பள்ளி கல்வித்துறையில் முன்னோடி திட்டங்கள்: தமிழக அரசுக்கு அமெரிக்க குழு பாராட்டு

       Education News (கல்விச் செய்திகள்)

 

தமிழக பள்​ளிக்​கல்​வித் துறை செயல்​படுத்​தும் முன்​னோடி திட்​டங்​களுக்கு அமெரிக்க குழு​வினர் பாராட்டு தெரிவித்தனர். அமெரிக்​கா​வில் இருந்து இந்​தியா வந்​துள்ள புகழ்​பெற்ற நிபுணர் குழு​வினர், தமிழகத்​துக்கு வருகை புரிந்​தனர். நேற்று முன்​தினம் தலை​மைச் செயல​கத்​தில் பள்​ளிக் கல்​வித்​துறை செய​லா​ளர் சந்​திரமோகனை இந்​த குழு​வினர் சந்​தித்​தனர்.

இந்த குழு​வில் பிலடெல்​பியா செவன்டி குழு தலைமை நிர்​வாக அதி​காரி லாரன் கிறிஸ்​டெல்​லா, கிளீவ்​லேண்ட், கேஸ் வெஸ்​டர்ன் ரிசர்வ் பல்​கலைக்​கழக சட்​டப் பள்​ளி​யின் பேராசிரியர் ஜூலியட் கோஸ்ட்​ரிட்​ஸ்​கி, கொலம்​பஸ் ஓகியோ பிர​தி​நி​தி​கள் சபை​யின் சட்ட உதவி​யாளர் பிரி​யாமெய்ஸ் இடம் பெற்​றிருந்​தனர்.

இந்த சந்​திப்​பின்​போது தமிழக பள்​ளிக்​கல்​வித் துறை​யில் செயல்​படுத்​தப்​படும் காலை உணவுத் திட்​டம், பள்​ளி​களில் இருந்து குழந்தைகள் இடைநிற்​றலை குறைத்​தல், அடிப்​படை எழுத்​தறிவு மற்​றும் எண்​ணறி​வு, சமத்​து​வம் மற்​றும் சமூக உணர்​வு​களை உள்ளடக்​கிய பாடத்​திட்ட சீர்​திருத்​தம் ஆகியவை குறித்து செய​லா​ளர் விளக்​கி​னார்.

அப்​போது, ஆதா​ரம் சார்ந்த கொள்​கைகள் மற்​றும் குழந்​தைகளை மையப்​படுத்​திய உத்​தி​கள் மூலம் பொதுக்​கல்​வியை மாணவர்களுக்கு வழங்​கும், பள்​ளிக்​கல்​வித் துறை​யின் உறு​திப்​பாட்டை அமெரிக்க பிர​தி​நி​தி​கள் பாராட்​டினர். மேலும், உள்​ளூர் பாரம்​பரி​யத்தை ஒருங்​கிணைப்​ப​தற்​கும், சமூகத்தை மையப்​படுத்​திய கற்​றலை ஊக்​கு​விப்​ப​தற்​கும், அனைத்து மட்​டங்​களி​லும் பள்ளி மாணவர்​களின் தலை​மைப் பண்பை வலுப்​படுத்​து​வதற்கு அரசு மேற்​கொள்​ளும் முயற்​சிகளை குழு​வினர் மிக​வும் பாராட்டினர்.

கல்​வி​யில் தொழில்​முறை பரி​மாற்​றம் மற்​றும் சர்​வ​தேச ஒத்​துழைப்​பு, பரஸ்பர புரிதல் மற்​றும் புது​மை​யான நடை​முறை​களை பகிர்வது ஆகிய​வற்​றின் உணர்வை இந்​த பயணம் வலுப்​படுத்​தி​ய​தாக அக்​குழு​வினர் தெரி​வித்​தனர். இத்​தகவல் பள்​ளிக்​கல்​வித் துறை வெளி​யிட்​டுள்ள செய்​திக்​குறிப்​பில் தெரிவிக்கப்பட்டுள்ளது.

Click here to join WhatsApp group for Daily employment news

Click here to join TNkalvinews whatsapp group

Click here to join TNPSC STUDY whatsapp group

(Education news in tamil, Education news in Tamilnadu, News in Tamil, latest education news online in Tamil, kalviseithigal, kalviseithi, School News, Latest news on education in tamil, Kalvi (கல்வி) )  பெருந்தலைவர் காமராசர் பிறந்த நாள் - ஜூலை 15ஆம் நாள் கல்வி வளர்ச்சி நாள் குறித்து DSE செயல்முறைகள்!