வெளிநாட்டில் இருக்கும் இடங்களை போலவே நமக்கு அதிகம் தெரியாத சில சூப்பர் ஸ்பாட்கள் உள்ளன. அப்படி இந்த ஜூன் மாதம் செல்லக்கூடிய சில ஸ்பாட்களை உங்களுக்கு அடையாளம் காட்டுகிறோம்.
மேற்கு வங்காளத்தில் உள்ள லாவா நகரம் பசுமையான காடுகள் , ட்ரெக்கிங் தலங்கள், வெளிநாட்டு பறவைகளை பார்ப்பது என்று பலவகையான செயல்பாடுகளுக்கு ஏற்றது. மடாலயங்கள் முதல் நீர்வீழ்ச்சிகள், அரிய சிவப்பு பாண்டாக்கள், காஞ்சன்ஜங்காவின் மயக்கும் காட்சிகள், தொங்கும் பாலங்கள், கதிரியக்க ரோடோடென்ட்ரான்கள் வரை, லாவாவிலும் அதைச் சுற்றியுள்ள பகுதிகளிலும் நிறைய இடங்கள் உள்ளன.
லே மாவட்டத்தில் அமைந்துள்ள ஒரு அழகான கிராமம் தான் ஹெமிஸ். இந்த கிராமம் அதன் அழகான மற்றும் புகழ்பெற்ற ஹெமிஸ் மடாலயத்திற்கு புகழ்பெற்றது. இந்த இடத்தில் ஹெமிஸ் தேசிய பூங்கா உள்ளது, அங்கு நீங்கள் பனிச்சிறுத்தைகள், லாங்கர்கள், ஓநாய்கள், சிவப்பு நரிகள், மான்கள் மற்றும் மர்மோட்களின் ஒரு பார்வையைப் பிடிக்கலாம். இமையமலைகள் சூழ்ந்த அழகிய கிராமம் அது.
கர்நாடகாவில் உள்ள மற்றொரு அழகிய இடம் நாகர்ஹோல் தேசிய பூங்கா. 847.981 சதுர கிலோமீட்டர் பரப்பளவில் பரந்து விரிந்து கிடக்கும் இங்கு புலி, சிறுத்தை, ஆசிய காட்டு நாய் , கரடி, கவுர், சாம்பார், சிட்டல், முண்ட்ஜாக், லாங்கூர் உள்ளிட்ட வனவிலங்குகளை சஃபாரி செய்து பார்க்கலாம். இது வயநாடு வனவிலங்கு சரணாலயம் (கேரளா) மற்றும் பந்திப்பூர் புலிகள் காப்பகத்துடன் இணைந்துள்ளது. கபினி மற்றும் தாரகா நீர்த்தேக்கங்கள் குளுகுளு அனுபவம் தரும். உடையார் வம்சத்தின் வேட்டையாடும் இடமாக இருந்த இடத்தை பார்க்க வேண்டாமா!
புன்னமடா என்றும் அழைக்கப்படும் வேம்பநாடு நமக்கு மிக அருகில் உள்ள அட்டகாசமான ஸ்பாட். கோட்டயத்தின் அனைத்து ஆறுகள் மற்றும் கால்வாய்கள் இணையும் இந்த ஏறி சுமார் 96.5 கிமீ நீளம் கொண்டது, இது இந்தியாவின் மிக நீளமான ஏரி இது தானாம். செழுமையான இயற்கை அழகுடன் அரேபிய கடல் அருகில் அமைந்துள்ளது, கடலில் இருந்து ஏரியை பிரிக்கும் ஒரு குறுகிய பாறை அமைப்பு கூட உள்ளது. இங்கு படகு சவாரி, மீன்பிடித்தல் போன்றவற்றை நிச்சயம் செய்ய வேண்டும்.
உத்தர் கர்நாடகா மாவட்டத்தில் அரபிக்கடலை ஒட்டிய கடற்கரை நகரம் தான் கும்டா. பிரபல கடற்கரையான கோகர்ணாவிலிருந்து 31 கிமீ தொலைவில் உள்ளது. இங்கு கடற்கரை தாண்டி மிர்ஜான் கோட்டை, யானா குகைகள், கோர் கோபாலகிருஷ்ணா கோவில், நிர்வாண கடற்கரை, பாடா கடற்கரை ஆகியவற்றை பார்க்கலாம்.
0 Comments:
Post a Comment