டிஜிட்டல் முறையில் உங்கள் பொருளை சந்தைப்படுத்துவது எப்படி? தமிழக அரசு தரும் 2 நாள் பயிற்சி

 Employment News (வேலைவாய்ப்பு செய்திகள்)

தமிழ்நாடு அரசின் தொழில் முனைவோர் மேம்பாடு மற்றும் புத்தாக்க நிறுவனம் மூலம் ஏராளமான தொழில் பயிற்சிகள் வழங்கப்படுகிறது. அந்த வகையில், மின்னணு முறையில் சந்தைப்படுத்தல் (Digital Marketing Workshop) குறித்த இரண்டு நாள் பயிற்சி சென்னையில் நடைபெற உள்ளது. தொழில்முனைவோர் மற்றும் சிறு வணிகங்கள் நடத்தும் நபர்கள் இந்த பயிற்சியில் கலந்துகொண்டு பயன்பெறலாம்.
தமிழ்நாடு அரசின் தொழில் முனைவோர் மேம்பாடு மற்றும் புத்தாக்க நிறுவனம் மூலம் ஏராளமான தொழில் பயிற்சிகள் வழங்கப்படுகிறது. அந்த வகையில், தொழில்முனைவோர் மற்றும் சிறு வணிகங்களுக்கான டிஜிட்டல் சந்தைப்படுத்தல் பட்டறை பயிற்சி ( Digital Marketing Workshop for Entrepreneurs & Small Business) வரும் 2 நாட்களுக்கு சென்னையில் நடைபெற உள்ளது.

மின்னணு முறையில் சந்தைப்படுத்தல் பயிற்சி
தமிழ்நாடு தொழில் முனைவோர் மேம்பாட்டு மற்றும் புத்தாக்க நிறுவனம் மூலம் சுயமாக தொழில் தொடங்க, தொழிலை முன்னேற்றி லாபம் பெறுவது எப்படி, தொழில்நுட்பங்களை தொழிலில் உபயோகிப்பது உள்ளிட்ட பல பயிற்சிகள் வழங்கப்படுகிறது. குறைந்த கட்டணத்தில் நிபுணர்கள் கொண்டு பல்வேறு மாவட்டங்களில் குறுகிய கால பயிற்சிகள் வழங்கப்படுகிறது. அந்த வகையில், தொழில் செய்பவர்களுக்கு உதவும் வகையில் மின்னணு முறையில் சந்தைப்படுத்தல் பயிற்சி வழங்கப்படுகிறது.


சென்னையில், "தொழில்முனைவோர் மற்றும் சிறு வணிகங்களுக்கான டிஜிட்டல் சந்தைப்படுத்தல் பட்டறை" பயிற்சி வரும் 28.05.2025 முதல் 29.05.2025 தேதி வரை காலை 10.00 மணி முதல் மாலை 5.00 மணி வரை நடைபெற உள்ளது.

இப்பயிற்சிப் பட்டறையின் என்னென்ன பயிற்சிகள் கற்பிக்கப்படும்?

  • வணிக சந்தைப்படுத்துதலின் அடிப்படைகள்
  • வளர்ச்சிக்கான அலகு பொருளாதாரம்
  • முக்கிய அளவீடுகளைப் புரிந்துகொள்ளுதல்
  • அதிக மாற்றும் சந்தைப்படுத்துதல் புனலை உருவாக்குதல்
  • டிஜிட்டல் சந்தைப்படுத்துதலின் இரகசியங்கள்
  • வெற்றிக்கான தந்திரங்கள் மற்றும் கருவிகள்
  • குறிப்புக்கான நிகழ்வு ஆய்வுகள்.
இப்பயிற்சி பற்றிய கூடுதல் விவரங்களை பெற விரும்புவோர் https://www.editn.in/ என்ற வலைத்தளத்தில் தெரிந்து கொள்ளலாம். மேலும் விவரங்களுக்கு அலுவலக வேலை நாட்களில் (திங்கள் முதல் வெள்ளி வரை) காலை 10 மணி முதல் மாலை 5.45 மணி வரை தொடர்பு கொள்ளலாம்.

அலுவலக முகவரி மற்றும் தொலைபேசி எண்

தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம், சிட்கோ தொழிற்பேட்டை, பார்த்தசாரதி கோயில் தெரு, இடிஐஐ அலுவலக சாலை ஈக்காட்டுத்தாங்கல், சென்னை - 600 032.
தொலைபேசி எண்கள் : 9543773337. 9360221280


முன்பதிவு அவசியம்
தமிழக அரசின் தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம் மூலம் வழங்கப்படும் மின்னணு முறையில் சந்தைப்படுத்தல் பயிற்சி மூலம் உங்கள் தொழிலை டிஜிட்டல் முறையில் முன்னெடுக்கலாம். தற்காலத்தில் டிஜிட்டல் மார்க்கெட்டிங் அவசியம் என்பது முக்கியமாக பார்க்கப்படும் நிலையில், தொழில் செய்பவர்கள் இந்த வாய்ப்பை பயன்படுத்திக்கொள்ளலாம். இப்பயிற்சிக்கு விண்ணப்பிக்க விரும்புகிறவர்கள் மேல் குறிப்பிட்டுள்ள இணையதளம் வழியாக முன்பதிவு செய்ய வேண்டும். இப்பயிற்சி பெறும் நபர்களுக்கு அரசு சான்றிதழ் வழங்கப்படும் என தெரிவிக்கப்பட்டுள்ளது.

🔻🔻🔻
Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group


(Employment news in tamil, Tamilnadu Job News, velaivaipu,
தமிழ்நாடு அரசு வேலைவாய்ப்பு செய்திகள்,வேலைவாய்ப்பு செய்திகள்)

0 Comments:

Post a Comment