறமாக நன்றாக சாய்த்தபடி அவரின் இரண்டு மூக்கு துவாரங்களிலும் நான்கு முதல் ஐந்து துளிகள் எண்ணெய் விடப்பட வேண்டும். இதன் மூலம் சைனஸ் போன்றநோய்கள் ஏற்படாமலும் நோய் எதிர்ப்பு சக்தி அதிகரிக்கவும் செய்கிறது.

ஆயில் புல்லிங் தெரபி : உடலுக்குள் செல்லும் பல்வேறுவது கிருமிகளும் பொதுவாக நமது வாய் வழியாகவே செல்லுகின்றன. இதன் காரணமாகவே நமது வாயை சுத்தமாக வைத்திருக்க வேண்டியது அவசியம். ஆயுர்வேத மருத்துவத்தில் கூறப்படும் ஆயில் புல்லிங் என்ற சிகிச்சை முறையில் தேங்காய் எண்ணெய், எள் எண்ணெய் ஆகியவற்றை ஒன்றாக கலந்து அவற்றை சிறிதளவு நமது வாயில் வைத்து, நன்றாக கொப்பளித்து பின் துப்பி விட வேண்டும். இதன் மூலம் நமது வாயில் உள்ள கிருமிகள் முழுவதும் நீக்கப்பட்டு ஆரோக்கியமாக இருக்கலாம்.

Read More

தொடர்ந்து இருமல் வந்துக்கிட்டே இருக்கா..? சளியா அல்லது மார்பு தொற்றா என உடனே செக் பண்ணுங்க..!

 ஜலதோஷம் அனைவருக்கும் பொதுவாக ஏற்படும் நோய் தொற்றுகளுள் ஒன்று. முக்கியமாக குளிர்காலத்தில் அதிக அளவில் ஜலதோஷம் பலருக்கும் ஏற்படும். இது ஏற்பட்டு சில நாட்களிலேயே குணமாகிவிடும். ஜலதோஷம் ஏற்படுவதற்கு முக்கிய காரணம் நமது உடலின் மேல் சுவாச குழாய் பாதையில் உண்டாகும் தொற்று ஆகும்.

பொதுவாகவே முதலில் சாதாரண ஜலதோஷத்தில் ஆரம்பிக்கும் இந்த நோய் தொற்று, பிறகு மார்பு தொற்று நோயாக மாறுவதற்கு வாய்ப்புகள் உண்டு. இது நாளடைவில் உடலுக்கு மிகப்பெரும் பாதிப்புகளை உண்டாக்கலாம். இந்த மார்பு தொற்றானது கீழ் சுவாசப் பகுதியை பாதிப்பதோடு மூச்சு குழாயையும் பாதிப்படையை செய்கிறது.

இந்த மார்புத் தொற்று பொதுவாகவே வைரஸ் மற்றும் பாக்டீரியாக்களால் உண்டாகிறது. இந்த நோய் தொற்று ஏற்படும் பட்சத்தில் நாம் சுவாசிப்பது சற்று சிரமத்தை ஏற்படுத்தும். குறிப்பாக குளிர் காலங்களில் அந்தப் பகுதியில் உள்ள நோய் எதிர்ப்பு செல்கள் நோய் தொற்றை உண்டாக்கும் பாக்டீரியாக்களோடு கடுமையாக போராட வேண்டிய சூழ்நிலை உண்டாகிறது..

வல்லுனர்கள் என்ன கூறுகிறார்கள்:

ப்ரான்கிட்டிஸ் மற்றும் நிமோனியா என மார்பு தொற்றை ஏற்படுத்தும் இரண்டு பாக்டீரியாக்கள் உள்ளன. இதில் ப்ரான்கிடிஸ் மூச்சுக் குழாய்களை மட்டும் பாதிப்படையை செய்து நுரையீரலுக்கு காற்று எடுத்துச் செல்வதை சிரமமாக்கிவிடும். இதுவே நிமோனியா வகை ஏற்பட்டால் அவை இன்னும் அதிக விளைவுகளை ஏற்படுத்தக்கூடும். இந்த நிமோனியா நோய் நுரையீரலில் உள்ள திசுக்களை சேதப்படுத்தி மிகப்பெரிய பாதிப்புகளை உண்டாக்குவதற்கு வாய்ப்புகள் உண்டு. ப்ரான்கிடிஸ் வைரஸ்களால் மட்டுமே ஏற்படும். ஆனால் நிமோனியா நோயாளிகள் வைரஸ்கள், பாக்டீரியா மற்றும் பூஞ்சை தொற்று ஆகியவற்றினாலும் உண்டாக்கலாம்.

சாதாரண ஜலதோஷத்திற்கான அறிகுறிகள்

இந்த மார்பு தொற்று மற்றும் சாதாரண ஜலதோஷம் இரண்டுக்கும் ஆரம்பத்தில் பொதுவான அறிகுறிகளே காணப்படும். சாதாரண காய்ச்சல், உடல் களைப்பு, உடல் முழுவதும் வலி, இருமல் போன்றவை ஆரம்பத்தில் இருக்கும். முக்கியமாக பொதுவாக ஏற்படும் ஜலதோஷத்தினால் பாதிக்கப்பட்ட நபர்களுக்கு மூக்கில் நீர் வடிதல், தும்மல், மூக்கடைப்பு கண்களில் நீர் வடிதல் போன்ற பிரச்சனைகள் உண்டாகும். மேல் சுவாசக் குழாயில் ஏற்படும் தொற்றினால் இவை உண்டாகிறது. ஜலதோஷத்தினால் பாதிக்கப்பட்ட நபர்களுக்கு இருமல் ஏற்படாது. அது மார்பு தொற்றால் பாதிக்கப்பட்ட நபர்களுக்கு மட்டுமே இருக்கும் அறிகுறி ஆகும். இந்த ஜலதோஷம் பொதுவாக ஒரு வாரம் வரை மட்டுமே நீடிக்கும்.

மார்பு தொற்றுக்கான அறிகுறிகள்:

மார்புத் தொற்று இருப்பதற்கான பொதுவான அறிகுறியாக இருமல் பார்க்கப்படுகிறது. ஏனெனில் நோய் தொற்றானது சுவாசக் குழாயில் வீக்கத்தை ஏற்படுத்தி மூச்சு விடுவதை சிரமம் ஆக்குகிறது. இதை தவிர இந்த மார்பு தொற்றுகள் மிக அதிகமான வலியை உண்டாக்கும்.. சுவாசக் குழாயில் உள்ள சளி முழுவதும் வெளியேறி மீண்டும் பழைய நிலைக்கு திரும்ப குறைந்தது இரண்டு வாரகாலம் ஆகும்.

சிகிச்சை:

உண்மையிலேயே ஜலதோஷம் மற்றும் மார்பு தோஷம் இரண்டிற்குமே சிறப்பான மருத்துவ சிகிச்சைகள் எதுவும் இல்லை. முக்கியமாக இது போன்ற நோய் தோற்று ஏற்பட்டு இருக்கும் நேரங்களில் ஆன்டிபயாட்டிக்ஸ் எடுப்பதை தவிர்க்க வேண்டும். ஒருவேளை உங்களுக்கு இந்த இரண்டு நோய் தொற்றுகளில் ஏதேனும் ஒன்று ஏற்பட்டால் நீங்கள் போதுமான அளவு ஓய்வு எடுக்க வேண்டும். அதனுடன் மிதமான சூட்டில் உள்ள நீரை பருகுவது, சூடான சூப் பருகுவது போன்ற வழிமுறைகளை பின்பற்ற வேண்டும். வெந்நீரில் குளிக்க வேண்டும்.

ஒருவேளை உங்களுக்கு உடனடியாக தீர்வு தேவைப்பட்டால் அதற்கென விற்கப்படும் பிரத்தியேகமான ஸ்பிரேக்களை பயன்படுத்தலாம். இதுபோன்று சமயங்களில் முடிந்த வரை நமது உடலை வெப்பமாக வைத்திருக்க முயற்சி செய்ய வேண்டும். தவிர்க்க முடியாத பட்சத்தில் மருத்துவரை அணுகலாம்.

மார்பு தொற்று மற்றும் ஜலதோஷம் ஏற்படாமல் எவ்வாறு நம்மை பாதுகாத்துக் கொள்வது:

பொதுவாகவே இந்த இரண்டு வகை நோய்களும் ஒருவரிடம் இருந்து இன்னொருவருக்கு பரவும் தன்மை கொண்டது. எனவே பேசும்போதும் பொது இடங்களுக்கு செல்லும்போதும் இடைவெளி விட்டு செல்வது நல்லது.

கைகளை அடிக்கடி கழுவி சுத்தமாக வைத்திருக்க வேண்டும். முக்கியமாக உணவு உண்பதற்கு முன்னும் உணவு உண்ட பின்னரும் கைகளை சுத்தமாக கழுவ வேண்டும். இதனால் கெடுதல் செய்யும் பாக்டீரியாக்கள் மற்றும் வைரஸ்கள் நம் உடலுக்குள் நுழைவதை நம்மால் தடுக்க முடியும்.

உங்கள் வீட்டில் இருக்கும் யாருக்கேனும் உடல்நிலை சரியில்லை என்றால் அவர்களிடம் இருந்து இடைவெளியை கடைபிடிப்பது நல்லது. மேலும் அவர்களை தும்மும் போதும், இருமும் போதும் வாயை மூடிக்கொண்டு தூங்கும்படி அறிவுறுத்த வேண்டியது அவசியம்.

மேலும் நோய் எதிர்ப்பு சக்தி அதிகரிப்பதற்கு தேவையான வாழ்க்கை முறையையும் உணவு பழக்க வழக்கங்களையும் வளர்த்துக் கொள்ள வேண்டும்.

Read More

குளிர்காலத்தில் தொப்புளில் எண்ணெய் வைத்தால் நல்லது : ஏன் தெரியுமா..?

 நமது உடலில் இருக்கும் தொப்புள் பகுதியில் சுமார் 72,000 க்கும் மேற்பட்ட நரம்புகள் இணைக்கப்பட்டுள்ளன. அந்த பகுதியில் இருக்கும் இந்த ஆயிரக்கணக்கான நரம்புகளுக்கு மைய புள்ளி தொப்புள் தான். உடல் ஆரோக்கியத்திற்கான பழமையான ஆயுர்வேத நடைமுறையில் தொப்புள் சிகிச்சை முக்கியமான ஒன்று.

உடலில் உள்ள நச்சுக்களை நீக்க, பல நோய்களுக்கு சிகிச்சையளிக்க தொப்புள் குழியில் சூடான எண்ணெய் தடவுவது அல்லது ஊற்றுவதை தொப்புள் சிகிச்சை உள்ளடக்கியது. பிறப்பதற்கு முன்பே வயிற்றில் இருக்கும் குழந்தையை தாயுடன் இணைக்கும் தொப்புளில் ஆயில் ஊற்றி மசாஜ் செய்யும் எளிய நடைமுறை உடலின் செயல்பாடுகளை சரியாக பராமரிக்க மற்றும் நோய்களை தடுக்க உதவுகிறது. தொப்புளின் மையப்பகுதி மத்திய நரம்பு மண்டலத்துடன் இணைக்கப்பட்டுள்ளதால் அங்கு செய்யப்படும் ஆயில் மசாஜ் மனதை தெளிவாக வைக்க மற்றும் மன அழுத்தத்தை குறைக்கவும் உதவும்.

தவிர தொப்புளில் எண்ணெய் வைப்பது சருமத்தை புத்துணர்ச்சியடைய செய்வதோடு செரிமான அமைப்பை சமநிலையாக வைக்கிறது. இரவில் படுக்கைக்கு செல்லும் முன் தினசரி தொப்புளில் எண்ணெய் வைப்பதன் மூலம் எண்ணற்ற நன்மைகளை அடைய முடியும். தொப்புளில் என்னென்ன எண்ணெய் வைத்தால் எந்த மாதிரியான நன்மைகள் கிடைக்கும் என்பது பற்றி கீழே பார்க்கலாம்.

செரிமான ஆரோக்கியம்: கடுகு எண்ணெய் அல்லது இஞ்சி எண்ணெய்யை தொப்புளில் ஊற்றி மசாஜ் செய்வது குடலின் செரிமான திறன்களை அதிகரிக்க மற்றும் குடல் ஆரோக்கியத்தை சீராக வைத்திருக்க உதவுகிறது. குடலில் இருந்து கழிவுகள் வெளியேறுவதில் சிக்கல் இருந்தால் சரி செய்கிறது. வாயு மற்றும் உப்பசத்துடன் தொடர்புடைய பிரச்சனைகளை நீக்குகிறது. உடலில் ஏற்படும் வீக்கம் குறைக்க மற்றும் ஒழுங்காக செயல்படும் இரைப்பை குடல் எடையை கட்டுப்படுத்த உதவுகிறது.

கருவுறும் விகிதம்: ஆண்கள் தங்கள் தொப்புளில் வெதுவெதுப்பான தேங்காய் எண்ணெய் அல்லது ஆலிவ் எண்ணெய் ஊற்றி அடிக்கடி மசாஜ் செய்வது, விந்தணுக்களின் எண்ணிக்கையை அதிகரிக்க மற்றும் விந்தணுக்களின் இயக்கத்தை மேம்படுத்த உதவுகிறது. பெண்களில் இனப்பெருக்க அமைப்பை வலுப்படுத்துவதோடு கருவுறுதல் விகிதத்தை அதிகரிக்கிறது. மாதவிடாய் நேரத்தில் இந்த ஆயில்களை கொண்டு பெண்கள் தொப்புள் மசாஜ் செய்து கொள்வது கருப்பை சுவரைச் சுற்றியுள்ள நரம்புகளை தளர்த்தி வலியை குறைக்கிறது

பார்வை திறன் மேம்பட... பாதாம் எண்ணெய் அல்லது கடுகு எண்ணெயை தொப்புளில் வைப்பது பார்வை நரம்புகளின் மீது செயல்பட்டு பார்வை திறனை மேம்படுத்துகிறது. கண்களைச் சுற்றியுள்ள வீக்கம் மற்றும் பிக்மென்டேஷனை இந்த ஆயில் மசாஜ் குறைக்கும். தொப்புளில் எண்ணெய் தடவுவது கண்களை பாதுகாப்பதோடு, பார்வை குறைபாட்டிற்கு காரணமாக இருக்கும் அதிகப்படியான வறட்சியை தடுக்கிறது

சரும ஆரோக்கியம்: வேப்ப எண்ணெய், ஆலிவ் எண்ணெய், பாதாம் எண்ணெய், கடுகு எண்ணெய், தேயிலை மர எண்ணெய், லெமன் எசென்ஷியல் ஆயில் அல்லது ரோஸ்ஷிப் எண்ணெய் உள்ளிட்ட அத்தியாவசிய எண்ணெய்களை தொப்புளில் வைப்பது எண்ணற்ற சரும ஆரோக்கியங்களை அள்ளி தரும். பிக்மென்டேஷனை குறைக்க, சரும வறட்சியை தடுக்க, ஹைட்ரேஷனை பராமரிக்க, இயற்கையான சரும பளபளப்பை பெற இந்த எண்ணெய்களை தொப்புளில் பயன்படுத்தலாம். தவிர முகப்பருக்களை தடுக்க, உடலில் உள்ள கறைகளை நீக்க, ரத்தத்தை சுத்தப்படுத்தவும் உதவுகின்றன.

மூட்டு வலிக்கு... தவறான உடல் தோரணை, மருத்துவ நிலை அல்லது மசில் டென்ஷன் காரணமாக உடல் மற்றும் மூட்டு வலிகளால் அவதிப்படுபவர்கள் எள் எண்ணெய், ஆமணக்கு எண்ணெய் அல்லது ரோஸ்மேரி எண்ணெயை தொப்புள் சிகிச்சையில் பயன்படுத்தலாம். இதனால் வலிகளில் இருந்து நிவாரணம் கிடைப்பதோடு வீக்கமும் குறையும்.

Read More

NITTTR சென்னை வேலைவாய்ப்பு 2023 – தேர்வு கிடையாது!

 

NITTTR சென்னை வேலைவாய்ப்பு 2023 – தேர்வு கிடையாது!

தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனம், CSIR ஆனது Apprenticeship பணியிடங்களுக்கான வேலைவாய்ப்பு அறிவிப்பு தற்போது வெளியாகி உள்ளது. இந்த பயிற்சிக்கு விண்ணப்பதாரர்கள் நேர்காணல் மூலம் தேர்வு செய்யப்பட உள்ளனர். எனவே ஆர்வமுள்ளவர்கள் அனைத்து விவரங்களையும் அறிந்து உடனே விண்ணப்பிக்குமாறு கேட்டுக்கொள்ளப்படுகிறது.

NITTTR சென்னை Apprenticeship விவரங்கள்:

• 2021 & 2022 ஆம் ஆண்டில் தேர்ச்சி பெற்றவர்கள் இதற்கு விண்ணப்பிக்கலாம்.
• Electrical & Electronics Engineering, Computer Science & Engineering மற்றும் Civil Engineering ஆகிய துறைகளில் உள்ள பொறியியல் பட்டதாரிகள், B.Sc. Computer Science, B.Com & B.A (Visual Design & Communication) Non-engineering Graduates, மற்றும் Diploma Holders இந்த பயிற்சிக்கு விண்ணப்பிக்கலாம்.

• நேர்காணல் விவரங்கள்:

  தகுதியும் திறமையும் உள்ள ஆர்வமுள்ளவர்கள் அறிவிப்பில் வழங்கப்பட்டுள்ள விண்ணப்ப படிவத்தை பூர்த்தி செய்து நேர்காணலில் கலந்து கொள்ளுமாறு கேட்டுக்கொள்ளப்படுகிறது.

  விண்ணப்பிக்கும் முறை:

  மேலே குறிப்பிடப்பட்டுள்ள தகுதிகளை பூர்த்தி செய்யும் நபர்கள் 24.01.2023 அன்று அறிவிப்பில் குறிப்பிடப்பட்டுள்ள முகவரியில் கலந்துகொண்டு பயன்பெறுமாறு கேட்டுக்கொள்ளப்படுகிறது.

  Download Notification Pdf

Click here to join WhatsApp group for Daily employment news 

Read More

செவிலியர் பணிக்கான காலிப்பணியிடங்கள்.. விருதுநகர் மாவட்ட நலவாழ்வு சங்கம் அறிவிப்பு..

 விருதுநகர் மாவட்ட நலவாழ்வு சங்கத்தில் (DHS) காலியாக உள்ள செவிலியர் பணியிடங்களை நிரப்புவதற்கான வேலைவாய்ப்பு அறிவிப்பு வெளியாகியுள்ளது. இந்த பணியிடங்கள் ஒப்பந்த அடிப்படையில்‌ நிரப்பப்பட இருக்கின்றன. இங்கே பணிபுரிய ஆர்வமுமம், தகுதியும் இருப்பவர்கள் விண்ணப்பிக்கலாம்.

1. செவிலியர் பணிக்கான காலிப்பணியிடங்கள் : 13.

2. கல்வி தகுதி : செவிலியர்‌ பட்டயபடிப்பு (DGNM) அல்லது இளங்கலை செவிலியர்‌ பட்டம்‌ (B.Sc., Nursing) தேர்ச்சி பெற்றிருக்க வேண்டும்.

3. வயது வரம்பு : விண்ணப்பதாரரின் அதிகபட்ச வயது 22-02-2023 அன்று 35 வயதிற்குள் இருக்க வேண்டும்.

4. மாத சம்பளம் : செவிலியர் (Staff Nurse) – ரூ.18,000/-

5. பணி நிபந்தனைகள்‌ : இந்த பதவி முற்றிலும்‌ தற்காலிகமானது. எந்த ஒரு காலத்திலும்‌ பணி நிரந்தரம்‌ செய்யப்படமாட்டாது. கொரோனா காலத்தில்‌ பணிபுரிந்த செவிலியர்களுக்கு முன்னுரிமை வழங்கப்படும்‌.

6. விண்ணப்பிக்கும் முறை : ஆர்வமும் தகுதியும் உள்ள விண்ணப்பதாரர்கள், https://cdn.s3waas.gov.in/s3c86a7ee3d8ef0b551ed58e354a836f2b/uploads/2023/01/2023011269.pdf என்ற இணையதள முகவரியில் உள்ள விண்ணப்ப படிவத்தின் மூலம் ஆஃப்லைனில் விண்ணப்பிக்கலாம். விண்ணப்பதாரர் விண்ணப்பப் படிவத்துடன் தொடர்புடைய சுயசான்றொப்பமிடப்பட்ட ஆவணங்களுடன் 25-01-2023 அன்று அல்லது அதற்கு முன்னர் அனுப்ப வேண்டும்.

7. விண்ணப்ப அனுப்ப வேண்டிய முகவரி : செயற்செயலாளர், மாவட்ட நலவாழ்வு சங்கம் மற்றும் துணை இயக்குனர் சுகாதாரப்பணிகள், துணை இயக்குனர் சுகாதாரப்பணிகள் அலுவலகம், விருதுநகர் மாவட்டம். விருப்பம் இருப்பவர்கள் விண்ணப்பித்து பயன் அடையலாம்.

 Click here to join WhatsApp group for Daily employment news 

Read More

தமிழ் மொழியில் எழுத, படிக்க தெரிந்தால்போதும்.. விழுப்புரம் தொழிலாளர் உதவி ஆணையர் சொன்ன தகவல்.

 தமிழ்நாடு கட்டுமான கழகம் சார்பில் அளிக்கப்படும் திறன் மேம்பாட்டு பயிற்சிக்கு விண்ணப்பிக்கலாம் என்று விழுப்புரம் தொழிலாளர் உதவி ஆணையர் (சமூக பாதுகாப்பு திட்டம்) உஷா தெரிவித்துள்ளார். இதுகுறித்து அவர் வெளியிட்டுள்ள செய்திக்குறிப்பில், “தமிழ்நாடு கட்டுமான கழகத்தின் சார்பில், பதிவுபெற்ற கட்டுமான தொழிலாளர்களுக்கு 3 மாத கால சிறப்பு திறன் பயிற்சி மற்றும் ஒரு வார திறன் மேம்பாட்டு பயிற்சிகள் வழங்கப்பட உள்ளது.

இம்முகாமில் தமிழ்நாடு கட்டுமான தொழிலாளர் நலவாரியத்தில் கொத்தனார், பற்றவைப்பவர், மின்சார பயிற்சி, குழாய் பொருத்துனர், மரவேலை, கம்பி வளைப்பவர் ஆகிய தொழில்களில் ஈடுபடுபவர்கள் விழுப்புரம் தொழிலாளர் உதவி ஆணையர் (சமூக பாதுகாப்பு திட்டம்) அலுவலகத்தில் பதிவு செய்திருக்க வேண்டும். இப்பயிற்சியானது முதல் ஒரு மாதம் தையூரில் அமையவுள்ள கட்டுமான கழக பயிற்சி நிறுவனத்திலும், 2 மாதம் காஞ்சீபுரம் நீவலூரிலும் நடைபெறும்.

இதற்கு கல்வித்தகுதி 5ம் வகுப்பு முதல் 12ம் வகுப்பு வரை படித்தவர்கள் அல்லது ஐ.டி.ஐ. படித்தவர்கள் விண்ணப்பிக்கலாம். வயது 18 முதல் 40க்குள் இருக்க வேண்டும். கட்டணம், உணவு, தங்குமிடம் இலவசம். பயிற்சி முடித்தவர்களுக்கு எல் அண்டு டி கட்டுமான திறன் பயிற்சி நிலையத்தில் 100 சதவீத வேலைவாய்ப்பு வழங்கப்படும். ஒரு வார பயிற்சியானது தையூரில் உள்ள தமிழ்நாடு கட்டுமான கழகத்தில் நடைபெறும்.

இதற்கு தமிழ் மொழியில் எழுத, படிக்க தெரிந்திருக்க வேண்டும்.

18 வயதுக்கு மேல் இருக்க வேண்டும், தமிழ்நாடு கட்டுமான தொழிலாளர்கள் நலவாரியத்தில் 3 ஆண்டுகள் உறுப்பினராக இருக்க வேண்டும். இந்த பயிற்சியில் கலந்துகொள்பவர்களுக்கு தினமும் ரூ.800 வழங்கப்படும். உணவுக்கு பிடித்தம் செய்யப்படும்.

இந்த பயிற்சியில் சேர விரும்புவோர் தங்களுடைய நலவாரிய அட்டை, கல்வித்தகுதி, ஆதார் அட்டை, குடும்ப அட்டை, வங்கி கணக்கு புத்தகம் ஆகிய நகல்களுடன் தொழிலாளர் உதவி ஆணையர் (சமூக பாதுகாப்பு திட்டம்) அலுவலகம், 6/12 ஆறுமுகம் லே-அவுட், முதல் தெரு, கே.கே.சாலை, விழுப்புரம் என்ற முகவரியில் நேரில் தொடர்புகொண்டு விண்ணப்பிக்கலாம்.

பயிற்சி முடித்தவர்களுக்கு தமிழ்நாடு கட்டுமான கழகம், எல் அண்டு டி கட்டுமான திறன் பயிற்சி நிலையம் மற்றும் தமிழ்நாடு கட்டுமான திறன் மேம்பாட்டுக்கழகம் இணைந்து சான்றிதழ் வழங்கப்படும். மேலும் மத்திய அரசின் கீழ் உள்ள தேசிய மேம்பாட்டு கழகத்தினால் அங்கீகரிக்கப்பட்ட சான்றிதழ் வழங்கப்படும்” என்று தெரிவிக்கப்பட்டுள்ளது.

 Click here to join WhatsApp group for Daily employment news 

Read More

இனிப்பான கரும்பில் நிறைந்துள்ள ஆரோக்கிய நன்மைகள்...

 

பொங்கல் திருவிழாவின் கதாநாயகனான கரும்பில், பல ஆரோக்கிய நன்மைகள் நிறைந்துள்ளது. ஆனால் அதன் அருமை பலருக்கு தெரிவதில்லை. நாம் தெரிந்து கொள்வோமா...? 

1. உடனடி ஆற்றல்: கரும்புச் சாறு உடனடி ஆற்றல் தரக்கூடியது. ஏனெனில் இதில் அதிக அளவில் இயற்கை சர்க்கரை நிறைந்துள்ளது. உங்கள் வேலையினை ஆரம்பிப்பதற்கு முன்னால் சிறிதளவு கரும்பு சாற்றினை குடித்தால் உங்களின் செயல்திறன் அதிகரிக்கும். 

2. வலிமையான எலும்புகள் மற்றும் பற்கள்: கரும்பில் அதிக அளவில் கால்சியம் மற்றும் மெக்னீசியம் சத்துக்கள் நிறைந்துள்ளன. இதனை உண்ணும்பொழுது வலிமையான எலும்புகள் மற்றும் பற்கள் உருவாகச் செய்யும். 

3. மன அழுத்தத்தினை குறைக்கும்: கரும்பில் அதிக அளவில் பொட்டாசியம் சத்துக்கள் நிறைந்துள்ளதால் ரத்த அழுத்தம், மன அழுத்தம் போன்ற பிரச்சினைகள் ஏற்படாமல் தடுக்கும். 

4. புற்று நோய் வராமல் தடுக்கும்: கரும்பில் அதிக அளவில் ஆன்டி-ஆக்சிடென்டுகள் மற்றும் பிளவனோய்டுகள் நிறைந்துள்ளன. இதனை நீங்கள் உண்டு வந்தால் புற்றுநோய் ஏற்படாமல் தடுக்கும். புற்றுநோய் செல்களை, ஆரம்பத்திலேயே அழிக்கும். 

5. சிறுநீரகத்தின் ஆரோக்கியத்தினை மேம்படுத்தும்: கரும்பில் அதிக அளவில் பொட்டாசியம் மற்றும் குறைந்த அளவில் சோடியம் சத்துக்கள் நிறைந்துள்ளது. இது உங்களின் சிறுநீரக ஆரோக்கியத்தினை மேம்படுத்தும். மேலும் சிறுநீரக கற்கள் மற்றும் சிறுநீரக கோளாறு போன்ற பிரச்சினை ஏற்படாமல் தடுக்கும். 

6. கல்லீரலின் ஆரோக்கியம் : கரும்பு சாற்றில் அதிக அளவில் எலெக்ட்ரோலைட்கள் நிறைந்துள்ளன. இவை கல்லீரலின் ஆரோக்கியத்தினை மேம்படுத்த உதவும். எனவே கல்லீரலின் ஆரோக்கியத்தினை மேம்படுத்த விரும்புபவர்கள் தினமும் ஒரு டம்ளர் கரும்பு சாறு பருகுங்கள். 

7. வயதாவதை தடுக்கும் : கரும்பில் அதிக அளவில் ஆன்டி-ஆக்சிடென்டுகள் நிறைந்துள்ளது. இவை சரும ஆரோக்கியத்தை மேம்படுத்தி தோல் சுருக்கம், வயதான தோற்றம் போன்ற பிரச்சினைகள் வராமல் தடுக்கும். இளமை தோற்றத்தை தக்கவைக்கும். 

8. நோய் எதிர்ப்பு சக்தியினை அதிகரிக்கும் : கரும்பில் அதிக அளவில் உடலுக்கு தேவையான ஆன்டிஆக்சிடென்டுகள் நிறைந்துள்ளது. இவை நோய் எதிர்ப்பு மண்டலத்தை வலுப்படுத்தி எப்போதும் ஆரோக்கியமாக இருக்க உதவும். 

9. உடல் எடையினை குறைக்கும்: கரும்பில் அதிக அளவில் நார்ச்சத்து நிறைந்துள்ளது. இவற்றை தினமும் உண்டு வந்தால் உடல் மெட்டபாலிசத்தை அதிகரித்து, உடலில் தேவையற்ற கொழுப்பினை கரைக்க உதவும். எனவே உடல் எடையினை குறைக்க விரும்புபவர்கள் தினமும் கரும்பினை உண்டு வாருங்கள். மேலும் இதில் இருக்கும் அதிக அளவு நார்ச்சத்து மலச்சிக்கல் போன்ற பிரச்சினைகள் ஏற்படாமல் தடுக்க உதவும். 

10. ரத்த அழுத்தத்தினை குறைக்கும்: கரும்பில் அதிக அளவு பொட்டாசியம் சத்துக்கள் நிறைந்துள்ளதால் இதனை தினமும் உண்டு வந்தால் ரத்த அழுத்தம் சீராக இருக்கும். எனவே ரத்த அழுத்தத்தினை கட்டுக்குள் வைக்க விரும்புவர்கள் அடிக்கடி கரும்பினை கடித்து ருசிக்கலாம்.

 கரும்பில் அடங்கியுள்ள சத்துக்கள் கரும்பில் அதிக அளவு நார்ச்சத்து, கால்சியம், பொட்டாசியம், மெக்னீசியம், துத்தநாகம், தையாமின், ரிபோபிளவின், புரதம், இரும்புச்சத்து போன்ற பலவித சத்துக்கள் நிறைந்துள்ளன. 

கரும்பு ஏன் இனிக்கிறது? 

கரும்பில் சுக்ரோஸ் என்ற சர்க்கரை வேதிப்பொருள் உள்ளது. இதுவே கரும்புக்கு இனிப்புச்சுவையை தருகிறது. நாம் வீட்டில் பயன்படுத்தும் சர்க்கரை இந்த கரும்புச்சர்க்கரைதான்!

 Click here to join whatsapp group for daily health tip

Read More

திருச்சி சுகாதாரத் துறையில் 119 செவிலியர் பணியிடங்கள் அறிவிப்பு: உடனே விண்ணப்பியுங்கள்

  திருச்சி மாவட்டத்தில் இயங்கி வரும் அனைத்து அரசு ஆரம்ப சுகாதார நிலையங்கள், மருத்துவ கல்லூரி மருத்துவமனைகள் மற்றும் திருச்சிராப்பள்ளி மாநகராட்சிக்குட்பட்ட நகர்ப்புற ஆரம்ப சுகாதார நிலையங்களில் காலியாக உள்ள செவிலியர் பணியிடங்களை நிரப்ப விண்ணப்பங்கள் வரவேற்கப்படுகின்றன.  திருச்சி மாவட்ட பொது சுகாதார சங்கம் மூலம் நிரப்பப்படும் இந்த பணியிடங்கள் ஒப்பந்த அடிப்படையில் முற்றிலும் தற்காலிக முறையில் மேற்கொள்ளப்படுகிறது.

பதவியின் பெயர் : செவிலியர்கள் (ஒப்பந்த அடிப்படை) 

பணியிடங்களின் எண்ணிக்கை: 119 

கல்வித்தகுதி: செவிலியர் பட்டய படிப்பு (DGNM) அல்லது இளங்கலை செவிலியர் பட்டம் (B.Sc., Nursing) / தமிழ் இளங்கலை செவிலியர் பட்டம் மற்றும் தாதியர் குழுமத்தில் பதிவு செய்யப்பட்ட ஒருங்கிணைந்த பாடத்திட்டம் (Integrated curriculum registered under TN nursing council),

வயது வரம்பு: 12.01.2023 அன்று, 50 வயது பூர்த்தி அடைந்திருக்க கூடாது.

ஒப்பந்த அடிப்படையிலான தொகுப்பூதியம்: ரூ.18,000/-

நிபந்தனைகள்:

1. இந்த பதவி முற்றிலும் தற்காலிகமானது.

2.எந்த ஒரு காலத்திலும் பணி நிரந்தரம் செய்யப்பட மாட்டாது

3. பணியில் சேருவதற்கான சுய விருப்ப ஒப்புதல் கடிதம் (Undertaking) அளிக்க வேண்டும்.

விண்ணப்பம் வந்து சேர வேண்டிய கடைசி நாள்: ஜனவரி 31ம் தேதி மாலை 5.00 மணிக்குள்.

விண்ணப்பங்கள் அனுப்ப வேண்டிய முகவரி:  நிர்வாக செயலாளர் / துணை இயக்குநர் சுகாதாரப்பணிகள் அலுவலகம், ரேஸ்கோர்ஸ் ரோடு, ஜமால் முகம்மது கல்லூரி அருகில், T.V.S. டோல்கேட், திருச்சிராப்பள்ளி 620 020. தொலைபேசி எண். 0431-2333112, மின்னஞ்சல் முகவரி dphtry@nic.in ஆகும்.

 Click here to join WhatsApp group for Daily employment news 

Read More

பணிச்சுமை ஏதுமில்லை.. பாலிசி பிடித்து கொடுத்தால் காசு.. சென்னை அஞ்சல் அலுவலகம் சூப்பர் அறிவிப்பு

 

அஞ்சல் ஆயுள் காப்பீட்டு / கிராம அஞ்சல் ஆயுள் காப்பீட்டு விற்பனைக்கு புதிய நேரடி முகவர்களை  ஈடுபடுத்த விருப்பதாக  முதுநிலை அஞ்சல் கோட்ட கண்காணிப்பாளர், சென்னை மத்திய கோட்டம் அலுவலகம் தெரிவித்துள்ளது.   விருப்பமுள்ளவர்கள் வரும் ஜனவரி 23ம் தேதி அன்று நடைபெற உள்ள நேர்காணலில் கலந்து கொள்ளலாம் என்று தெரிவிக்கப்பட்டுள்ளது.   

யார் விண்ணப்பிக்கலாம்: சுய தொழில் செய்யும் / வேலையில்லா இளைஞர்கள், ஏதேனும் காப்பீட்டு நிறுவனத்தில் பணி புரிந்த முன்னாள் காப்பீட்டு ஆலோசகர்கள்/ முகவர்கள், அங்கன்வாடி மற்றும் மஹிளா மண்டல் பணியாளர்கள், சுய உதவிக்குழு உறுப்பினர்கள், முன்னாள் ராணுவத்தினர், ஓய்வு பெற்ற ஆசிரியர்கள் விண்ணப்பிக்கலாம்.

தகுதிகள்: ஆயுள் காப்பீடுகளை விற்பனை செய்வதில் முன் அனுபவம் உள்ளவர்கள், கணினிப் பயிற்சி உள்ளவர்கள் / சொந்தப்பகுதி பற்றி நன்கு அறிந்தவர்கள் மற்றும் சென்னை மாநகராட்சியை சார்ந்தவராக இருத்தல் வேண்டும். அதேபோன்று,   இதர ஆயுள் காப்பீட்டு அலுவலகத்தில் முகவர்களாக இருப்பவர்கள், அஞ்சல் ஆயுள் காப்பீட்டு முகவர்களாக விண்ணப்பிக்க தகுதியில்லை என்று தெரிவிக்கப்பட்டுள்ளது.

கல்வி தகுதி: குறைந்தது பத்தாம் வகுப்பில் தேர்ச்சி பெற்றிருக்க வேண்டும். வயது வரம்பு: 18-லிருந்து 50 வரை

மேற்கண்ட தகுதியுடையவர்கள், வரும் ஜனவரி 23ம் தேதி காலை 10 மணிக்கு நடைபெறும் நேர்காணலில் கலந்து கொள்ள வேண்டும். நேர்காணல் நடைபெறும் இடம்: எண் 2, சிவஞானம் சாலை, தியாகராய நகர், சென்னை 600017 இல் (பாண்டி பஜார் அருகில்) உள்ள முதுநிலை அஞ்சல் கோட்ட கண்காணிப்பாளர், சென்னை மத்திய கோட்டம் அலுவலகம். 

தேவைப்படும் ஆவணங்கள்: மூன்று புகைப்படம்  (பாஸ்போர்ட் அளவு), அசல் மற்றும் இரண்டு நகல் -வயதுச்சான்று, முகவரிச்சான்று மற்றும் கல்விச்சான்று 

நேர்காணலுக்கு பின் தேர்ந்தெடுக்கப்படுபவர்கள் ஐந்தாயிரம் ரூபாய்க்கு தேசிய சேமிப்பு பத்திரம் [NSC] அல்லது கிசான் விகாஸ் பத்திரத்தை [KVP] பணப் பாதுகாப்பு பத்திரமாக வழங்க வேண்டும்.

இந்த நேர்காணல் அஞ்சல் ஆயுள் காப்பீட்டு பாலிசிகளை முகவர்கள் மூலம் விற்பனை செய்வதற்காக மட்டுமே நடத்தப்படுகிறது. முகவர்களாக தேர்ந்தெடுக்கப்படுபவர்கள் பிடிக்கும் பாலிசியின் பிரீமியம் அடிப்படையில் ஊக்கத்தொகை /கமிஷன் மட்டுமே வழங்கப்படும் என்றும் தெரிவிக்கப்பட்டுள்ளது.

 Click here to join WhatsApp group for Daily employment news 

Read More